¹ Gelembo gelene genegende goliolo:gogali omoa ounduame nde la loha,songe gose baolo bande,la ngundu dje tosweswe gotshe botshwe boande. ² Embende la lieme,la embende moselenga la liogi lifia la moete bosala la moete iongo yi obota. ³ Gelembo gia sina ko genegale go liolo.la letei,ombende Dalagona nde ye boelu.embende la la metshwe sambo la basealiu,la gotshe metshwe sambo bikomo. ⁴ Bwali bwande boindjende tosweswe to liolo,la ko eta bose gose nele.Dalagona koengala gehoi gofelo dje ogali ogambe obota.Poadje ola bonagande aga ebote ge. ⁵ Ko ebota bona golome agago longanya babota batubu la ikoko aifia.la bona gaande koea liolo gongale IONGIAONGIA la gwale bokondji bwande. ⁶ La bogali ko ekima go gesobe, gombege olonganya gesee gelo ge IONGIAONGIA,gombege moola gombise bilanga betu liambe. ⁷ La ko mongala ngumo go liolo Mikaelo la ba anjelu belonela nde agegongale Dalagona. la dalagona ,la obaasina bande belonelande nu, ⁸ la atimbe la ofia la ngandu gesee giabo getimbe ale goliolo. ⁹ La ko betoma ge,la dalagona ndene,ndjo ye gologolo ayatangabo yabulu la satana,agangale mopengwisa nele tubu,obetoma ge gotshe nele, la baanjel bande ko betaambwale bo se. ¹⁰ Gombise djoende go lola liogi li fia olimbe bo:ogiogi luuho loaiga,la ofia,bokondi bo IONGIAONGIA boaiso la bogei bo masiya.la galo,etomende golusa agatuba baelo baiso ba bolome la aba bogali,agambe motuba bo loha la lotigo mopelo IONGIAONGIA djaiso. ¹¹ Baalongesa ge la bwina bo liila li bona ga kondolo laa bwina boliogi li mwene bo,la batilembe uuha bwabo tee mo banga liingba. ¹² Momo angalembo sagelaa,lola,laa enu obangale go lola.kasi ngandi yaino enu oba ngale go nele la loye lolene,po djabulu asuluga gongalenu,la gea ge ligege liiye,la oluba mbo atiale la sigo yiee. ¹³ Gwene Dalagona mbo batage se goni nele,aalingola bogali agabote bona golome. ¹⁴ Kasi bafafu baele ba ndjou befamelende la gogali,mbo ahumboge go lisobe,gogesee ageango laage djei gee geke,la ndambo dje gee,golalandjo. ¹⁵ Indi ndjo asela gobonya bwande ambo gebale gombise dje gogali,mnbo aembole la getombo. ¹⁶ kasi nele asunga bogali:auboga la omela gebale agenenesedalagona go bonya bwande. ¹⁷ Ligege goliolo li bogali,dalagona eende goolomesa bana bande abatialelo,abatosa bebeko be IONGIAONGIA la bende batela baogi ba yesu. ¹⁸ La dje ngae nde se go liolo li longongo lo lodje lolene.