¹ Yesu esembogele losigolooa goetegesee gemoa goasiye ge, omoa goete Baetoni bande aabea andé: Ngene, laisiesu osembogela, ogiambe Yowane molaisa baetani bande. ² Geagaabea abombo: Gee gengaenu mosembogelaa, beeigi. Tété ! Suya lina liyago Lienegeesé, la luuma loago loyee. ³ Peesu biina betshubu ikuma yikilabokolo. ⁴ Owelelesu nganyi mpo ye obebwiso, mpo yembo esuamboale toendeemesegiya a obai obangae a nongoyiso, la bwingoendisiesu goete aotama. ⁵ Geoho aabeabo a liina: Engaambo mwete yino engae a tomba emoa, la ogaage gougana andé mwete lotshigo mpo yobeaande mbo tomba, bekisiemi tokuma toseso, ⁶ Mpo yembo omoa moete batombayaanmi aigelemi ootoga goete loendo, la itshagea geopaage, ⁷ La mongea gombo, goete mbele yande, elo tomba aabea ande: bwingoisiei looso, bomébombele bwaisiana, bana baami laaemi tongale gothse kengon yipagelane oemala mpoljogae tokuma. ⁸ Yendebegisiage, loamongaambi atshemalé mpo yopaage mpoyemwagaege tomba yande, la eemalande abwina bwalooso la epandege mwayongaande a kamo moga tshibu. ⁹ La emi, yeendebegisiae: lengelaa, la mopamelandeae: silaa, la buuyandé; kokaa, la belibwelandeae. ¹⁰ Mpoyembo boto agaayolenglela euyande, ogaeyosila epamande, la belibwelande ogaayokoka. ¹¹ Injimweteyino Ise ogaayopaa babanga abona gané, gombo elengelage ikuma ? toimbo elengologe pwee, epandege njo magesee ge gwee? ¹² Toombo elengela boe bomoa,ogapage iyandaa? ¹³ Moongaambo, obe obongaelaago,age bolubende gopea bana bago biyabilo, mogeni gelenge gesia ogelo Ise bobe epande Boenda bolo goete ogalengelage. ¹⁴ Yesu ebitshende djabalu ogatshia embe moselenga Gee genjege djabulu agatshia eselenge, gioho aaselenga, le liemba bo baangaa goete ogelegia. ¹⁵ Gombo, baasinabaaselenga: Goete BELEZEBULA, Bokondi bokondi bo bajabulu, aabitsha ba djabulu. ¹⁶ La baasina, mpi youbia, kobetshungage gelembo gemoa geotoga goliolo. ¹⁷ Ogi alube Yesu begelegibiabo, geoho aabeabo: Bokondi batshubu bo boasegna goete yande abei bekebeke la mbele. ¹⁸ Mongambo Boenda bobe esegana yoete yande geangene, Bokondi bwande koemala gani; mpo ye bwende beimbo yibitshee beenda bébé, a lina li BEELEZEBULA ? ¹⁹ Mongambo emi, yebitsha beenda bébé a lina li BEELEZEBULA, bana baino, bebitshamande abanji ? momo angaembo bengaande bobangene bekondi bebebeko biaino. ²⁰ Biombo mongaambo ayisangaana yi Mungu yibitshee beenda bébé, Bikondi bo Mungu boangaa gwangaenu. ²¹ Mongaambo golame omoa bopia la bobali engaande abkengi bo mbele yande gea gengae laande gengaa nde mo gehai. ²² Ogangaende bopia o etage uga la elingolage epinolandege biloneli bitubu o bingae laande, mpe ge koganabio. ²³ Ogatiambo egaelyeini, atigai ogatshiambo engaai gesegenoa atotoge. ²⁴ Mongaambo Boenda bobe bonena goeteboto, ge kowa gobisee obitilalitina, goosila gesee geogoma. Atshuye, gekobea: yeebinogande gombele yai oyato gwaotogemi. ²⁵ Gee giige ge geoho aitsha baohomba ho lolo laa alonganya. ²⁶ La galo gekoa, geoho aasa beenda beasina bosambale obangai la betema bébé oetage, goho aagota gombele, mongaambo engaase, bobeko boliyo bosho boto, bongaé bobe aita obopelo. ²⁷ Injembo Yesu ebeende gai, ogali omsa agaesia liogi liola moete liemba, geoho aabea, gelemo la ilomi oyitolea ! Gelemo la balomi obalomisea! ²⁸ La galo ko ebeambo genanga la obaowa liogi li Mungu la bokobatela. ²⁹ Baito baiye betshiale nde gougana la yesu ebandende go beambo: lisego liee lingae lisego libe.lingae mosila gelembo,lambo gelembo ge papamelebo,ogelembo ge yona. ³⁰ Po yembo gelenge gemoa yona embende gelembo ge baito ba Niniwe, la galo bona ga boto engaande gelembo ge lie lisego. ³¹ Bokondi boogali gogehuma gembole eta liolo mogee ge gekateli mogesee gemoa ge bolome ba lisego lie,la esulugiande bo, po yembo etotogende go lio li gehuma po djoowa bweli bo solomo,leta goni boto gaete solomo engaeho. ³² Bolome ba Niniwe beemalande la lie lisego gesee gemoa goete gekateli la besulugiandebo,po yembo bekokoliende betema biabo po yo laisabo yona,la leta boto ogaete yona engae ho. ³³ Boto ono aongongisa bwinda apatemo gesee geoisama,lambo eselande mo goliolo mo gemaelo ge bwinda gombo baito oba go djogota go mbele baene galo aongonga mo la oenegisa se. ³⁴ Liso liago lingae bwinda bo bindo. engaambo liso liago lingae lilo,andji bindo biago bitshubu bingae loha.Mongaambo mongae gobe,andji bindo biago bingae liima. ³⁵ La galo luba gombo loha longae moete djago moto ngaa liima. ³⁶ La galo mongaambo bindo biago bitshubu bingae la loha, lootshomba la djei liima,bio bitshubu bingaande loha ambwale engaambo bwinda boongongela ndae goenisa. ³⁷ Gee gembe ge moo solola,mofalisai bomoa etende geliogi poo yoo lande bia gesee gemoa.Egotende la geoho aala. ³⁸ La goena mofalisai galo,gioho aakamwa gombo atshipule pelo djeola bia. ³⁹ La galo ngene ebeendeande gombo,ogiogi enu Bafalisai boolonga nyindi golusa lo kopo la saani, Gwete djino go djale la itema la obe. ⁴⁰ Baito ba ndjombo! ogaatonga mo motshi goeta? ⁴¹ Pei ngene mwangae goeta ambo bakabo ba ngandi,La ogiogi bia bitshubu bingaebilo goete djino. ⁴² Ngandji djino Bafalisai!Po djembo bongai mokaba gemoa la liu go Endiosomo,la Pegana,la bingi biola bitshubu,la bongai moosidja loongene la oboto boo IONGIAONGIA,Mokokende ino gootongela djeembeo goni,la loolemba ojanga mbeo djaaho. ⁴³ Ngandi djino bafalisai! po yembo bongai moolemba bingaelo bi luuma goete linginda, la opana mbote mobisee biioendja. ⁴⁴ Ngadji djino! po bongai ambo go baili obatshia beenegela,la baito obaenda goliolo li mo la batshi moluba mo. ⁴⁵ Omoa mote baekesi ba bebeko ebeendeande gombo,boekesi,gee gengaae mobea mbeo djee bongae mobotshesu. ⁴⁶ la ebeende gombo,gandji djino ambwalebaekesi ba bebeko! Po yembo bongai mopaa baito balito bapia bootoa,la enu bangene bolongindi gootola balito baaho laa momoa mobasangana baino botshi motoli la djea. ⁴⁷ Ngandji djino! Po djembo bo pwesindi baili baba saoli ba IONGIAONGIA,oba loe batata djino beloa bo. ⁴⁸ La galo obaene ba gwa ba batata djino,la bwaimidjimo, Podjembo bo beloendebo la enu boapoesi baili babo. ⁴⁹ Bobo bongaebweli bo IONGIAONGIA ebeendembo,Djetomelandebo basaolibalene la betomami beloande baasina babo la beoisande baasina looso, ⁵⁰ Gombo liila li basaoli batshubu baabelega ototo ga goete gengaeli gehuma getshuyame mo baago ba lisego liee. ⁵¹ Ototoga go liila li Abel ago liila li gekalia aga lowame goete gehumbelo ge boeba bo mbele,Yaabegisenu mo loongene motshuyamande mo baago ba basego obayoya gombisa. ⁵² Ngandji yino baekesi ba bebeko po yembo boatotoli Ifiniko yibweli,Enubangene boti goti,la bwapeiyi bo obaongo gogota, ⁵³ Gee genenebo go basiginyi la bafalisai bepangende osundjela ge la gotshundja ge mbeo djee, ⁵⁴ La galo besilende golonganya toandji po yobundesa ge goete baogi bande.