¹ Gasile Yesu oleta liolo a ena baito ba bioto oba mbe opa Iongia-ongia bilembe goete geiselo. ² Aena bwale gogali bobola oga ngbela golome oga pee bioto biele bike. ³ ko ebea: yaa begesenu moloo ngene, ono gogali agaa ngbela bolome la ati la gea aa pa oeta baito batubu. ⁴ Poyembo bo baa bioto obiti la litina, La ono gogali aa paa mombe la litina, Mombe laande po yembo uhee. ⁵ La gombe basina mobea mpo ye mbele ye Iongia-ongia mbo ifwee moo la babanga ba loeti la bioto bi lokuku, Yesu oho abea: ⁶ Bekolo beyande, Yee ayendenenu, Mopatiale litale gotie litale aliti mbo lipakbesame. ⁷ La bobo baa tundja ge: Boekesi, gee inandi gia ngoya yee mbeo, La ndembe ya ho tolubande la geni gelenge? ⁸ Yesu oho abinola: La bweli mbo boti oitamei. Po yembo baiye beyande molina liayi, La obea: Ei ono, Gee geangaa bagu bagu. ingo tuuti bo. ⁹ mongaa mbo bwaoi mboli gotie bimo la bobulu. Ingo bangi, Po yembo yo mbeo yo yigande mofelo felo. La ago moembi te musuka ye gehuma. ¹⁰ La galo koebea laabo: Boi bomoo boemaela nde boi bosina, La bokondi bomoo emaelande bokondi boasina. ¹¹ Neele ye moota nde, La bisee la bisee, Biale laa tosige, totshitsho to matata la ndembe iteu yenenga nde golola. ¹² La, Felo ye galo, Bebunda nde enu, la benyokola nde enu; Beendjaa nde enu goete yi Sinagoge, Bete nde enu gobayaka, Beande laino gofelo ye bekondi la gofelo ye baa kuufeleneele, Po ye lina liayi. ¹³ Yombeo yitubu yi gelende enu mpo yemboo bogalei ba temoe. ¹⁴ Bwingo gelegi gelenge giaino geosamba. ¹⁵ Po ye mboo yepande enu monwa la boeli abo timbo baemaeli baino bekoka nde olonge enu. ¹⁶ Beendja nde enu la baisee la bainango baino, La baelo baino, la obangae bagu bagu laino la bolubani baino, la beloa nde baiye moeta yino. ¹⁷ Baito batubu beoa nde enu obee po yemi. ¹⁸ La bosoge ata bomoa bofa kbee se gotie bekbe biaino. ¹⁹ la obunda botema bwaino buhisindi belimo biaino. ²⁰ Imbai mbo boeni Yelusaleme olingiliama la basola, Lubei mbo osegisama bwande boangaa bagu bagu. ²¹ La oba mbo ngaa goketa ye Yuda bae mango gotie ngolo, oba ngoo goete Yelusaleme ba nene, La oba ngo ngaa goeti bilanga bati ogota goete mbau. ²² Po yembo monga nde sigo yiliundo, Po yoe ngana bo itubu ai mo sigi nemelo. ²³ Ngandi ye bogali aba ngo ngala la baeme la bee aba ngo ngala molomisa bana mosigo ya ho! Po yembo looso lolene longaa nde moeta ye gehuma, La ligege gotie bee baito bee. ²⁴ Bokba nde se la ofeelu boilonde, Beande laabo betamba goete bei besina, La yelusaleme emetelama nde la baolo la bei besina, Tee bekolo bee bei besina benga nee. ²⁵ Mo ngaande la ndembe goete loha, Goete songe laa goete toesoesoe. La goete gehuma, Maopi goete bei be ngaa nde liolo po bafalubeale mbo baelee gani, Po yoguluma la loomoto bo baye balene. ²⁶ Baito bengaande la bogasa moete mbeo ai moe negela goete bei; Po yembo himba yiliolo yu yande lomoto. ²⁷ gombisa boeni ndi bona ga boto oya goete lipata la hopia moete ongengela bolene. ²⁸ Amo banda yee mbeo oenega, Letei liolo, Esei metue liolo, Po yembo oendolama bwaino boangaa bagu. ²⁹ Ko ebea laabo lila liye: Letei ikoko yi olinda, Laa toosandu totubu. ³⁰ Ambai mbo bingi biaho biasila onena, Enua ngene goluba mbo gee ge ohumba gelanga gea ngala bagu. ³¹ La galo, Gee gengae neenu yee mbeo oiga, Lubei mbo bokondi bo Iongia-ongia bongae bagu. ³² Yalubese nu mo loongene, Ene ngeenga apaete, La yo mbeo ye gaande. ³³ Lola la neele yee ta ndee, La mbo baogi bai bapaete. ³⁴ Ngalei la bweli enula ngene, Po yembo baopi baino betongala go tie yola la omwa, la begelegia be bokili, La po yembo bwina bwaho boto igelenu la mango. ³⁵ po yembo eyande lokola boengo gotie baito batubu abangale go keta ye huma itubu. ³⁶ Ndo foti la sombolei gee getubu, Po yembo boyi ofwia po yembo bo fono gei go mbeo ye ngoye nu, La mwene geli mbo boemali go felo ye bona ga boto. ³⁷ Bo bokolo bo, Yesu emba nde moekesa koete mbele ye Iongia-ongia, La emba nde moponya gotie ngolo ye olifa. ³⁸ La bito batubu, Omee nongo, Bemba nde moa go mbele ye Iongia-Ongia po yoage.