¹ Yesu abea laabo liila limoo, Po djoenesa mbo mokoke osembogela sigo djitubu, la ngo leboga. ² Gembo: Mombe nde gwiula djilene djimoa, Bosambisi bomoo abotimbe mo banga Iongia-ongia la ngo banga boto. ³ Mombende ambale goete iyula djilene djaho la gogali omoo agangbele bolome agambe modja goo bea laa nde: Katelei loo loai la boto ga nongo. ⁴ Gee gesa, Efeende. Kasi gosuka aabea go et ande: Aogalo angale mbo iti mobanga Iongia-ongia la iti mobanga boto, ⁵ Ata galo, po dje mbo ono bogali angbele bolome ende tunges'emi, Dje nde kata loo lwande, Po otodjaa bie bitubu goo tungesei. ⁶ Ngene akakia: Oa moa bea bosambisi nobwela. ⁷ La Iongia-ongia afa tonge loongene la babinami bande, Abangae mota bima gongale ge loha la lotigo, La elomba nde po djaa bo? ⁸ Dje nde bea laino, Etongela nde ge loongene la saga kasi, Goangodja bwenga boto, Eitsha nde oimidja mo gehuma? ⁹ Abea ale liila lie, Po dje baito baasina abaena mbo bengale la loongene, La ngoleta mbeo i baito basina, ¹⁰ Baito baele bee ndego losambopo dje osembogela; Omoo embe nde mofalisai la agoi bokongoli bo pako ¹¹ Bofalisai, Aemala, Esembogele nde gai goete ande: Age Iongia-ongia, Dje nde eshela age lifea mbisa moti emi ambo baito basina, Abangale ba nooli, Bati la loongene, Abaenda la bagali ba baito, To ambo bwe bokongoli bo pako. ¹² Dje nde gota ngila dje bia mbala djele mo poso emoo, Dje nde faa gemoo ge liu dje mwaudjei. ¹³ Bokongoli bo pako, Go emale ge gola, Ati lombe ata oleta go lola; Kasi embe nde mo ga obe. ¹⁴ Dje nde bea laino, Eende mbisa go gande aso ela, Ati agoi. Po boto inandi aga esha baele liolo beesha nde ge se, Aga adja se be esha nde ge liolo. ¹⁵ Botoele nde ambale ge banee, Po abunde bo. Kasi Baetani, Goene bo mo, Bebitshe nde abambe modja laabo. ¹⁶ La yesu aata bo liogi, Ge mbo: Sidjei banee bake badje go ngalei, La ndoo feidja bo, Po bokodji bo lola bongale bo baito ambo bo. ¹⁷ Dje nde bea laino mo loongene, Boto ati djambe ambo bokondji bo Iongia-ongia ambo djanee afa gote go. ¹⁸ Bokondji bo moo atundja Yesu, Ge mbo: Boekisi bolo, Iele gani mbo iudje ouha bo loongo? ¹⁹ Yesu ashela ge mbisa: Mogi otangei bolo? Boto bolo ati go o Iongia-ongia ge laene. ²⁰ Bolube bebeko: Ngoenda la bogali ga boto, Ngoloa boto, Ngo iba, Ngo bea mbeo ibeela; Fefia ise ago la inango ago. ²¹ Ge mbo, Dje nde motonga mo motubu obotama bwai. ²² Yesu, Goe ge mo, Abea laande:Moatiala gea ge moo: Endjaa mo ngae laago motubu, Ganyelaa behomi, La boudja nde likabo go lola. Gombisa, Djoo, Lingol'emi. ²³ Goe ge baogi bo, Angala la ngandi, Po embe nde la bia biye. ²⁴ Yesu, Go ene ge mbo angala la ngandi, Ge mbo: Mongale la looso gongale baito ba bodjui ogota go bokondji bo Iongia-ongia. ²⁵ po mongale loo loke po dje punda ogota moliso litonga la mbo boto ga bodjui ogota go bokondji bo Iongia-ongia. ²⁶ Aboe ge bo mbo: La ndi ango uha? ²⁷ Yesu aesha mbisa: Moena baito mbo mofa koke moende koka gongale Iongia-ongia. ²⁸ Petelo abea lagalo mbo: Letei, Toatia mbeo djitubu, Toa lingol'age. ²⁹ La yesu abea laabo: Dje nde bea laino moloongene, Moti la boto aga ngale mbo, Po dje bokondji bo Iongia-ongia, Mbele djaande, Too bogali, Too bagolo labaoli, Too aba botege, To bana, ³⁰ Atoudja gea gie mogie gekeke, Laa mo gekeke age mbisa, Ouha bo loongo. ³¹ Yesu audja ba liu la baele go mbale djaande, La abea laabo: Letei, Toende aga go Yelusaleme, La mokomame la Basali gotie boenga boto mogelana nde. ³² Po eendjama nde gongale bapakano; Be sea nde ge, Bebona nde ge, Be tshwela nde ge soi. ³³ la, Gombisa dj'otoba ge beambo, Be laa nde ge; La gombisa e bekolo besaso etande liolo. ³⁴ Kasi bati golotanye mo; Mombe nde po djaabo liogi li oisama, baogi abati mbe bo moluba litina. ³⁵ Galo ambe Yesu mosugana la Yeliko, Boto omoo aga ufane baiso engale nde se gongonga e ndole, La embe nde moamba. ³⁶ Goege geage baito beende eta, Aatundja gii ge mbee mo. ³⁷ Baa begesa ge mbo Yesu ga Nasaleta ogo aete lo. ³⁸ La ge agaa ta bende: Yesu, Bona ga Dawidi, Oelei ngandi! ³⁹ Abaende go felo baa feedja ge, Po dje umesa ge gehoi; Kasi ete nde bima angandu:'' Bona ga Dawidi, Oelei ngandi.'' ⁴⁰ Yesu, Goemale ge, Abea laabo mbo badje laande gongalege; La, Goige ge bagu, ⁴¹ Aa tundja ge: Gei ge lemba age mbo etongele age? Aesha mbisa: Ngene, Mbo iene ale se. ⁴² La Yesu abea laande: Ena ale se; Oimidja boago boa uhesage. ⁴³ Oho aen'ale se, La alingola Yesu, Moete ofefia Iongia-ongia. Baito batubu, Goene bo galo, Be fefie nde Iongia-ongia.