¹ Beemale nde bo batubu, la bee nde la yesu gongale pilata. ² Bembe nde motuba ge, Obea mbo: toitshe nde ono boto mo faa baito simbisi mbo batomboke, Ofeesa mbo bafute pako gongale Kaisala, La obea mbo engale kilisito, Bokondji. ³ Pilata atundja ge, la baogi be: Bongale bokondji bo bayuda? Yesu aeshela ge mbisa: Bwa bea. ⁴ Pilato abea la kanga djilene dji iongiaongia laa djabaito: Iti moena boto ono la loo lokbesa ge. Kasi bekikidje nde, La be bee nde mbo : ende tombokesa baito, La oekesa goete Yuda botubu, Obanda go Galilaya, Gobandele ge, Tee o goni. ⁶ Goe Pilata opata Galilaya soki boto ono engale boto ga Galilaya; ⁷ La, Golube ge mbo engale boto ga getuluka ge Elode, Aesha ge gongale Elode, Aga mbe ambale go Yelusaleme bekolo biaho. ⁸ Goene Elode Yesu oende geage olo; po gee gesa, embe nde la kamo djoena ge po dje moe ge go liolo liande, la embe nde molikia mbo ena nde ge oela toato tosemo. ⁹ Aa tundja ge betundja biidje; Kasi Yesu ati eshele ge mbisa. ¹⁰ Kanga dj'ilene dj'iongiaongia laa ndombe be mbe nde go, la otuba ge la oili. ¹¹ Elode, laa bakengeli bande baa leta ge la liso libe; la, gombisa dj'osea ge la obatesa ge tulu ndelu, aesha ge mbisa gongale Pilato. ¹² O bokolo bwa ho Pilato laa Elode bangala mbogo, indi bembe nde banguna ba gologolo. ¹³ Pilato, gosanganye ge kanga djilene djiongiaongia, basambisi, laa djabaito, aa bea laa bo: ¹⁴ Botoelindi djei ono boto mbo ende faa baito simbisi mbo batomboke. Letei, djatundja ge gofelo djaino , la iti itshe ge la gekbeli mo mbeo itubu aitub'enu ge. ¹⁵ Laa Elode ati kbese ge, po aeshel'esu ge mbisa, letei, ono boto ati tonge loo ao lomoo loagelana la ongba. ¹⁶ Djee sidja nde ge, gombisa dj'otoba ge beambo. ¹⁷ Mo basano batubu, mombe nde bobeko bo onenesa boto ga boloko omoo. ¹⁸ Baa hamoga bo batubu mbala emoo: Loa ono, nenesel'esu Balaba. ¹⁹ Boto gaho etame nde go boloko po dje bobulu abotame goete iula djilene, la oloa boto. ²⁰ Pilato aabea laabo mbala djasina, la ligelegia li osidja Yesu. ²¹ La bo abaa hamoga: go gekulusu, kakiei ge go gekulusu! ²² Pilato abea laa bo mbala dje isaso: obe inandi bwatonga ge? Djeenite gongale ge loo loagelana laande la lingba. Djetaa nde ge se go mbisa djeotoba ge beambo. ²³ Kasi baa kikidja la ota beende, obea mbo akakiame go gekulusu. La beende biabo bialonga: ²⁴ Pilato abea mbo motundje bo motongama nde. ²⁵ Aa nenesa aga mbe go boloko po dje bobulu la oloa boto, aga bee bo, la afaa bo Yesu galo ambe kamo djaabo. ²⁶ Galo ambe bo moa laande, baosa boto omoo Simona boto ga Kulene, agambe modjaa mbisa go gelanga, la baatolesa ge gekulusu mbo atole gombisa dje Yesu. ²⁷ Geage baito baidje bembe nde molingola ge, laa bogali bambe motoba bigba la olela po djaande. ²⁸ Yesu aletela bo mbisa, abea: bogali ba Yelusaleme, ndolela po djai, kasi lelei po djaino la bana baino. ²⁹ Po letei, bekolo biedja nde biango bea bo: gesagela la abati mobota, gesagela la bio abiti bote, laa balomi abati lomese! Lagalo bengala nde mobea la ngolo: umaa goliolo liaiso la ngomba djike: indj'esu! ³¹ Po, mongala mbo betonga djee mbeo la ikoko djiesi, gani angongala mo go ikoko igasu? ³² Bembe nde moa la baito babe baele mo gee geaho, abambe mbo bangbe la Yesu. ³³ Gwige bo go gesee getangame loongo, baa kakia ge go gekulusu go, laa baito bo baele ba obe, omoo go djogo i bolome, agoi go djogo i bogali. ³⁴ Yesu ge mbo: Ise, Limbesa bo po bati moluba mwatonga bo. Beganye nde tulu djande, la otoba la kalati. ³⁵ Baito bembe nde go, la belete nde. Basambisi be mbe nde mosea Yesu, la obea mbo: euhese nde abai; auhese bindo biande angene, mongala mboengale kilisito, aga biname la iongiaongia! ³⁶ Basola ambale bembe nde mosea ge; osugana la ofaa ge getoa, ³⁷ Bembe nde mobea: mongala mbo bongale bokondji bo bayuda, uhesha bindo biago age laene. ³⁸ Mombe nde goliolo liande la bee basigi: Ono engale bokondji bo bayuda. ³⁹ Omoo goete baito babe aga kakiame go gekulusu ebone nde ge, ge mbo: Boti Kilisito? Uhesha bindo biago age laene, la uhesh'esu. ⁴⁰ Kasi agoi aeshela ge mbisa, la ge mbo: botimobanga iongiaongia, age agagelane la getumbu? ⁴¹ Po djaiso, mongale loongene po toudje mogelane la besala bebe biaiso; kasi ono ati tonge obe ao bomoo. ⁴² La aabea la Yesu: boalanganei, goango dj'age la bokondji bwago. ⁴³ Yesu aeshela ge mbisa: djende bea laago mo loongene, la bwina bongala nde lai go paladiso. ⁴⁴ Mombe nde olingola ngonga dje liambe, la mombe nde la liima gehuma getubu, tee mo ngonga dje libwa. ⁴⁵ Loha loangala liima, laa tulu ndene dje losambo endge nde moeta laeta. ⁴⁶ Yesu aata bima: Ise, djaesa boenda bwai mbisa goete baago bago. La, gobea bo baogi, aangba. ⁴⁷ Bokondji bo basola goene ge moige lo, afaa iongiaongia luuma, ge mbo: mo loongene ono boto embe nde sembo. ⁴⁸ Laa baito batubu abambe ho moleta loo loaho, gombisa djoena moige lo, baa mbisa, la otoba bigba. ⁴⁹ Baito batubu aba lubane la Yesu, laa bogali aba lingole ge ootoga Galilaya, be mbe nde gola la belete nde mombe moeta. ⁵⁰ Mombee nde la bofi bo toli aga tange bo Yosefe, boto bolo la loongene, ⁵¹ Agatimbe gudje bo bokano la besala be abai; embe nde boto ga Alimatayo, iula yilene i Bayuda, la embe nde molomba bokondji bo iongiaongia. ⁵² Boto ogo ee nde gongale Pilato, la etundje nde bindo bi Yesu. ⁵³ A esha ge se go gekulusu, aundua ge la tulu, la asela ge goete kunda dje itale, go ati te foo bo boto. ⁵⁴ Mombee nde bokolo bo olonganya, la sabata embe nde obanda. ⁵⁵ Bogali abadje go Galilaya la Yesu bee nde la Yosefu gesee gemoo, beene nde kunda la gelengeage te bo bindo bi Yesu goeta, ⁵⁶ La, goe bo mbisa, belonganye nde malasi la baina. Gombisa beogome nde losigo lo sabata, ogelana la bebeko.