¹ La oyoho aemala gotie lonalenale alo baye aba lene.La emi oho aena nama emoo afatoga gotie baye abalene ogambe la basee liu la gotie bekbe biaho baina bobona. ² Nama ayenei embande la gelenge gemoo aambo itingo;baoho bande bembende agaela baolo ba nama ye oili,la bonwa bo simba Dalagona ko efage ofia bwande,labokondi bwande la lokuku lwande lolene. ³ La yeenende,moete bokwe bwande,ogiangala ogafoela aso ngwa,la ofoela bwande obogwa muihunde.la nele litubu imbende la oiliamina gombise nama. ⁴ La omengia Dalagona po yembo efende bokondi la nama,la omengia ambo nama abea;<< Indi oho akokane la nama la indi akoke obunda ande?>> ⁵ Mopamande age monya moo selenga la baogi baigeta la bobona;ko efaage ofia bo tonga goete songe betuku benei la yele. ⁶ La koelifola bonya bwande mpo yo selenga la obona IONGIAONGIA, nfo ye bona lina liande,la obona mbele ye IONGIAONGIA;la obona baito bangaye go liolo. ⁷ La mbo felamende gee mboo atonge gimo la basali ba IONGIAONGIA,la olongaboo.La ko efage bokondi koete boi botubu la baogi batubu,la gehuma getubu. ⁸ Laa baito batubu abuha monele be mengiande gee,la obatiambo baina babo bekomame ge kete obandela bobokili goete buku bo bomoi,bona ga nama aga getame ngingo. ⁹ Engala mbo boto engale la batoi aoe. ¹⁰ Engala mbo boto ea gobundama,ebundama nde;engalambo boto eloa la ilondee,engba ndjambwale la ilonde.Mondangale obito la oimilia bobasali ba IONGIAONGIA. ¹¹ Laa yenande oaga liolo monele nama yaasina,embende la basee baele ogelana laa bona ga nama,la embende moselenga ogiangala Dalagona. ¹² EMbende mootonga bokondi botubu bo nama oyefelo,la embende motonga mboo la neele ¹³ Embende motongaa mbeo ndene,la olesa nyimbe igo liolo,tee gonisee,goete bomoi bo baito. ¹⁴ Laa bembnde moo kikoya baito ba gonise lootonga mbeo oyifelame gee gootonga go felo ye Nama,la obea gongale baito ba gonisee go tonga gelimi ye Nama ogambee la ofwela bo ilonde laambe muuha. ¹⁵ La mofelamende gee osimola gelimi genama, foemboo mboo gelimi ge nama ge selenge,la motongame mboo obati mo mengia gelimi gee nama be loamande. ¹⁶ La atonga mboo batubu,bana la bogolo,obea bioto la abatsha bioto la obafambola obabotamba,biuyende ndembe Moyoyabo igolome la go osio bwabo. ¹⁷ Laa mboo boto ata omoo atsho somba la oendja,lotsho ngala ndembe la lina li nama la botango bo lina liande. ¹⁸ Moe ndang aleb bweli aele botuya bo nama.Foyembo mende botuya bo baito,laoyabkm betuku liambe la liambe.