¹ Yesu epwanyende baetani bande liu la baele la ependebo opia,la ongaa la bokondi gopelo beenda bee betshubu,la gouhisia biale betshubu. ² La etomendebo goosakola bokondi bo IONGIAONGIA la gouhisia ogangae la biale. ³ Ebeende abo mbo,bwingoosa gea ge boto mondole,litalite,litshunga te,ikuma te bioto bi lofalata te,tshuludjele te. Mongaambo boogotindi go mbele inandji,tshialei alo,la neneialo. ⁵ Goete obatshia bayoyambenu,gwayootogenu gwiyula yaaho,tei buta mobametela baino mpo yokebisa bo. ⁶ Betotogende ho la bobo baeta mwetiyula yike la bobo bapa mboli yilo la ouhisia baito mbale la mbale. ⁷ Bokondi Elode gwaowe yeembeo yi tshubu yinenelo,la embende motungisama onganju mpo yembo baasina bembende mobea mbo yowani eteendeliolo goete bangbi. ⁸ La baasina gombo,Eliya aanena,la baasina gombo omoa goete baekesi ba gologolo aata liolo. ⁹ Elode oho aabea gombo,emi yetshinende botshwe bo oani,ono boto endenji ogangaee mowa mbeo yi gee gelenge goete yande? La esilende yowenana ande. ¹⁰ Baetani bo baambisa goobegisa ge mbeo yitshubu oyitongebo.Geoho aosabo ko eaabo go Iyula yitangabo Betesaida. ¹¹ Lagwalube baito galo bobo baaliongolage eyambende bo la osolola abo loo lo liolo li bokondi bo IONGIAONGIA,la euhisiende obambe la amo yuuhisiama. ¹² Gee gembe loha lilongo bobo baabeande mbo,paa baito baiye ndole gomba baee go toula tokela mombe laa gola,mpo yembo tongae mogesee ge baale. ¹³ La geoho aabeaabo gombo,enu peeibo biya biola.Bobo baaesiambisa gombo,esu tosha biya biasina,tongae kaka la tokuma totano laa pwe yele,ombo mongaa gombo esu toowandegoosombela baito batshubu biya. ¹⁴ Mpo yembo bolome bembende imbaimbo koto tano.Ebeende la baetani bande mbo,ngaisaa bose liemba la liemba li baito betuutano betuu tano. ¹⁵ Betongende galo la bengaisendebo batshubu. Geoho aosa tokuma twaho tano la pwe yaaho yele,geoho aaleta go liolo la geoho aapambola mo,la geoho aabuna mo.Ependemo la baetani bande gombo baseeleemo gopelo baito batshubu. ¹⁷ Bobo baala la baito batshubumpo bobatshubu bo bauguto.La bobo baatotola baamba ba biya liulayele la bisege biasina obitshiale abo. ¹⁸ Gee gembe yesu mosembogela geangene,Baetani bande bembende ande mo bolongo gese gemoa,la etunjendebo gombo,baito bendeselenga gombo eminji? ¹⁹ Bo beeselengende baogi mbisambo,yowani bolupisi;la baasina gombo Eliya;la baasina gombo omoa moete baekesi ba gologolo aataa liolo. ²⁰ Geoho aaabea abo gombo,enu nde bangae mobea gombo emiyendenji? Petelo oho aaesia liolgi mbisa gobeambo kilisito ye IONGIAONGIA. ²¹ Ekebisendebo la olakabo gombo batoobegisa boto laa omoa. ²² La eselengende gombo mwetendea bona ga boto gowa looso goete mbeo yiee,la opeama goete bogolo biula,olowana la otaaliologombise bekolo beseso. ²³ Eselengende ambwale labo batshubu mbo,engaambo boto omoa engaambo la kamo goenda gombise yai,siyaage ailee bindo biande,la aose gekulusu giande bokolo la bokolo,la alingolei. ²⁴ Mpo yembo engaa boto inanji ogangae la kamo yuuhisa boenda bwande,esgande mo;mongaambo boto inanji aayosega boenda bwande mpo yai,geoho aayuuhisia mo. ²⁵ Mpo yembo boto inanji ogaayoosa huma tshubu la ogaayosegama geangene toombo elimegande engaande la likabo inanji? ²⁶ Mpo yembo monaambo boto inanji ogaayo elelei la baogi baai soni,bona ga boto eowelelandege soni gwayoyaage la ogemisa bwande,la Iseande,la baanjelu obatsha obe. ²⁷ La galo yeende beeino loongene gombo bamoa babo beemaele ane bapene lingba ogalo aayoenabo bokondi bo IONGIAONGIA. ²⁸ Bekolo imbai bonaanei gombise bee baigi,eosende Petelo la yoane la yakobo elilende gongolo mpo yosembogela. ²⁹ Gee gembege mosembogela,gelenge ge osio bwande bo boakokoga,la tshulu yande yo yaangenga onga bolikani yoela. ³⁰ Bolome baele bembende motana mboli lande MOSE la ELIYA. ³¹ Bo beenegelende la kembo,la bembende mobeya mpo onenela bwande eongonde ogelanya go Yelusaleme. ³² Baiso ba ba petelo bembende la olito,la betotogende la bebeende kembo yande ye bolome baaho baele beemalende ande gesee gemoa. ³³ Gee gembebo mototga ande,petelo eselengende la yesu gombo,boekesi,moetende olo gombo totnge mbele yiseso,omoa yago,emoa ye MOSE,la emoa ye Eliya atshilube mwambenge moselenga. ³⁴ Gee gembege mobea yeembeo,lipata liyende goolupa,la bebengende geegegotebo goete lipata. ³⁵ Liogi lienenende golipata gombo,ono ende bona gai ogaponamelo.owei ge! ³⁶ La gwasile liogi goselenga galo yesu oho aenegela geangene.Bobo baahoe hoi,la mogee geaho,batshibegise boto loo laa lomoa mombeo oyenebo. ³⁷ Mo bokolo bombisa bobo baasulugase gongomba,la buee bo baito baiye beuganende ande. ³⁸ Golome omoa moete gge baito aata a liogi lipia gombo,boekesi,yaalengelae,boletee bona gai ga golome mpo yembo engae bona gai ogatelemi botema. ³⁹ Boenda bobe bobundambo ge sagasaga ogataagebiima oguumagesila ogayalage lhiulo go bonya bwande,la gombale yande atshinene. ⁴⁰ Yelengelende baetani bago gombo balongee gonyenyage bo la batshilonge. ⁴¹ Yesu oho aaesia baogimbisa gombo Enu lisego obatshia bengae la oimilia la okokoga!Ingaee ino la iyowelelenu botema bosa kino geeinanji?yoo la bona gago goni. ⁴² Gee gembege moyaamondole,boenda bobe aatagese,la geoho aatage.La yesu oho aahamela boenda bobe bo lilo,la geoho auhisia oho bona la geoho aaesia mbisa gwangae Iseande. ⁴³ Botbatshubu bekamwende goena olene bo IONGIAONGIA.Aho ambebo batshubu mokwama la mbeo yitshubu oyitongege,ebeende la baetani bande gombo, ⁴⁴ Enu tei batwi aino goete baogi bee,mpo yembo bona ga boto epamande goete baago ba baito. ⁴⁵ La batshilubeloo lwaho litina.Moisamelendebo gombo batoo sososla tina ye loo, la bebangende gotshunjage litina li loo lwaho. ⁴⁶ Pege yembende mwete ya bobangeneimbaimbo inji moete yabo aete la olene. ⁴⁷ Yesu elubende begelegi ba betema beabo,la eosende bona omoa ga boke geoho aemalisia ge gongonge yande, ⁴⁸ La eselengende abo gombo,mongaa nji ogaayoyamba bona boke ono molina liami,lubaa gombo boayambemi,lubaa mbo aayamba ogatamei.mpo yembo ogaete boke moete yino batshubu geoho angae bolene. ⁴⁹ Yoani aosa baogi,la abea Boekesi,twenende boto omoa abitsha ba djabulu la lina liago;la topeidjendege, po yembo atshi molingolesu. ⁵⁰ Ingo peidjige,yesu aesalege mbisa, poombo ogengae po djino engae gaino. ⁵¹ Gee gembembo yesu gee giande geonena mo huma giaiga gombale,yesu aosa mokano moowa go Yelusaleme. ⁵² Geo atoma gopelo yande dje owa baito la baogi balubise bo mbo endeya,bobo baelama bo iula imoa dji SAMALITA,po yo longanyela ge isee dji opota. ⁵³ Kasi batshi yambe ge,po yembo ebende oa go yelusaleme. ⁵⁴ Baetani Yakobo la yoani oena galo,boo baabea;Ngene,boembande mbo totee djiimbe liogi go lola idje se la ihumbe bo? ⁵⁵ Yesu aleta mbisa,la geoho aapeidja bo. ⁵⁶ Poombo bona ga boto atshidjee po limedja betema be baito kasi po dje ousisa baito.La ataabo go iula djaina. ⁵⁷ Gee gembege mondole,boto omoa abeaande;Ngene,djelingola nde age bisee bitubu biadjoage. ⁵⁸ Yesu abeande;noli dji liolo ingae la maobo mabo,kasi bona ga boto atsha isee imoa djainyo oage goa pota. ⁵⁹ Geo abea ohoi;Lingolei emi.la alimbolelage;Ngene peemi ndole iye goa kunda ise gai. ⁶⁰ Kasi yesu abea ande;Sidja bangbwi bakunde bangbwi,la age,tea bo enise iula dji IONGIAONGIA. ⁶¹ Ohoi abea;dje lingola nde age,Ngene,kasi peemi ndole iye goa laka baito ba mbele djai. ⁶² Yesu alimbola ge;boto ono abunda kongo po yembo aele gelanga eletambo mbisa atshi moto geogota go iula dji IONGIAONGIA.