¹ yenaa nde boenda bwasina bopia, Ogambe mosulugase gootoga go liolo, elingame la ligugumba; Ndiba embende gotshe botshe bwende, La osio bwande bombende gi angaa loha, La baolo bande bembende ambo belongo be yimbe. ² Ebunde nde moyogo yande bokanda bomoa bokee obombe baale. Aasela iyolo yande yi bolome gotshe loye lolene, Lai yolo yande yi bologali gotshe neele. ³ La geoho aata beende, Ogi atataa simba. Gee gehamo ge gee, Kakee bosambale yo yaatoba la baogi babo baowana. ⁴ La Gee geowana yo kakee bosambale, Yeongonde osiginya; emi ooho aowa go liolo limoa olibea mbo: bundaa mbeo oyingae moselenga kakee bosambale, La bwingoo siginya yo. ⁵ La boenda, obombei mwena eemale gotshe loye loolene laa gotshe neele, Aa esia yogo yande yi bolome liolo. ⁶ La geoho aalapa molina li ogangae muha loongo la loongo, oga ongie go lola la biimaa biya bitshubu obingae go, La neele laa biimaa biya obingae go, La loye lolene laa biimaa biya obingae go, Lambo gee getshale ho, ⁷ Lambo biina be liogi bo boenda obo bosambale, Gee gea yuumagee litshimba, Loo loisama lo Iongia-Ongia lo gelanyama nde, Ogiasile gee goselenga la baito bande ba ligwa, Kanga yi Iongia-ongia. ⁸ La liogi oliowei go lola, Mobegisie ndemi mbala yasina, Ko ebea: Teaa osaa bokanda bokee obongae baale mo yogo yi boenda oboemale gotshe loye loleene laa gotshe neele. ⁹ La emi oho aaa gwangae boenda, La gobegisia ge gomba apeei bokanda bokee. Ko ebea lami: osaa mo, La melaa loo; Momgaa ndee la libee goete nda yago, La goete bonywa bwago mongaa nde la ligee ogi angaa liegee li bogee. ¹⁰ Emi oho aosa bokanda bokee mo yogo yi boenda, La emi oho aamela yo; La mombende la liege lilo ogi angaa bogee goete bonywa bwai, la gee gemeelei yo, ndai yai elo aa ngaa la libee. ¹¹ La ko bebealai mbo: Mogelana mbo bobee mbala yasina moete baito baiye, La toula twasina, La baogi baasina, La bekandi beasina.