¹ ngene agabea la mose la alona goete boi bo ejipito mombo: ² moene songe ene mongalande po djaino songe dje felo dje gelanga. ³ lubesaa liemba litubu li yisalaele, la obea mombo: bwina bo liu li songe, boosindi bona ga kandolo omoa mo kila lisego, kondolo emoo kila mbele. ⁴ engala mbo mbele ati la baito baidje po dje kondolo emoo, bolindi la baito obangale tinaina laino, okokana la botango bo baito; boobalindi po dje elo kandolo okokana la ogalo angola boto la boto. ⁵ mongala nde la kandolo adjati la ndembe, adje bolome, engala nde la gelanga gemoa; bokokindi goosa bona ga kondolo too mombo bona ga ngombe. ⁶ booseli ndi ge se bikolo liu la benei mo songe; la liemba litubu li yisalaele beloande ge moete baolo baele. ⁷ lagombisa beosa nde ligilima li baila la beselande mo bisigo biyele mo bonywa bo mbele la goliolo li bonywa bo mbele ago angolaa bo mo. ⁸ belaa nde bonugu bwaho abohumbame la djiimbe lotigo lwaho, belaa nde mo gesee gemoa la tokuma atodjange djimbe la bingi bi libe. ⁹ bafali mo mwesi, too mbo motia molambame la badje, la mbo mwahumbame la djiimbe go botshwe bo mo la go baolo ba mo la bioo bino gesee gemoa. ¹⁰ bofatie laa djea atiambale la nongo.engaa mbo ligilima limo litiala kino la nongo bofetshindi mo la djiimbe. ¹¹ bolindi mo mo gie gelenge; boli boandame mo kbolo la bapapa mo baolo la ikoko mo djoogo. bolindi mo paango. mongae geetelo ge mungu ¹² po dje mbo emi djeeta nde goete gehuma ge ejipito moete lotigo, la mo djetoba nde bana ba bogolo batubu ba ejipito, baito laa nama la dje suludjande toongiaongia twabo to ejipito totubu. ¹³ baila bengaa nde ilembegidjo po djaino, mo mbele odjingalenu, lagoadjoletemi baila djeeta nde go liolo lino, la bwale bopasulugelenu po djoloenu, ago angotobemi boi bo ejipito. ¹⁴ losigo lo mongaa nde po djaino bokolo bo gekaniseli la obatela mo ambo gelambo ge mungu. bookanesi ndi mo ambo bobeko bo bekolo betubugoete basego baino batubu. ¹⁵ moete bekolo bosambale bolindi tokuma atodjange bagana. mo bokolo bo pelo boototoli ndi bagana gotie mbele djino po dje mbo engaa mbo boto elaa gea agengale la bagana, ototoga mo bokolo bo pelo kino bokolo bo bosambale, boto gaho etotolama nde goete yisalaele. ¹⁶ moete bokolo bo pelo boongali ndi la liemba gesee gemoa ogetsha basumu. ligwa lifatongame mo losigo lwaho, boolongnyi ndi ola bo boto la boto. ¹⁷ bobateli ndi gelambo ge tokuma atoti la bagana, po dje mbo mo bokolo bwe pendja djaanyenya baito baino baidje goete gehuma ge ejipito. momo angale mbo bobateli ndibokolo bwe moete basego baino batubu ambo bobeko bo loongo la loongo. ¹⁸ mosonge dje emoa mo bekolo be songe liu la benei mo gee ge liolo bolindi tokuma atodjange bagana la galo kino mo bekolo betuku bele la gemoa dje songe moete gee ge liolo. ¹⁹ bagana bafuugane moetimbele djaino moete bekolo bosambale, mpo dje mbo, engaa mbo boto elaa gea ogengale la bagana boto gaho etotolama nde moete liemba li yisalaele, engala mbo ge engale bodjeli to gombo boto ga gehuma gyasina. ²⁰ bofali gea gemoo goete bagana,goete mbele djainodjitububolindi tokuma otodjange bagana. ²¹ lagalo mose etende bogolo batububa yisalaele, la ebegise nde bo gombo, po dje bana ba kondolo la po djaino pendja ogelana la basego baino, lowei bona ga kondolo po dje geetelo. ²² osei liambu li isope botei mo goete baila obangale mo saani la botolei mo go liolo mo bonywa bo bisigo biele mo bonywa bo mbele la baila obangale moete saani, la boto ango omoa atonena goete mbele kino la nongo. ²³ po dje mbo mungu eetande po djolowa baito ba ejipito, la goangoena ge baila go liolo mo bonywa bo mbele la bisigo biele bi bonywa bo mbele, mungu eetande goliolo li getutu la afafee bosegi bo biya ndole gogota goete mbele djaino po djolowenu. ²⁴ botosi ndi loolwe ambo bobeko goete djaino la podje bana baino loongo. ²⁵ la goadjoigenu go gehuma ogeango faa munguefeenu,ogalo afee ge gesemba, bobatelindi osembogela bwe. ²⁶ gwadjobegisenu bana baino gombo, litina li osembogela bwe mwende gani? ²⁷ la bobeindi gombo, mongae olowa bo geetelo ge mungu po dje mbo ge eetende go liolo li mbele dji baito ba yisalaele go ejipito, ago alowe ge baito ba ejipito la ouhesa mble djaiso. baito betumele nde se la bobo baasembogela. ²⁸ lagalo baito ba yisalaele bee nde laa bo bobo baatonga galo. betongende ogalo alake mungu elaka mose la alona. ²⁹ moete lotigo mungu ogo aatoba bana ba bogolo batubu ba gehuma ge ejipito ototoga go bona ga ogolo ga falo ogangalese mo kiti ye bokondikino bona ga ogolo ga bokobe agambe goete boloko la bana ba pelo ba nama djabo. ³⁰ falo ogo aumoga mwilo lotigo, ge laa bekobe byande betubu, laa baito ba ejipito batubu , la geleli gelene gembe nde goete ejipito po dje mbo mbele djitimbe ale odjidjange bangbi. ³¹ ge ambwale eteende mose laa alona lotigo la geogo aabea gombo; emalaa la nenaa goete baito baami, enu ambwale la baito ba yisalaele. teaa gootongela mungu ogalo abeenu laande. ³² osaa belongo be kandolo laa belongo be ngombe, teei bwino.pambolei djemi ambwale! ³³ baito ba ejipito belengele nde baito bapia po djotoma bo gototoga go gehuma giaho la paango po dje mbo bebee nde gombo tongale esu batubu bangbi. ³⁴ lagalo baito beose nde tokuma twesi, indi beetite to mo djiimbe la beande nde saani djotshangela tokuma goete tulu djabo, la betolende mo baele babo. ³⁵ baito ba yisalaele betongele nde ogalo alake mose elaka bo po dje mbo belengele nde biya bi palata la biya bi wolo la tulu dji baago ba baito ba ejipito; ³⁶ la mungu efee nde baito lipea mo baiso ba baito ba ejipito la befee nde bo mwalengele bo. lagalo befandole nde baito ba ejipito. ³⁷ baito ba yisalaele beende nde ototoga go lamesese kino go sukote bembe nde bolome koto bekama liambe beende nde la baolo, ngotanga bana laa bogali. ³⁸ geage bwidje bo baito bilenge la bilenge bo aba aga laabo; bembee nde ambwale la geage bwidje bo belongo be nama bo loongene bo taba la ngombe. ³⁹ bo abatonga bekati beohumba ebeti la vinyo la boteke abokumbe bo goboi bo ejipito, la faango la batikoke goligela, lagalo batilonganese ola po djaabo. ⁴⁰ bekolo be bana ba yisalaele go boi bo ejipito bembe nde bilanga kama inei la betuu besaso. ⁴¹ lo lotigo lo lombende lipatipo dje iongiaongia, po dje mbo enenese bo go boi boejipito; lo lotigo lotongame nde lipati po dje ngene moete bana ba yisalaele batubu la bana ba bana babo. ⁴³ mungu agabea la mose la alona mombo: letaa djaalubesenupo dje pasika mombo; bogenda ata bomoo apale. ⁴⁴ botinya nde ifondo gongale bekobe la bioto; lagalo bo kola taambo. ⁴⁵ bogenda laa to mbo boto ga bosala agafutama lo afale. ⁴⁶ bolindi o goete mbele; la bofaneni la bonugu gose, la bofabendi bokba ata bomoo. ⁴⁷ liemba litubu li yisalaele betonga nde pasika. ⁴⁸ engala mbo bogenda bongala gongale age elemba otonga lipati li pasika gongale ngene, golome botubu agaangongala goete mbele etinyama nde ifondo; gombisa ge kosega se po dje gotonga lipati li pasika, la lingala nde ogi angala boto ga gyo gehuma. boto agatshambo etinyameifondo afale mo ⁴⁹ gelenge geaho ge bobeko po dje boto agatitinyame ifondo motongama nde gongale bogenda abongongala gongalenu. ⁵⁰ bana batubu ba yisalaele bo abatonga ogalo abee mungu ebea la moselaa alona, bo abatonga ogalo. ⁵¹ la bwaho bwina ngene aganenesa bana ba yisalaelego boi bo ejipitola gelenge ge biloneli byabo.