¹ Yesu, Gasilege odjala la boenda bo Iongia-Ongia ayaa go yaladene, La eendisamende la boenda bo Iongia-Ongia goete liboobo, ² Gae djabulu goo ota ge bekolo betu benei. Atile gea goete bekolo bio, La, Gosile bekolo oeta, Oyoho aoa isige. ³ djabulu abea laande: Bongaa bona ga Iongia-Ongia, Selenga la liye libanga likikogee ikuma. ⁴ Yesu aabinoela ge: Mosiginyame mboo: Boto afuhee la ikuma bwasi. ⁵ Djabulu, Aa laande liolo, Aaletshage mo gee geke bekondi betubu begehuma. ⁶ La aabea laande: Yee pande age himba yitubu, La lokuku iyo bekondi; Po yembo mopamende goangalei, Laa yee pande lo laa ogalembei. ⁷ Imbaimbo bofwelei baloi se yee faande itubu goangale age. ⁸ Yesu abinoelage: Moesiginame: Bofoelande Ngeeene baloi se, Ogangale Iongia-ongia yaago, La botongelande oge angene ligowa. ⁹ Alaa djabulu oa foale laande go Yelusaleme, La aa sengase golio limbele ye Iongia-Ongia, La aabea laande: Bongala bona ga Iongia-Ongia, Taa bindo goni tee go nele; Po mosiginame mbo. ¹⁰ Etomande baadjelu bande po yaa go, po yoo kengela ge; ¹¹ La betolande age laa baogo po yembo iyolo yago liti otita litale. ¹² Yesu aa binoela ge: Mobeame mbo: Bofoete Ngeene, Iongia-ongia yaago. ¹³ Gombisa yee ootage la bilenge bitubu aa gola lande kino gee ge sina. ¹⁴ Yesu, La himba ye boenda bo lokuku loande go Galilai, La lokuku loande loa fandonga moete bei betubu be bagu. ¹⁵ embaande moekicha goete yi Sinagoge, La efamendelokuku la baito batubu. ¹⁶ Oyo ho aa go Nasaleta, Goa gologelage, La gelenge ge baito bago, Agota goeta ye Sinagoga buina bo sabata. aemala mpo yo tanga bokanda. ¹⁷ La bobo bafaage bokanda bokanga ye Iongia-Ongia Isaya. Gosilege oliibola aena gesee age siginame mbo, ¹⁸ Boenda bo Ngeene engae gotiai, po yembo atei baina mboo iselenge liogi liloo goangale obatila gea; Atomei po yuhicha ababe ndega betema, ¹⁹ Po yo begisa ababundamelo onenisama bwabo ge seegebe, La obangbe baiso oenase bwabo, Mpo yo tasee abende nyokolama po yo begicha gelanga ge lifea li Ngeene. ²⁰ Lambisa, Oyo ho alifa bokanda, Abinola loo gongale bosali bo Iongia-Ongia, Kooea goongala se. Baito batubu obambee goete Sinagoge babelage baiso. ²¹ La misa oyogo abanda obea laabo: Laa buina liye liogi liosiginama alia oenu liaengana. ²² La baito batubu bembende mopaa temo yande, Bembende la ogema otie baogi ba lifea abambe mokbega go monwa mwande, Kobebea: Ati poale bona ga Yosefu ono? ²³ Yesu abea labo: Ti labwege botindi liye lisimo(lila) poyai: Bonganga uwisa bindo biago age angene. La bobeindi lai: Tonga ane, Goete iwula yago bitubu abioesu mbo boende tonga go Kapalanaume. ²⁴ La, Aselega poale, Yaa begeseenu moloo ngeene, ati la kanga ye Iongia-ongia ango emoa anga oudja lokuku goete iyula yande. ²⁵ Yaa begesenu moloo ngene: Mombande la bogali abaa ngbela ba lome goeta ye Isalaele mogeee ge Eliya, gee ogidjame lola bilanga bisaso lasonge liambe la isige geteu yo iaya goete gehuma. ²⁶ La gee gia ho Eliya ati tomane goangae kila omoa gaabo, Atimbe gogali omoa agangbele boleme, Go salepeta go iyula yi sidona. ²⁷ mombaa nde ambwale baito ba mbali baiye goete ya isalaele gee ge Elisa, Kanga ye Iongia-ongia; La indefande atimbe ango la omoa oga sogolamelo. Otomba Naamana boto ga sulia. ²⁸ Bobatubu bo baoa ligege goketa ge sinagoge, Goebo yee mbbeo yee. ²⁹ Goemalebo, Kobegitsha ge goete mbau yaabo, La baa laande golio lingolo gesee oge fwame mbau yaabo, Po yembo bilitsheee ge gose. ³⁰ Kola yesu oetana moete yaabo, ko eya. ³¹ Oyo ho aa suluga goo Kapalanaume, Mbau ye galilaya; la embande moekisa bwina bo sabata. ³² Baito batubu baa gemisama la baekesi bande; po embande oselega la lokuku. ³³ Mombande goete Sinagoge golome omoa embande la boenda bomoa bobe bolilo, La embande mota beende la liogi lipia, ³⁴ Ha! Looinandi goete esu laago, Yesu ga Nasaleta? Boaya po yolimanga esu. Yelube bongae bosatu bo Iongia-ongia! ³⁵ Yesu asundjela ge, Koebea: Ngala gehoi, La nenaa goete ono boto ono. La boenda bobe bo bwatoba ge se goete ge baito batubu, la oanena goete yaande, la ototonga angoge looso lomoa. ³⁶ Baito batubu bo bagema, Kobebea moete yaabo: Liogi inadi liye? Endefaa bobeko la lokuku laa opia goangae beenda be lilo, la bende nena! ³⁷ La lokuku loande lo loapandoga bisee bitubu lo bagu bagu la ho. ³⁸ Gombisa gonena go Sinagoge, Bobi baa gombele ye Simona. Inango ga mogali ga Simona embaande la bwale(bolombo) ifia, La bobo baamba lisungi ga gae yesu mpo yande. ³⁹ Gosile ge uinama gotie moto ga bwale, Ola esu esundjela bwale (bolombo), La bwale (bolombo) eloo anena. La ho oyogo aemala, La afaa bo bia biola. ⁴⁰ Gombisa bwina oila, Baito ba biale abambe la biale bilenge la bilenge bobo ba ya goangale ge. ata bago gotie omoa gaabo. La bobo baa uha. ⁴¹ Beenda bebe ambwale baa nena go keta ye baito baiye, Moeta yo, ta beenda lobea: Bongale bona ga Iongia-ongia. La oyo ho asundjela bo la otale bo mbo baselenge, mpo ye mbo bo belubende kilisito engae ndi. ⁴² Gasile bwina oya, Oyo ho anena koea gesee ge moa ge libobo. Bwiye bo baito baangala mosilana laande, La bobo bauyana laande; ba tilembe ale mbo atiane laabo. ⁴³ Koebea laabo: Mokoke mbo ibegiche mbau yaa sina liogi lilo li bokondi bo Iongia-ongia; Mpo ye galo nde atomame emi. ⁴⁴ Embande mosakola goete Sinagoge yi Galilaya.