¹ Bokolo bo moa mwete bekolo beaho, Yesu embende Molaisa Baito goete Tepelo la obegisa Mboli djilo,bakanga iMungu ilenela Bakomu isee imoa la Besenekele bedjende bagubagu. ² Goo begisa ge ;begisesu a Bokodji inandi botongae dje'e mbeo,indi anga pe'ege boe' Bokondi? ³ Aeselabo mbisa;yetshudja ndenu boe Botuna bomoa. ⁴ Begisei,Batisimo ba Yoani edjende go Lola,too goangae Baito? ⁵ Bembende mo gelegia mosise djabo;toesa mbisa mbo;go Lola,ebeande;mpweyegi atiambo bwimidjelige? ⁶ La toe'sa mbisa mbo;goangae Baito,Baito batshubu ba boi betobendesu babu,mpweyembo bengae mwimidja mbo Yoani engae Bosakoli. ⁷ Mo'mo' baesa mbisa mbo bati moluba gondje'e ge. ⁸ La Yesu abea labo;emi ambwale,ipa begisenu imbai Bokondi inandi atongei ndjo mbeo. ⁹ Gehogo' aemala apanga obea la Baito lie lila;Golome omoa elogende gelanga ge Vinya,apaa' mo abalongi gelanga,geo'go ataa' loendogo boi bogola bekolo bie. ¹⁰ Gogee' ge ngelanemo giotwa tuma,atoma Boto omoa ga bosala goangae balogi ba bilanga,mpwoyembo bapege ndambo dje Vinya balogi ba Vinya Batobage,la baesage mbisa bao'go bwasi. ¹¹ Atoma ale boto gasina Galigwa;Batobage,Basabolage,la baesage mbisa bao'go bwasi. ¹² Atomaale ale aga baseso;Bapwelisage,la babitshage. ¹³ Mene la gelanga ye Vinya abea;gi" giango togei?djetomande bona gai oga embei begelanande ongaa' abotosi gotie djande. ¹⁴ Kasi,a geleko ogia e'nebo balogi ba Vinya be e'nage,bagelegia mosise djabo,la babea;letei ogaa'ngongaa' me'ne a gelanga;toloe'ge,abwina mbo gelanga gengotiala giaiso. ¹⁵ Banyenyage go lusa logelanga ge Vinya,la Baloa ge.ogiogi,gi" giango tonga me'ne a gelanga etongabo? ¹⁶ Edjande,goloa balogi ba gelanga ge Vinya,la oga paa'ge gelanga ge Vinya a baito basina,goa owebo galo,bo'bo' ba bea;la Mungu a sagelite'! ¹⁷ Kasi,aletabo,Yesu giogo abea;gi" getuta obea mwa gilitshamelo mbo;Libanga oli taame gato abaito abapwe mbele liangaa' libanga li lio Limbele. ¹⁸ Boto botshub ogaa'ngo humase gotie libanga liaho ebunabuna nde lio,la ogango humelage gotie djande eminyama minyamande. ¹⁹ Bakanga Mungu ilene la Bakomi besilende gelenge geotage Baa'go agee' geleko,kasi bembende a bogasa bo baito. beso'so'lende mbo Yesu etende lio lila mpwe djabo. ²⁰ Bo'bo' bangaa' moleta Yesu;la botomelage boito mo gelenge moisama baenese mbo bengae balo,mpwo bate'lege Twandi la baose Baogi bande ambo Bakabe ge mobaa'go ba Basambisi la go Bokondi bo Guvernere. ²¹ Bo baito batshudja ge boe botuna;Bopalesi,tolubembo age bongae Mobea mbeo la Olaisa galo angae mo loo'gene,la boti mobina osho bo boto,kasi bonde Laisa liogi li Mungu Ogelana a loo'Mene. ²² Mogelane mbo,imbai atigolo, esu Oputa Pako ye kaisala to moti gelane? ²³ Yesu,enende oela bwambo,aesela bo bisa;letshei oga mbisa emoa. ²⁴ Andi bonde enisage gelenge gio ye mebeko?bo kaisala,ba eselage mbisa galo. ²⁵ Agalo abea abo;pei Kaisala obingae bi Kaisala,la Mungu obingae bi Mungu. ²⁶ Botimbi aloo' loesa mbisa gotie bo baogi goPelo Baito;kasi,bekamwende a biyano biande,bo'bo' bangaa' gehoi. ²⁷ Baito basina baSadukai,aba beambo Ofufuga botimo,ba sugana,la batudja Yesu boe botuna; ²⁸ Bopalesi ,leta mwagilitshele Mose egilitshelesu;Golome omoa Esinga ambo,idji engae la Bogali bo batibote Bana,Boelo gande esongande oho Bogali,ba botele Boelo gande Bana. Aho,embende abaelo bosambale.oga pelo asonga,la asinga lomba la Bana. ³⁰ Oga baele la oga baseso basonga bo Bogwele; ³¹ Mwatongama gelenge ge moa la oga Bosambale,giogo asinga atitie bana. Go bokolo bo ofufuga,indi mwete djabo angongaa' ge bogali gande?mpwoyembo batshubu bosambale beudjende ge ambo Bogali. ³⁴ Yesu aesela bo mbisa;Bana ba gee' Geleko bendesonga Bogali la bende sogisabo Bolome; ³⁵ kasi abango enesambo begelane ouha mo Geleko Ogagodja,la ofufuga bo Beligo bapangae a Bogali mpe la Bolome. ³⁶ Mpwoyembo bapasinge ale,mwango ngaa'bo ambo Badjelu,la bengande Bana ba Mungu ,mwangae bo Bana ba Ofufuga. ³⁷ Beligo betande Liolo,lo loo' Mose elubisende lo geleko ogebege gotie Ikoko Ike'ke',giogo ata Gene iyongiayongia,Mungu bo Abalayama,Mungu bo Isaka la Mungu bo Yakobo. ³⁸ Ago,Iyongiayongia ati Mungu dje beligo,kasi dje Baito bangae mo uha,mpwo yande baito batshubu bengae ouha. ³⁹ Bamoa mosise ya Bakomi,ba osa Baogi,Bopalesi,boa' bea' gelemo. ⁴⁰ La bati ote ale otudja ge botuna ata bomoa'. ⁴¹ YEsu abeá labo:gelenge inandi gebéabo mbo Kilisito engaé bona ga Dawidi? ⁴² Dawidi géangene ebende goete Buku bo Ndjembo:Ngene ebende a Ngene ndjai mbo:gaáse go djoogo djai iBolome, ⁴³ Teé á géléko geango selei Abangaé mo Itage,geSeélo geango ge Baolo. ⁴⁴ Dawidi endeta ge Ngene ; gélénge inandi gengae ge Bona gande? ⁴⁵ Mwambe Baîto batshubu mwaimidja ge, abeá la Bayetani bande: ⁴⁶ Okebei a bakomi aba emba oétaéta a Bekoto Bésabésa,la aba emba mbo bape bo mbote mobiseé bolene;abasila ogaáse mobiseé bipelo goete ba Sinagoge,la biseé bipelo goángae Lipati; ⁴⁷ Abangae mo lisola Mbele djï Begwele,la pwadje Oita baîto bénde tonga mabondeli bosabosa.bo besambisama nde lohia.