¹ Gombisa bilanga biee,Iongia ongia atoma maogi mande gongae Yoani,mona ga Zakalia,goeta gesobe. Gee giigise mona ga mokondji molene Tibere akokisege bilangaliu la bitano goeta bokondji bo Roma,la pilato embaande mokondji mo Yudea;Elode embaande mokondji mo Galilaya,moelo gande embende mokondji mo Ituré la mo Trakonite;Lizanias engaande mokondji mo Abilene; ² la Hana la kaife bembaande ba kanga dji Iongia ongia ilene. ³ La eande go toula totshubu tongae gombale dje juludea,goaesesa bo bobatisi boo lengela ngandi,podje masumu. ⁴ Oetana amokomame goete mokanda mo mosaoli Yesaya: Mongae mongongo mo mo oga taa biima goeta gesobe:olonganya ndole dje Ngene, olonganya ndole djande. ⁵ Mahia matubu me yalande,ba ngomba itshubu idjaandese;mosegamemo molonganande,la ba ndole odji palebo ingaande ilo. ⁶ La baito batubu benande gelenge giadjo uhisa Iongia ongia baito. ⁷ Ebeande la obadje baiye goa goa batisama ande:bino ba nyoka oyo!indji alubisenu ligege li Iongia ongia liee liadja lo? ⁸ Eleii mbeo djaenisa mbo bwangai baito balo bakikodja motema!sidjei obeambo obe bomoa boaigelite te esu,pombo Abalayama engae Tata djiso.djaa bea aino:Iongia ongia ekoke okikodja mabanga mee po maige bana ba Abalayama. ⁹ Baiso oosa gea giondaa la mesisa me tokoko.tokoko totshubu otwatsha tobota tuma,be tshinande to la be taa nde to mo djiimbe. ¹⁰ Baatundja ge : Toele gani? ¹¹ Abea abo:Ogangae la tulu ye liolo djele apee emoa gongae moto oho adjangelo. ¹² Befutisende bo pako labo bedjeelo po mbo Yoani abatise bo ,galo baatundja ge:Ngene,Toele gani? ¹³ Abea abo:Ingo futisi gea gombise mo atomebo enu goafutisa" ¹⁴ Basola pe baatundja ge: Esu toele gani?Yoane abea abo:Ingo eenisi moto pasi,ingo iteli baito mbeo;ingo osi palanga djaina goliolo li djo djipee be peenu. ¹⁵ La gelenge agiambe baito ogumba ,la bembende otundjana soki Yoani engae Kilisito, ¹⁶ Abea abo batubu:Emi,dje nde peenu libatisa li madje;kasi Endedja,ogangae ohia oetemi, la itikike ata olibola meeli me bilato biande.Gee ebatisendenu la moenda mwelu la djiimbe. ¹⁷ Ebunde kiangilo mo djoogo djande po ayengule bingi biee bingae gesee gemoa la tuma to blé;emamande tuma kasi ehetshande bingi la djiimbe odjatshi molimega. ¹⁸ Yoane embaande obea mbeo djiee po djoopa baito ohia,la embaande oteabo mboli djilo. ¹⁹ Epaande mokondji Elode toli,po esongende Elodiate,mogali ga mogolo gande Filipo,la po dje mbeo djaina odji tonge ge. ²⁰ Kasi Elode aela ale loo lomoa lobe:ata yoani go boloko. ²¹ Ane yoani asiidja obatisa baito batubu,aabatisa ambwale Yesu.Gee gembe Yesu obondela,Goliolo gwa liboga, ²² Galo moenda mwelu mwenegende ambo noli la esulugelende ge.Liogi limoalia nena go liolo la lia beande:"Bongae mona gai ga motema djeembe age angandju". ²³ Yesu engaende la bilanga gombale metuku beseso gee gebandege mosala mwande.Baito bembende okanisa ambo engae mona ga Yosefu.Yosefu embende mona ga Elia. ²⁴ La tata dje Matat.tata djande obanda Matat mombaande:Levi,Meliki,yanai,Yosefu, ²⁵ Matatias,Amos,Nahum,Esli,Nagai, ²⁶ Maat,Matatias,Semei,Yozek,Yoda, ²⁷ Yoanan,Reza,Zorobabel,shaltiel,Neri, ²⁸ Melki,Adi,kosam,Elmadam,Er, ²⁹ Yesu,Eliezer,yorim,Matat,levi. ³⁰ simeon,yuda,yosefu,yonam,Eliakim, ³¹ Melea,mena,matata,Natan,Dawidi, ³² Jese,yobed,Booz,sala,Nashon. ³³ Aminadab,Admin,Arni,Hesron,peres,yuda, ³⁴ yakob,Isaka,Abalayama,Tera,Nahor, ³⁵ Serug,Reu,Peleg,Eber,Shela. ³⁶ kainam,Arpakshab,Sem,Noé,Lamek, ³⁷ Metushela,Henok,Yared,Malelel,kenan, ³⁸ Enosh,set,Adamu;Adamu geoho edjee a Iongia ongia.