¹ Gombise yehoo, Ngeeo ohoo aabina baetani baasina betuu bosambale, la geohoo aatoma boo baele - baele gopelo yande goete bei betshubu, La goete bisee bitshubu obimbe boo geangeeaene ae goeta. ² abea laaboo: .................................. baito ba ligwa belookee.Sombolaa bokonji botuna atomee baito ba ligwa goete tuma twande. ³ teei; letei, yeende tomenu ambo mpate yobookoola goete simba. ⁴ Bwingotoli gea laa gemoa, Laa saki, laa bilato, laa bwingoo sumboli boto mondole. ⁵ Moete ndambo yi mbeele oyayo gotenu, selengei poli: mbo gehoi gegotee goete enee mbeele! ⁶ la moitshamela mbo bona ga gehoi engae goete eloo mbeele, gehooi geago gengaande gotshe yande; motshimbe ambo galo, gehoi geaho gebinogele ndenu. ⁷ Ngali goete eloombeele eloo, Lei! Mwei abingoo pamenu; mpo nyemboo bosali ekoke la lifuti liyande, Bwingoi mbeele laa mbeele. ⁸ Mwete toula otongo gotenu, la gogesee ogiyayo yamba bayembenu, Lei mwayopaa bepeenu, ⁹ Uhesei biale obiayo itshenu go, la beei laaboo: Bokondi bo Mungu bwaiga bangu yino. ¹⁰ Lagoete Toula otwayo gootenu, la bisee obitshia bayoyambenu, Etei moete yoo ndole, la selengei mboo: ¹¹ Esu toatitola mpo yino...... yi boi bwino oyibotame moobaolo baino; La lubei mboo bokondi bo Mungu bwaiga bagu. ¹² Yaabegesinu mboo mobekoolo beahoo, aloete go soodomo longala nde looke la mwayotongama mo boo baito. ¹³ Nganji yango,Kolazi! Nganji yago Betesaida! Mpo yembo ambambo mbeo yogemisia ayaasotangama moete yino yasotongama goete tula la goete Sidona, Anji basokikola betema biyaboo angango ootola, Laa obakisa la ongalaise mobuta. ¹⁴ moomo angaembo,Bwina boosambisama, Tula laa sidona bapambisame anganju koliko enu. ¹⁵ Laa gee, Kapalauma ogaesiame liolo tee goo lola, Boloesiame ndise tee goo gesee ge lingbaa. ¹⁶ Angaa ngoo wene, Aoweni, laa ogaayotenu gatoo ateambwlei gatoo; Ogaayotei gatoo ateambwalei gatoo; ogaa yotei gatoo aatambwale ogatei liogi gatoo. ¹⁷ Boo betubuu bosambale boo baabinoga laa gesagela, Lobea: Ngeene, La beanda beebe baowesu mpo ye lina liago. ¹⁸ Yesu oho aabea laabo: Yembende mweena satana ootoga liolo okbaase ambo ligeeleegendii. ¹⁹ Letei, Yepeendenu ohia boenda gogtshe njoo, La taondaa, La gotshe himba tshubu la ogatshi mooleembenu; la gea laa gemoa gepatongenu obee. ²⁰ La galo, bwingoogbei la gesagela mpo yembo beenda beebe baowenu; La ngaei la gesagela mbo bayina baino baasoonemo goo lola. ²¹ Moete geegiahoo, Yesu aagoota go gesagela moete boenda boo Mungu, La geoho aabeya: Yaasimolage, Ise ngeene ga lola la neele, Moete mwaiseage yee mbeo yee gwangae baito obaluba mbeo laa baito ba bweli, la bwaenisia yombeo ngwangale bana boli. Ogaloo, Ise, Yendesimolae mogelenge ogelembeagee galoo. ²² Biima biya bitshubu bipelame ndei laa Ise gai, La boto ata omoa apalube mboo injangae bona, Mbo motshiimbe Isi,Injee atshiambo engae Ise, Inje atshembe bona, La ogalembe bona golubesa. ²³ La geoho aaleta gwangae baetani, ko ebea laaboo boolaenee: Gesagela geloo go baiso obena oyeenenu! ²⁴ Yaabegisienu mboo kanga yi Mungu ndiye laa bekondi biiye belembaa nde mbo baenee ogaloo aenenu, La batshene, Oawa ogaloo aowenu la batshoe. ²⁵ Boondeele bo moa bo bebeko geohoo aemala, ko ebeya la Yesu, Mpo yootagee: Bweekesi, Iyele gani mpo yosangola bokondi bo liolo? ²⁶ Yesu ohoo aabea laa nde: Gii gekomee goete bebeko? Gii getongenu goo. ²⁷ Geohoo aabinolia: Boo lembende ngeene, Mungu yago, la liopi liyago litubu, La bolimo bwago botshubu, La opia bwago botubu, La beegeleegiya beyago betshubu; Laa mboogo yago ambo ageangeene. ²⁸ Boabea loongene, Yesu abea laande; Tongaa galoo la buuhande. ²⁹ La gee, Esilende mbo alongisamee gombale yande, La aabeya a Yesu: Indi angae mboogo gai? ³⁰ Yesu aosa baogi koo ebea: Boto omoa enenele nde go yelusaleme la ..... go yeliko. Ko egwa mobaagoo ba baito ba bwiba, ko bepinolagee, La ko betobagee, Ko ebeya oteige lipogo. ³¹ Bokumi bomoa, La lipea embande moeta moete ndole yahoo, goenege oho boto, ko eeta yei gola. ³² Bolewi bomoa, Ogiige ambwale gesee geahoo, Goene enage, ko eeta ambwale gogola. ³³ La bosamalia bomoa, Ogambe moloendo, gwigegee hoo, geoho aagota goete nganji gwaene eenage. ³⁴ Ko esegana laa eynda pota yande la baandi, Gombise yobeelage baina la bagana mopota; Geoho aatolagee mopunda yande, ko eyaa gootshiage go lopitalo laa ko bebogage. ³⁵ Agiyose bo bwina bwahoo, ko eosa bioto biele, Geoho aapa bonganga, Ko ebeya: Bogeigee, Mongaa gombo bioto bitshike, yeyande goopa biasina goliolo gwayoyei mbisa. ³⁶ Moete gee baseeso inja ngea mboogo yeono baito ba bwiba? ³⁷ Mongae boto ogaoweele gee ngandi, ogalo abinoliye bondele bo beebeko. La yesu oho aabea laande: Tea, Laagee, Tongaa gelenge gemoa. ³⁸ OGaloo ambe Yesu moenda la baetani bande mondole, Geohoo aagoota moete boi bomoa, La ogali omoa, Lina liyande Malata, Ayamba gee goombeele yande. ³⁹ Embende la bwelo gande ga ogali, Ogatangeboo lina mbo Maliya, ogambe mongaa mobaolo ba ngeene mpo yoowa liogi liande. ⁴⁰ Malata embe nde motonga besala bekuku, Aiga ko ebea: Ngeene, Mwe mosthi motongae gea mbo boli gai ga ogali endetie aangeene moete ligwa? begisiage ayee goosungei. ⁴¹ Ngeene ohoo aabinola gee: Malata, Malata Gii gengale agee moimima, La ongaa botema liolo mpo ye mbeo yiye. ⁴² Gea gemoa gengae laa tina. Malia oho aabino goombale aye ndoo oyaa papinoolame.