¹ Egotende goete yeliko la embeende moeta mwete yiula. ² Golome omoa lina liyande Jakayo,embende ho.Ge ndeambe bokondi bo okongola pako,la embende buuyi. ³ esilende ndole yoena yesu imbai endenji,injembo mpo ye gage baito baiye atshikoke goenage mpo ye embende boto bogwe. ⁴ Embende paango golingola gopelo la geoho aalila gotshe ikoko yimoa mpo elubendembo yesu eetande moelo ndole gombo aeenege. ⁵ Yesu oho aiga gesee geaho,geoho aaleta liolo,la aenage aabeande gombo jakayo suluga se goete mbele yago bwaina. ⁶ Geoho aasuluga sagasaga goyaa gooyamba ge la gelemogdtshubu. ⁷ Baito batshubu obaenelo galo baaselenga gombo,aangongaase goete mbele ye boto ga basumu. ⁸ Jakayo oho aemala la aaseowamadpobebj g g bwai.Engaambo yeebeka gea ge boto,yefuta ndemo mbala yinei. ⁹ Yesu oho aabeaande gombo,bwaina yembo ge ambwale engae bona ga Abalayama. ¹⁰ Mpo yembo bona ga boto ayaa goosila la ouhisia gea ogelimegelo. ¹¹ Gee gembebo moowa yeembeo,yesu oho aata lila limoa mpo yembo embende mogelegia gombo bokondi bo IONGIAONGIA boenegelande sagasaga. ¹² la galo ebeendembo,boto omoa ga lokuku etongende loendo goete huma yasina gola mpo yuuya bokondi la oyaa mbisa. ¹³ Ata bekobe beande geangene liu la geoho aapaabo yumayi lopalata bokama la bokama. Aabeabo gombo tongei bolunga ogalo aayoyeimbisa. ¹⁴ La galo baito bande biula yabo bobo baowage obe,la bobo baatoma batomani gombise yandegobeambo,totshimolemba boto ono angae bokondi bwiso. ¹⁵ Gwasiiye ge guuya bokondi,koeyambisa,ko ebeya mbo,bekobe beaho obepege bioto biaho batamee gwangaege mpo yembo alube imbai boto la boto eyende gani go bolunga bwande. ¹⁶ "Boto ga pelo aaya goobea gombo,bokondi,bioto biago bokama bianyenya bioto biasina go liolo koto. ¹⁷ Geoho aabeande gombo,gelemo!Age bokobe bolo.Ngaa la bokondi goete toula liu,mpo yembo boenisende loongene goete loo loke. ¹⁸ " Ogabaele oho aaya goobea gombo,bokondi,bioto biago bokama bianyenya biasina go liolo bekama betano. ¹⁹ Aebeaande ambwale gombo,age ambwale nga mo bokondi bo toula tano. ²⁰ Gasina ayaa goobea mbo,bokondi,letaa bioto biago bokama,obimsmei goete itambala. ²¹ Mpo yembo yembende mobanga mpo yembo bongae boto bopia botshimosa mwamameage,la botshimotshwa mwlogeae. ²² Aabeaande gombo,yeekbesandae mobonywa bwabo,age bokobe boke!bolundembo emi yende boto bopia,bwingoosa mwamamei la bwingoo tshwamwalogei? ²³ Mpo yegi ateage bioto biyami gwangae obatshia bemama bioto? La gaalo la gee geai geoya yuuyebio la gelemo. ²⁴ Aabea la obaemalelo gombo,totolei yuma yi lopalata yaaho bokama yande,la peeimo gwangae boto ogangae la lopalata koto. ²⁵ Baabeande mbo,bokondi,engae la bioto koto? ²⁶ Geoho aabea abo gombo,bepande biima biya biasina la abiauyage,la goete biya obijange ge,beoselandege obingae biyande. ²⁷ Mbala yasina,goete obatshia belembemi,obambe la kamo gombo emiitoongaa bokondi bwabo,besiyaabo goni,la lowaabo mo baiso baami. ²⁸ Gwasile yesu gobea yee mbeo yee,eendende pelo golila go Yelusaleme. ²⁹ Eigende bagubagu la iyula yi betefage la Betania,gombale yengolo oyatangabo ebeende gombo,tea gwetula oyingae iyula,booitshindi bona ga mpunda eandame mobolii,boto laa omoaeoagite golioo liyande.kakolei mo bolii la yoiande goni. ³¹ La mongaambo boto omoa etshunje ambwale gombo,bongaai mokakolage mpo ye gii? beei galo gombo,bokondi ngae la kamo yande. ³² Bee betome bo oma la beudjende itshubu gelenge ge bee Yesu ebeabo. ³³ Galo alibolege Punda,bangene bande ba bea: ogii alupolenu Punda? ³⁴ Baesalage mbisa; Ngene engae a kamo yade. ³⁵ La batoelage Yesu Punda,gotielo babela tulu djabo, la Yesu a lila go liolo. ³⁶ Geleko gembe ge moenda,baito bembende mo bela tulu se mo ndole. ³⁷ La galo ambege mo sugana go yelusaleme.go mbale ye gesulugelo ge ngolo ye olivie,gae bue botubu bo baetani,be djalende a genanga, bobo bangaa mo memia IONGIAONGIA a baogi go liolo moete mbeo lilene itubu oienebo. ³⁸ Bembende mobea;Bokondi abodja a lina li ngene a pambolame;Gehoi go liolo la kembo mo bisee obiete go liolo. ³⁹ Twao ba falisayi,moete gebele,ba bea a yesu;bolaisi,osa baetani ba go. ⁴⁰ La aeselabo mbisa; Yemobegisenu,laambo bengae gehoi,balangali bebelande beende! ⁴¹ Galo ambege mo sugana a mbau,yesu,a enage, a lela gotie yande,la abea; ⁴² Monga ambo mbo age ambwale, mobwe bokolo obope be pae, bolubende mbeo ai ngoe go gehoi geago!kasi agi ogi dja isama mo baiso bago. ⁴³ Bedjande goa ngae ge mobekolo obeango dja gombisa banguna bago be bwande lopango lolene,be andande ge, aindjage mbale itubu. ⁴⁴ Besegisa ndege,age laa bana bago goete yago,la bapa tie gotie djago lilangali gotie lilangali,Poyembo botilube Geleko ogedje ge goo letae. ⁴⁵ Agota goete tempelo, apango obitsha abambe mo endja, ⁴⁶ Abea abo;"Mosiginyame;mbele djaengande mbele dje lisomboli;kasi enu bwaseli lombele ye baito ba bwiba. ⁴⁷ Elaise nde bekolo betubu goete tempelo. kanga ilene,bakomi,la kanga i baito besilende mbo ba loele ge. ⁴⁸ Kasi batilube gelenge geotonga,poembo baito ba tubu bembende mwamidjage a kamondene.