¹ Baa peidjei,ikoko imoa isa ingaambo odjamekabo abilanga la ba beai:emala,la pimaa mbele dje IONGIAONGIA la mesa me makabo,la oba mengia. ² kasi sidja lopango lo longae golusa dje mbele dje IONGIAONGIA la ingo pima lo,pombo epamende po dje mabota,la bemetande go iula ilene ndjelu moete songe betuku benei adjele. ³ Dje paande abambeho baele ohia bo osaola,la bate batanga koto emoa bekama betuku botoba la djele. ⁴ Mongae baongon baele la tosweswe toele tolene tongae gopelo Ngene dje nele. ⁵ Mongaambo aboto aembambo aelebo obe,djiimbe inena nde goeta,benya biabo ladji alande banguna babo.Eee,Mongaambo boto omoa enga posa djoela bo obe,la gelenge gie nde adjokokage olwama gelenge gio. ⁶ Bengae la bokondi boanda go liolo,poyembo botoo boto tona bekolo be bosaoli,la bengae la booto banele la gelenge getubu geegetubu geembe bo. ⁷ Geegiadjo sidjaabo obea moenebo ,Nama elo adjonena goeta lihia,babunde beenda bebe,elonisabo,alongabo laa aloabo. ⁸ La beligo biabo bengaande goeta iula ilene,odja tangabo Sodomo la Ejipito,la gesee Oge taabo ngene djabo mo gekulusu. ⁹ Baito goeta mabot la bikolo,la benya,latoula la beenande beligo biabo betaame goeta bahia. ¹⁰ La po djabo mabota ma nele me sagelande la mengaande goeta osagela buwe,la betomande obambeho beela obai,poembo basaoli bande bo beenisende looso mabota ma nele. ¹¹ Oeta bekolo beseso la ndambo,boenda bomoa boouha boadja ongae IONGIAONGIA goeta djabo,la bende lutana go liolo li baaolo babo;la obanga bolene goeta djabo. ¹² La aowa mongongo momoa oselenga angandu go lola obeambo:lilei goni la baalila go lola goeta lifita,la gopelo dje baiso ba banguna babo. ¹³ Go gee gio,mombaande la logulumo lo iele,la gesege ge iula ilene ge liu,giaumase,bolome koto sambo bengbende gplogulumo lo nele,la obai bebangende la bepaande omengia gongae IONGIAONGIA. ¹⁴ Obe obodjele bodjaande ogiogi. ¹⁵ Moindje mo sambo geo aatoba kelelo.la baowa go lola mongongo mo nele mwabea:bokondi bapaame ama bokondi seko la seko. ¹⁶ La tonino betuku bele abanei,obengaese gopelo IONGIAONGIA gotshe bokondi boande,bembende ogumbamelage masho matubu metamese mo nele la bende mengia IONGIAONGIA. ¹⁷ La obea:Tondemengia age,Ngene IONGIAONGIA agaete opia angae,la ogangae,Po dje mbo bwabunda opia bolene la osa aho bokondi bwago. ¹⁸ La toula totshubu tosundjende kasi osundja bwago boete nde obwabo.Gee giakoka po osiidje oba sege huma,la olongise baito bo bengbwelo mweta djago ambo basaoli,baito baelu. ¹⁹ Indimbo tepelo dje IONGIAONGIA engae go lola elubogende la sanduku dje oowana eenanende goeta lo.La mombende la ba kake,mengongo la logulumo lolene,botoo bo totale to tonende.