¹ mungu ebegese nde mose mbo gotaa gongale falo la begesaa ge mbo; mungu, iongiaongia yi baebele aabea gi gombo: sidjaa baito baami bae gootongelemi ligwa. ² engaambo boofea gosidja bo mombo baee, la engaambo boobunda ale bo, ³ letaa, djoogo dji ngene djiloa nde litonga lyago li nama olingae goete gelanga, bengba nde la bwale, kandolo la punda, la ngombe, laa gotie taba; mongala nde la olimoga. ⁴ la mungu eseganya nde batonga ba nama dji yisalaele la batonga ba nama dji baito ba ejipito, la afalowe nama djitubu dji bana ba yisalaele ⁵ mungu efee nde gesemba gembo: afendu iongiaongia etonga nde mo goete boi. ⁶ la mungu agaatonga mo molosigo alodja gofelo: batonga ba nama dji baito ba ejipito bo abangba, la nama laa emoo dje baito ba yisalaele atingbe. ⁷ la falo agaasila goluba mbeo aitalo, letaa, nama ata emoo mo mo litonga linama dji bana ba yisalaele atingbe. lagalo botema bo falo bo abwasundja angandu, la atisidje ale gombo lisego baee. ⁸ mungu ogo abea la mose laa alona gombo: djalisei baago baino la buta bo djimbe po dje mbo mose abasole mo go liolo gofelo baiso ba falo. ⁹ mo mokokoga nde bunge abwangoindja boi bo ejipito botubu la mongala nde goete boi bo ejipito botubu gotie baito laa gotie nama, ogakokoga mo tuma atongongaa la tohombo gotie baito laa nama. ¹⁰ bobo baosa buta bo djimbe la bobo baa goenesa falo; mose ahumbodja mo go liolo, momoabelegela baito moanenesa tohombo moete baito laa nama. ¹¹ kanga bobo baanenela gongale mose po dje litina li pota, po dje mbo djo pota djimbe nde dji kanga moete baito batubu ba ejipito. ¹² mungu ogo aselale botema bo falo la opia, la falo atshoele ale mose laa alona, ogi ambe mbeo adji bee mungu ebea la mose. ¹³ ngene ogo aabea la mose gombo: emalaa la nongonongo, teaa gongale falo. la bobeande laande mombo: gai ndabee iongiaongia mungu dje baebele; sidjaa lisego liyai baee po dje mbo batongelemi ligwa. ¹⁴ po dje mbo, mwene mbala djetoma nde pota djai djitubu po djosega liopi liago, osega bekobe byago la lisego liago, po djembo bolubei mbo boto ata omoa atikokane lai moete gehuma getubu. ¹⁵ engaambo djeletshe nde age djoogo djaami, la mbo djetobende age la ongba, age laa lisego liago, beongonde olimega goete gehuma. ¹⁶ la mbo djetiende age mbo buhe la litina li mbo boene ofia bwami; la mbo lina lyai lilubane moete gehuma. ¹⁷ engaa mbo boemaela ale lisego liami, la mbo botisidje bo mombo baee, ¹⁸ letaa, djetonisa nde lafendu moete gie gee ligugumba lilene litotoga nde goliolo, motiambo moatongama go boi bo ejipito, ototoga go gepangeli ge gehuma kino bwaina. ¹⁹ kengelaa bolongo bwago bo nama la biya bitubu bingale goete gelanga gyago, po dje mbo ligugumba libelegela nde goete baito batubu laa gongale nama odji ngale goete gelanga, laa odjitia djengala nde goete mbele djengba nde. ²⁰ bekobe be falo bebange nde liogi li mungu bobo baanena goete mbele laa bekobe byabo laa belongo byabo be nama. ²¹ laa obatiambo betee liogi li mungu go betema bobo baatia bekobe byabola belongo byabo be nama goete gelanga. ²² mungu ogo aabea la mose gombo: lesaa djogo djago liolo po djembo ligugumba likbe moete boi botubu bo ejipito, gotie baito laa gotie nama, laa gotie bingi bitubu bi bilanga, goete boi bo ejipito. ²³ mose ogo aaletsha ikoko djande go liolo la mungu ogo aatoma kake la ligugumba la djiimbe djodjo djaenda goete boi. mungu ogo aatonisa ligugumba goete boi bo ejipito. ²⁴ ligugumba lio liabelegase, laa djimbe djaasongana la ligugumba, la mombende la oili angandu, motimbe ata la gelenge geogelanisa la boi botubu bo ejipito tee ogalo afange ejipito gongala boi. ²⁵ ligugumba lio liatoba moete boi botubu bo ejipito, laa mo biya bitubu obimbe goete gelanga, ofanga la baito tee gongale nama; la ligugumba lio liatoba ambwale bingi bitubu bi gelanga, la momo moabenda tokoko totubu to gelanga. ²⁶ ototola goete boi bo gosene gombe bana ba yisalaele motimbe la ligugumba ²⁷ falo ogo aata mose laa alona, geogo aabea abo gombo moene mbala ene djaatonga lisumu, mungu nangale boto ga loomene, emi laa lisego liami nde batonge obe. ²⁸ sembogelei mungu, po dje mbo motongaale la kake la ligugumba; djeesidjendenu gombo booi, la bofaligeli. ²⁹ mose aabea laande gombo: gee geadjonenei go boi, djeelesha nde djogo liolo gongale ngene kake isidja nde la mofangale ale la ligugumba la tina dje mbo bolube mbo gehuma gende ge iongiaongia. ³⁰ kasi djelube mbo age laa bekobe byago bwebangi te foo iongiaongia mungu. ³¹ bilogo laa lofunga bisegame nde po dje mbo lofunga lobote nde laa bilogo bienyenye nde tuha. ³² laa basangu laa sodja itisegame, po dje mbo monenende go mbisa. ³³ lagalo mose ogo atotoga gongale falo po djoa goonena go boi; geogo alesa baago bande liolo gongale mungu, kake la ligugumba lio liasila la mbula atitone ale goete gehuma ³⁴ falo, goene ge gombo mbula laa ligugumba laa kake djisilende, geogo aatongela ale bo obe, la geogo aalesa botema bopia, ge laa bekobe byande. ³⁵ botema bo falo bo boadjale bopia, la atisidjele ale gombo bana ba yisalaele baee ogalo abee iongiaongia ebeya goete bonywa bo mose