¹ iongiaongia agabea ale la mose mombo; djeelesa nde ale tohombo gongale falo la go boi bo ejipito. gombise ho, esidjendenu mombo booi. gee giangosidja esidjenu mombo booi, ebitshendenu ane. ² beaa la lisego, po dje mbo omoa la omoa alengele mo boto agangale laande tinaina engalabogai to la bolome feli ade tonge bo la bioto bi lofalangala feli adjetonge bo la babanga ba wolo. ³ ngene agaatonga lifea gongale lisego mo baiso ba baito ba ejipito. mose ge lamene efende mo lokuku go boi bo ejipito, mo baiso ba bekobe be falo la mobaiso ba lisego li ejipito. ⁴ mose agabea mombo: gai ndabee mungu moete lotigo, yeetande gombale dje ejipito; ⁵ la bana ba felo batubu bengbande goete boi bo ejipito obanda la bona ga felo ga falo agangale mo kiti djaande tee gongale bona ga felo ga boto gaande ga bosala agangale go babanga bootula boteke; tee gongale bana ba nama aba felofelo. ⁶ mongala nde moete boi bo ejipito biima la beende bilene, moti ambo moasoowana la mofaoane ale gelenge geaho. ⁷ kasi moete bana batubu ba yisalaele, obanda la baito tee gongale nama, ata laa mbwa afaindje bonywa boande, la litina li mbo bolube oseganya motonge mungu moete yisalaele la ejipito. ⁸ la bekobe betubu bedja nde gongalemi la befoelendemi baloi se, la obea mombo: nenaa, age laa baito batubu abangolingola age! gombisa dje ho djenena nde. mose agaanena gongale falo moete osundja bolene. ⁹ mungu agaabea la mose mombo: falo afoe age molitina limbo sidjaa tosemo toami togologe goete boi bo ejipito. ¹⁰ mose laa alona bo abatonga to tosemo totubu gongale falo, mungu agalesa ale liopi li falo la ofia, la falo atisidje mombo bana ba yisalaele bakbege mo boi.