¹ Moelo tangoelo bobeko bo Kaisala Ogisite;mbo lisasema litongamee bolilo bobimba . ² Lisasema li pelopelo momba ndee gee ge Kiriniusu ogambe Gufelenele bo suliya. ³ Baito batubu bembendee moo komisa Baina kila botó la boi bwandee. ⁴ Yosefu ambwale ogo aaa go Galilaya,Mbau ye Nasaleta,po mbo aee go Yudea,Mbau ye Dawiti ,abotamee Lina mbo Beteleme,po yembo embendee ga Mbele laà mo Libota li Dawidi, V/ 5 Poá yembo akomese la Maliya ,Lipili liandee, ogambe la Liemee, ⁶ Tango ayembe bo go,Maliya ogo asila obota, ⁷ La geohò abota Bona gandee ga Golome ga Pelopelo. ogeoho alingilia Bona la Tulu la ogeoho atáa gee go ketee Kengo ye Bana ,Poá yembo gesée ge timbe po yabo go yoo otele, ⁸ Moomba ndee moketee yo gesée Bekengeli be Nama obambe go keta ye Bilanga Lotigo loaho po yokengela Nama yabo. ⁹ La leetaa,Mwanzelu bo moó bo Ngene akbegelabo, laà ongengela bé Ngene mwaenegela geesee oge moambe bo .Boha bo bwagotelabo bo batubu. ¹⁰ La Mwanzelu ogo àbègisa bo: Ingo bangi;Poá mbo yendebegisenu mboli yilo,ayimbongala mpo ye Baito batubu mboli yo sagela : ¹¹ Laabwina,goete Mbau ye Dawidi,Bouhesi bo moà abotameleenu,gé ogangalee Kilisito,Ngene. ¹² La leetei bolubi ndi ge la ye Ndembee: Boenindi elingamee la Tulu laa eponisamee go Kengo ye Bana. ¹³ La ogema bwiye bo Basola ba Lola baya ouyana la Mwanzee,po yoesa Lokuku lo Mungu lioló laa obea: ¹⁴ Kembo go ngalé Mungu go bisee abiete Lioló la gehoï mo Gehuma moete Baîto abalembee ge! ¹⁵ Gosile Banzelu otiabo po yo binoga go Lola , Bekengeli bé Nama bóbó ba beana go ketee yabo: Toei tee go Beteleme,la toenei aloaiga,ayasila Ngene oenesesu ¹⁶ Bóbó baà la Maango,la Maliya la Yosefu laà Bona boke eponisamee go tshe Kengo ye Bana. ¹⁷ Gosilee bo goena, bóbo baataa mboli aisile bo obigisama gotiee Bona boke. ¹⁸ Batubu aboee giambebo moselenga bobo ba geema ogiambe Bekengeli be Nama mobegisia bo . ¹⁹ Maliya iisee ndee yembeo yi tubu ,la aataa lo goete Botema bwandee . ²⁰ La Bekengeli be Nama bóbó babinoga goete osagela laà oesha Lokuku lo Mungu go lioló po yebitubu ayoebo la ayene bo,la mongandé ndee la moasile bo obegishama . ²¹ Gombisee bekolo bonani, abokokee Bona otinyama Lototo,boaengana, Bobo bafaage Lina mbo Yesu, Lina alibegesee Anzelu pelo ye Mbo auye Liemee . ²² La giasilee bekolo biabo yo sogolama okoka ogiabee Bobeko bo Mose,Yosefu la Maliya Bobo baà landee go Yelusaleme ,po yoenisa be go ngalé Ngene ²³ Ogiasinamelo go ketee Bobeko bo Ngene: Bona botubu Golomee ga Pelopelo epaama ndee go ngae Ngene , ²⁴ La poa yo laà Bisesenge Bielee la Bana baelee ba kukulu , ogiasinamee lo go ketee bo Bobeko bo Ngene. ²⁵ Laa moomo, Moombaande goo yeelusalemee booto omoa eetangaameende Simeona. Ohoo booto eembeende aa boosembo laa bootosi, Eembeende moowa boosungi boo Isaalaele, Laa boolimo boosaatu boombeende gootcheandee. ²⁶ Gee embeende loongo obeisaama boolimo boosaatu Aambo apaambgeite peelo djoenaa kilisitoo djiongiaa ongiaa. ²⁷ Eende goo teepelo, Eehaambaamendee aa Boolimo. Laa, Gaalo baaboti peetoleende boona booke Yeesu pwee djoogeelanyaa aa geelengee gwandee mwaa paame moobeekoo, ²⁸ Eudjendeegee gweete baago baandee, Aa paamboola Mungu, Laa abeea: ²⁹ Sikeene, Iongia ongia sidjaa boosaleli bwaago aae aa geehoi, Aa geelengee geeliogi liago. ³⁰ Indii mboo baiso baai beeneende ouha bwaago, ³¹ Loobikoo lwee loolengeele aagee goopeloo baaito baago batchubu, ³² Poolee pwee djoo ngeengisa beei, Laa loogumaa loo isaalaelee, Baaito baago. ³³ Isee andee laa inaango aandee gweete kooseepela moo mbeeo oibeiseesu gee. ³⁴ Simeona eelaiseendeboo, laa obeea aa maliaa, Inaango gaandee: Leeta, Bona onoo eebinaame pwee djoopaa opkaa mpee odjidjaamaa boo baaidjee goo Isaalaele, Laa oeechaa geelembo ogeea djonyeenyaa bookeeseni. ³⁵ Laa aageangeene boongaee bombaali booloa boolimo bwaagoi, Pweemboo baageelegi baaidjee baaboteema baangaee oneenaa. ³⁶ Mombee ndeeambaale aa kaanga djee mungu, Anaa, Boosea gaa Fanuele, Booto gaa Asele. Eembendee boohia eegoologeendee aangaandju, Mpee eeleende bilangaa beetuku boosaambaale bwaa boolomee gaande tee loolembaana bwaboo. ³⁷ Eetialeende bobgeeli, Aa bilaangaa beetuku boonaani aa binei, Gee atitiee teepelo, Laa eeleleende mungu boosee laa lootigo gweete liboondeeli. ³⁸ Eembeende odjaa, Geambaee, Aa gee geeaho geemoa, Eende kumisaa mungu, Laa eebeende aa yesu aa gee bootchubu baambee moogumbaa okaangoolamaa boo yeelusaaleme. ³⁹ Aaho gaeebo ogeelanyaa beebeko beetchubu beepee Iongia aa ongiaa, Yoosefu laa Maalia beendee mbisaa goo Gaalilai, Aa naazaleete, Mbaau djaabo. ⁴⁰ Indimboo, Boona eesanendee laa eudjeende ohiaa. Eedjaisameende aa lisoosoli, Laa ngoolu djee mungu eembeende goolioloo liandee. ⁴¹ Baa booti baa Yesu beembeende moaa bilaanga bitchubu goo yeelusaleeme, Feetii yee paasikaa. ⁴² Aaho gaaigiseege bilaangaa liula bielee, Beelendee, Geelenge gee bookooko goo lipaati. ⁴³ Mpee, Gee geembee beekoolo oeeta, Laa beedjeende mbiisa, Boona Yesu eetialeende goo yeelusaaleme. Isee laa inaango aandee baati lubee. ⁴⁴ Beegeelegiendeembo eembeendee aa obaee aabo loeendoo, Beelende bookolo boomoaa moo ndoolee, Laa baalubaani baandee. ⁴⁵ Kaasi, Baatiene gee, Baambiisa goo yeesaaleme pwee djoosilaagee. ⁴⁶ Goo mbiisee beekoolo beeseso, Baeenaagee gweete teepeelo, Eengaese moosisee baa lookotoloo djii bibilia, Owaabo laa otchundjaboo. ⁴⁷ Bee baatchubu baaweeloo beembendee ootobaama aa bweeli bwandee laa biyaanoo biaandee. ⁴⁸ Gee geene baaboti baande beena gee, Beetolimeendee, Laa inaangoandee aabeandee: Boona gaai, Pweegii gaaelaa boeelesu gaalo? Leeta, Iseeago laa eemi, Tweendee siilaae aa odjaangaa geehoii. ⁴⁹ Yesu aabeaboo: Pweegii djaasilaa boosiili djei? Booti moolubimboo tee djieelee beesalaa bee Taata djaai? ⁵⁰ Kaasi baati soosolee mwaa bee eebeaabo. ⁵¹ Goombiisa aasulugaa laabo pwee djooa goo Naazaleeta, Laa inaangoande eebaateleende djoo mbeeo djitchubu gweete booteema bwaande. ⁵² Laa Yesu eemidjende aa bweeli, Aa tina, Laa ngoolu, Goopeelo Mungu laa goopeelo baaito.