¹ iongiaongia ebee nde la mose gombo: gotaa gongale falo po je mbo emi djaalesa botema bwande bopia laa betema be bekobe byande gombo djenisee ndembe djaami gongale bo. ² lagalo po dje mbo bolubese bana bago la bana ba bana bago ogalo atongemi baito ba ejipito, la bie bilembo abitongemi mosisi yaabo, la bolubindi mombo emi djengale ngene. ³ mose laa alona bobo baa gongale falo, bo aba bea laande mbo; gai ndabee ngene, mungu dje baebele: geni gee geangokoka age gosela liopi lipia gongale emi? sidjaa lisego liami baee po dje mbo baee goelelemi ligua. ⁴ engala mbo boofea mbo lisego liami batshoa, letaa, lafendu djeelesa nde bakelele moete boi bwago botubu. ⁵ bakelele bindjande nele yi boi bwago, bofakoki ale goena nele, la belaa nde ndambo dje bima biya abitiale lo motie ligugumba, belaa nde tosandu totubu atongobota go bilanga biaino. ⁶ bo bedjalisa nde mbele djaino, laa mbele dji bekobe byago laa mbele dji baito ba ejipito batubu. baise bago, la baise ba baise baago , mbeo aitiambo basoena tee longaela bo mo gehuma tee laa bwina. mose agaatotoga ge aganena gongale falo. ⁷ bekobe be falo bo aba bea laande mombo: tee gee inandi gyangongala ono boto iyandi po djaiso? sidjaa bo baito baee, la baee goosaela mungu, iongiaongia djabo. boti moena mombo boi bo ejipito boende ngba? ⁸ bo aba binogesa mose laa alona gongale falo; keei, bo aba bea laabo mombo katongelei iongiaongia mungu djaino. bandi bangoa? ⁹ mose agaa binogesela bo mombo; tooande laa bana baiso, laa tonino twaiso, laa bana baiso ba bolome laa basea baiso, laa nama djaiso laa ngombe, po dje mbo mongala nde po djaiso lipati lilene gongale ngene. ¹⁰ falo agaabea laabo mombo; sidjaa mombo mungu angale laino, la ogwasidja djeesidjenu mombo booi enu a bana baino! okebi po dje mbo, obe bongale gofelo djaino! ¹¹ ati galo, ati galo; enu bolome keii, katongelei mungu ligua po dje mbo galo ndalengelenu. la bo aba bitsha bo gofelo dje falo. ¹² mungu agabea la mose mombo, lesaa baago bago liolo gotie boi bo ejipito po dje mbo bakelele baage gotie boi bo ejipito, bale bingi bitubu bi gehuma; mo motubu motie ligugumba. ¹³ mose agaaletsha ikoko djande liolo gotie boi bo ejipito; la mungu agaafifa lohohe go genenelo ge loha gotie boi botubu. gee geige mo la nongo ifofela dji go genenelo ge loha gio giadjaa la bakelele baidje. ¹⁴ bakelele bo abaaga goete boi bo ejipito, la bakelele abangaa moete bisee bitubu bi boi bo ejipito; bembende la bwidje mootongami te ambo galo , la moenegi te ambo geo gelenge felo. ¹⁵ la bakelele abaindja nele tubu dji gehuma, la gehuma gembe nde moete liima la bo abaala bingi bitubu bi boi la tuma totubu to tosandu, la bitubu abitie ligugumba; la moti tiale ata loasi mo tosandu la bingi goete gelanga moete boi botubu bo ejipito ¹⁶ ogiogi falo agataa mose laa alona, la ge agaa bea mombo; djaatonga lisumu gongale ngene, iongiaongia la gongale enu. ¹⁷ kasi, limbisaa basumu baami moene mbala; sembogelaa ngene, mungu djaino, po dje mbo atotole gongalemi ene fota ye lingbaa. ¹⁸ mose agaanena gongale falo, la ge agasembogela mungu. ¹⁹ mungu aga fifa ifofela dji golalela bwina la ofia angandu, la mo amoatotola baelele, la mo amoata bakelele go badje abalene aba bwelu; la moti tiale ata la likelele limoa moete nele djitubu yi ejipito. ²⁰ la mungu agaasela ale liofili falo lipia, la falo ati sidje bana ba yisalaele mbo baee. ²¹ iongiaongia gabea la mose gombo; letshaa baago bago liolo, la mongale la liima mo boi bo ejipito, la po dje mbo bakoke goobunda ge. ²² mose agaaletsha baago bande liolo la liima liagota moete boi bo ejipito, moete bekolo besaso. ²³ batimbe ale moenana omoa la omoa moete djaabo, la boto ata omoa atimbe ale mototoga gogande moete bekolo besaso. kasi mombe nde la ogenegu gesee gembe bana ba yisalaele ²⁴ falo ge agaata mose gembo ; keei bosembogelei iongiaongia. nama djaino laa ngombe djaino djo nde ingotiala, la bana baino begelane oa laino. ²⁵ mose aga binogesela ge mombo; age boofendesu age laene mo baago bago gea inandi geangofeesu libondja la goango fifesu libondja gongale iongiaongia mungu djaiso. ²⁶ bolongo bwaiso bo nama boande laiso, la mofatiale ata loala lomoa; po dje mbo mo nangoosesu po dje ofaa mungu, iongiaongia, ngene laiso; la ogalo angoigesu toti moluba gea inandi giangoosesu po dje gofaa mungu. ²⁷ iongiaongia aga sela ale liopi li falo la opia, la falo atisidje ale bo mombo baee. ²⁸ falo agaabea la mose mombo; kbegaa gongalemi ! okeba goenega ale gofelo djami po dje mbo bwina abwangoenega ale age gofelo djami, bongbande. ²⁹ mose aga binogesela ge mombo; bwabea! ifaenege ale gofelo djaago.