¹ Moo gekolo ge felo ye pooso, Bogali beande la nongo tubu go kunda, otola ba malasi ailonganese bo. ² Bogali bao beitshande litale liletshame nde go feelo ye bonya boo baele kunda; ³ La go gota bo, Bangoitsha le bindo bi Ngeene Yesu. ⁴ Ogalo nola tshambo beluba nde bainyeli ba loo loa, leta, Bolome baele ko bekbegela bo, Laa tulu yo ngaala makasi. ⁵ Obundama ba bohaa, Bogali ko belesa osio go se moleta go neele; Ango gaalo ko bebea labo: Foo yengi ae...benu goete beligo agangale bouhee? ⁶ Atshale ane, Ango gaalo asota liolo. Tei bainyeli baino mogelenge ginandi elubese nde enu, Moo gee agembe foo ge goo galilai, ⁷ La eselenga nde: Mo koke nde mbo bonanga boto afeame moketa baago ba baito ba basumu, ge atame moge kulusa, La geate liolo ge gekolo age bisaso. ⁸ La bo bengalee mwinyela baigeba Yesu. ⁹ Moya boabo mbisa go ....... ,Kobeta mboli ujotubu mbeo go lula omoa la baina batubu. ¹⁰ Bogali abate mboli iyoo mbeo goo( bekondi belingomba) Bapotele moba nde Malia ye Magadala, Jane, Malia Inangwa yakobo, La baina abambe laabo gesee gemoa. ¹¹ Besiyande oselenga mbeo yao lokola saii la batio imelie bo bogali. ¹² Ango gaalo Piele eyande liolo, Laa oa mongogo baili: go tu lamesa geese, ge goene, gee koenande otulu ndelu mbandee moo neele; Gombisa ko engala moa go gande moketa ogema moyo ayigele yo. ¹³ La oleta, O bwina bwao; batemi baele beande go boi bomoa molina Emamausu; ogola ya yelusaleme osa bo kilometele betu liambe; ¹⁴ Laa kobengala nde moselengana moyo itubu aiyete loo. ¹⁵ Mogee agembe boo moselenga laa ofaana baongi, Yesu ko enga moya, la ekoenga moende laabo ndoole gesee ge moa. ¹⁶ Ango gaalo baiso babo bengale nde ge ofea mbo batsho luba ge. ¹⁷ Ko engala molubesa mboo: Ngei inandi iselengane enu inde bwende endi, foo yembo bogali losoo lotubu? ¹⁸ Omoa gabo, Molima kele opasi koo ebinogesela ge mbo: Ege bwende agelangene ono, Agangale go yelusaleme agatsha ebebe ayeige bia bisemba ibie? ¹⁹ Ngei obea laabo, la kobebinogesela ge: Ayige loo moloo lo Yesu ye nasalete, ge agambe bolubi bo mbeo aingoya laa aungale, la ayosoeta bofia go besala la go baogi gofelo ye Mungu lagofelo baito batubu. ²⁰ La gelenge ginandi bangene bekesi belene. Be mbele ye Mungu la bekati mbeo yaiso be feendege labo mbo baele obaendesa ge molosingo la obotsha ge moi sandu. ²¹ Totende ngelenge ele mbo ge nda embe ootola Isalaele moolooso; Ango gaalo gese ge moa la tubu yao, Leta go gesemba age bisaso imbo ye mbeo la kesoyete. ²² Mongale longene mbo bogali moketa yaiso befende esu ogema bolene bembande moa nongo ndeene go baili. ²³ Bogali beyende gota mboli mboo ba andjeelu bekbegele nde boo la olubesa mbo ge engale foo bouhe. ²⁴ Beuna baina ba moa mo bai abambe la isogese ge moa beande go baili; La ko beitsha yo mbeo laa keso ogalo ibo bogali aiselenge bo; Ango gaalo ge, Bo batiene fe la baiso. ²⁵ La galo Yesu aga bea labo imbo: O bolome abatsha bweli la go liofi bengale loliito bo ngoimilia tubu ye iselenga ba Profeta! ²⁶ moti kooke mbo gee kilisito Aowe fine ye mbeo la keso iye, La agote goo keta Genanga bolene bwande? ²⁸ Aho embage go mbaleiula imoa goni ambege owa,embande oemba owa gola gola. ²⁹ kasi ango la begmola nde lo bea; Ngala laiso gese gemoa,ainongo liolo limbe moya,loha lombe nde moa go limega. la ko egota,fo yongala labo gese gemoa. ³⁰ Mogo agembe go liolo limesa laho,ko osa lomata,la,gombisa omengia go ngae IONGIAONGIA,ko etinga la ko efa bo. ³¹ Ago baiso babo ko belifoga,la ko beluba ge augogalo ko elimega go felo yabo. ³² La ko bengala moselengama onomi la otee;Liofi liaso liti tolime go keta yaino,mogeleko gembe moselenga laiso mo ndole la molubese esu besigi? ³³ Oemala gee geaho,koebinogago yelusaleme,la oeta liu la baele,la obambe laande,gesee gemoa. ³⁴ La kobea:Ngene ata liolo loongene,la eenege nde go ngale simona. ³⁵ La kobeta mboli mo aloene bo mondole,la geni gelenge gelube beluba ge motango aye tinye ge isongu. ³⁶ Gombe bo galo,gela mene koenena mpkete yaabo,la koebea:gehoi gengale laino! ³⁷ bindo bogote nde bo pio la ogema,beselende mbo beena nde boenda. ³⁸ La geo abea la bo:Ingenga lenu moete oegega:po yegi geo gelenge ge bainyeli go kete baoli baino? ³⁹ keti baago baami la baolo baai,mwende emi oho,mati yemi la letei boenda ati mongala la bonugu la boguwa,ogalo aenenu mbo yengae lao. ⁴⁰ La goobea galo koenisabo baago bande la baolo bande. ⁴¹ Goete osagela bwabo,bati ndime ale la bembende moete yo ogema ko bea la bo:bongalli ane le gea ge ola? ⁴² La beletage bonugu bo sue la ndambo ye boge. ⁴³ hoe sembogela la koela go felo yaabo. ⁴⁴ La koebea laabo:monda mbemi mobea laino tango ayembemi laino,mokokiame yitubu oyi komamelo poyami gobobeko bo mose goete basaoli,la goete begele. ⁴⁵ La galo ko elifolabo boenda,poa yembo,aeganese basigi. ⁴⁶ La kobea laabo: la galo nda komame mo mboo kilisito eena pai la etande liolo geote bangba gombise bekolo besaso. ⁴⁷ la obea obe bwaino la bolimbisi bo basumu bo teama nde molina liande moete basego batubu,obanda la yelusalema. ⁴⁸ Bongali obaene yembeo. ⁴⁹ La letei,yetomande gotshe djino mogelaka ogefe ise gami efnu;kasi enu gali goete iula ilene tee oga ngouyenu nguyaaya etelo go liolo. ⁵⁰ Kobea lande tee go betani,la koelesa yogo liolo koebenisabo. ⁵¹ Tango ayembege moobenisabo,koesegana labo koela go liolo. ⁵² Powa yabo,gombise bo ofaage loguma,kobebinoga go yelusalema la osagela bolene: ⁵³ La bembendi loongo la loongo goete gehuma,omemia obenisa IONGIAONGIA.