¹ Losago lolaa tokuma atii la bagana, omotangame paasika, Aiga tina. ² Kanga yi Ionga-Ongia oyilene, La basiginyi bee mbande mosila ndole mbo baloe Yesu; Po yembo be mbende mobanga baito. ³ inde mbo satana egotende go kete yuda, Ogatanga me mbo isikaliota, Oga mbe moete baito liu-la-baele. ⁴ La yuda oho aagaona la kanga yi Iongia-ongia ayilene laa bekondi be bakengeli mogelenge geo udja ge. ⁵ boo bangala moete sagela, La baowana gelenge geofa ge bioto. ⁶ Gombisa yeowana, Basila ndole ndo po yo ndjela bo Yesu la gelenge gembo baito batio luba. ⁷ Bwina bo tokuma atoti la bagana, Aboembe bo osagela Paasika aiga. ⁸ La yesu ko etoma petelo la Yoani, La obea mbo kei kalonga nyele su paasika po ye mbo tolee. ⁹ Bobo babea laande: goni nde alembage tuaa goolonganya? ¹⁰ Geogo abea laabo gi: Letei, Goango gotenu gokete mbau, buyanindi la Golome omoa etole ikutu yi baye; Tutei ge kombele aye enggogota ge. ¹¹ La boendi la ngene ga mbele: Boekesi aabea laago: Goni angale gesee agengolelei paasika la baetani baai? ¹² La enesende enu mbele ndene ye liolo ayengae la bima la bia bitubu: La ago nde ambolonganyele nu paasika. ¹³ Ko bea, ko beitsha mbeo ogealubesa ge olubesabo; La bobo baalo nganya paasika. ¹⁴ Goai ge gee, Kobeiga gotie mesa la batomami la ge. ¹⁵ Geogo aobea babo: Yembe la kamo pia yola laino ene paasika pelo mbo inyokoamee. ¹⁶ Po yembo, Yaabesenu, ipale ale, tee bwina abombokokisama lo go bokondi bo Iona-ongia. ¹⁷ Gombisa yoosa ikombele laa osombola, Aabea: osei ikombela yee, Ganyei yo moete yino; ¹⁸ Po yembo, yaabee laino tubu, I pamwelale tuma to vinyo, Tee ogangaya bokondi bo Iongia-ongia. ¹⁹ Gombisa aau ya ikuma; Gombisa ye osombola po ye ikuma, ko ebuna, La ko epa bo, La obea mbo: Moe mwende bindo biami, Obipamelo po yaino; kelei galo po y-ogelegiemi. ²⁰ oyo ho aosaale ikombele gombisa ye ola, ko epaale bo, Ko ebea ale: yee ikombele y-engale boowani bo sika bo baila boami, Obaa belame se po yaino. ²¹ Laa mbo tetei, Yogo yi boto aye ndee ndjei ye ngale la mi gotie ene mesa. ²² bona ga boto endea ogia sile mo angala po yaande. Ngandi goa ngale boto oga endje ge! ²³ Ko bengala motundjana mosise yaabo indi nde akoka otonga biye bilenge bi mbeo moketa yaabo yaiso. ²⁴ Ko bengala mokete yaabo bbaetani motundjana: Indi ad-ongale lokola bolene moete yaaa bo. ²⁵ Yesu oho abea aabo: Bekondi be bei ko begotela bo loondo lobe la bee obangae gotiaa bo baatanga bo baito balo. ²⁶ Motiongala gelenge gemoo lokola enu. La mboo ogalemba ongaa molene moete yino angae lokola bona boli, La ogangae moendisienu angae lokola bosali. ²⁷ La mbo indi angale bolene, Ogangae gotie mesa, La ogangae bosali? Ati ogangae gotie mesa? La emi, La galo, Yengae mokete yino aa mbo bosali. ²⁸ Enu, bongali oba bito lai mokete bimo biami; ²⁹ Mondangale mboo yaafaa bokondi po yino, Ogi afee ise gai efemi, ³⁰ Po yembo bolei la bomwei gotie mesa kokete bokondi bwaai, po ye mbo bongalei gotie kiti yi bekondi, Po y-osambisa baito liu la baele ba Isalaele. ³¹ Ngeene aabea: Simona, Simona, satana alengela enu, Po ye mbo etiseenu go kete kiangilo. ³² La yesombole nde po yaago po ye mbo uimilia bwago botie toyaa se; La age, Goango kikoga age faa himba goangae baelo bago. ³³ Ngeene, Petelo aabea laande, yaimilia oa laago engala go boloko, Engala go lingbaa. ³⁴ La yesu ogo abea: Petelo, Yaa bea laago, Nkoko ye golome afaegole lotwaina la bwangina nde emi mbala isaso. ³⁵ Aa bea ale laabo: Go eshe dje esh'enu ngomba la libenga, Ngomba la gelato, Bodjangi gea? Be eshe nde mbisa: Gea te. ³⁶ La aa bea laabo: Ogiogi, Ngo gelana, Ogangale la lofalanga atole la ogangale la saki atole ambale, Agati la ilonde aendje tulu asombe ilonde. ³⁷ Po, Dje nde bea laino, Mongale mbo lie liogi likomame lio ligelane goliolo liai: Etame nde mo bolenga bo baito balu. La motet'emi mwa djogelana. ³⁸ Bebee nde mbo: Ngene, Le taa tolonde twele. La abea laabo moa gelana ³⁹ Gombisa djonena, Eende, Ogalo ambe ge la sengo, Go ngolo dje baongo. Baetani bande belingole nde ge. ⁴⁰ Guige ge mo gesee giaho, Abea laabo; Sembogelei, Mbo botoumi goete otufiama. ⁴¹ Gombise ge a gaa gola laabo ogelana ambo bofitsho bo litale, La, Gofwege babongo se, A sembogela. ⁴² Gembo: Ise, Boolemba ambo ikombele djee djie gola lai! Ango galo, Bealangano biai beto sala, Kasi abiago. ⁴³ La galo andjelu bomoo boa nenela ge go lola po dje ofaa ge himba. ⁴⁴ Gombe gee bagu la lingba, Embende mosembogela bie bitubu, La gelungu geande geige nde ambo baila, Abambe mokbase monele. ⁴⁵ Gombisa djeosembogela, Aemala, La adjaa gongale baetani, aitsha bo befonye la ngandi, ⁴⁶ Aa bea laabo: Gei ge fony'enu? Emalei la sembogelei, Po dje mbo botokbi motu fiama. ⁴⁷ Ogalo ambe ge mobea, Leta, Geage baito baiga; La aga tange bo Yuda, Omoo ga liu la baele, Embe nde gofelo. Aa suga go ngonga e Yesu, Po dje o soomia ge. ⁴⁸ La Yesu abea laande: Yuda, La ososomia bo boendj'age bwenga boto? ⁴⁹ Abambe la Yesu, Goemne bo mogelane oiga, Bo mbo: Ngene, Totombe la ilonde? ⁵⁰ La omoo gaabo afwa bosali bo bokondji bo kanga djilene dj'Iongia-ongia, Atinya ge litoi li bolome. ⁵¹ Kasi Yesu, Gose ge baogi, Ge mbo: Sidjei, Mosile! La, Gobunde ge litoi li boto gaho, Au hesa ge. ⁵² Yesu abea ale la kanga djilene dj'Iongia-ongia, bakondji aba kengela losambo gombisa eboto ga lienge, la tolonde la tokoko. ⁵³ Dje mbe nde laino bekolo betubu go losambo, La boti bundi djei. Kasi gee geaino geakoka, La ofia bo bilima. ⁵⁴ Gombisa dje obunda Yesu, Bee nde laande, La ba kamba ge go mbele dje bokondji bo kanga djilene. Petelo embe nde mo lingola la gola. ⁵⁵ Boeonganise nde Djimbe go ete ngbnda, Bo abangala se. Petelo angala se mosisi djaabo ⁵⁶ Bosali bomoo bo gogali, Aga ene ge ongala se ngonga e djimbe, Aa leta ge sisoi, Ge mbo: Ono boto embe nde ambale laande. ⁵⁷ Kasi ge agaa ngina ge mbo: Gogali, Iti moluba ge. ⁵⁸ Gombisa djea, Gasina, Goen ena ge, A bea: Bongale ambale ga baito bo. La Petelo abea: Golome, Ati emi. ⁵⁹ Pene dje saa tubu gombisa aa kikidja, Ge mbo: Mo loongene moboto embe nde ambale laande, Po engale boto ga Galilaya. ⁶⁰ Petelo aesha mbisa: Golome, Iti moluba moabea ge. Omo gee geaho, Gombe ge mobea, Koko aa ta bolele. ⁶¹ Ngene, Aata igelo, Aa leta Petelo, La petelo a semoga baogi ababee ngene ebea laande: Felo dje mbo koko ate bolele laa bwina, Boanginendei mbala isaso. ⁶² La gonene ge, Aa lela angandu. ⁶³ Bolome ababunde Yesu bembe nde mosea ge, Laa otoba. ⁶⁴ Ba indja ge osho, La bende tundja ge, Bonbo: Luba aga tobe age. ⁶⁵ La bembende mobona ge besogolo biidje. ⁶⁶ Go gie bwina, Gesongo ge baumu ba baito, Kanga djilene dj'Iongia-ongia la ba ndombe, Bangala litua, La baa la Yesu go linginda lyabo. ⁶⁷ Bo mbo: Bongala kilisito, beges'esu. Yesu aeshela bo mbisa: Mongala mbo dje begis'enu, Bofa imidji, ⁶⁸ La, Mongal'ambo dje tu ndj'enu, Bofa eshe mbisa. ⁶⁹ Obanda la bwina bwenga boto engala nde go djogo ibolome i ofia bo iongia-ongia . ⁷⁰ Bo batubu bombo: Bongale galo bona ga Iongia-ongia? La aeshela bo mbisa: Boende bei, Djengale mo. ⁷¹ La galo bo bambo: Gei gesile a l'esu baogiba obambe ho? Toa oa mo esu laene mo bonya bwande.