¹ iongiaongia agabea la mose mombo: ² nenesaa bana ba bolome ba bolome aba felo felo mongale bana ba yisalaele, mongale baito laa nama; beende baami. ³ mose agaabea la lisego mombo; boende tii liofi boe bwina, abototoge enu go boi bo ejipito, mo baago ba bokobe; po dje mbo mo djoogo djande dipia nde bonenese mungu enenesenu. isongi adji ngale la vinyo ifalaame ale. ⁴ bonenindi laa bwina, moete songe dje keke. ⁵ gee gengogotsha mungu egotshage go boi bo kanana la baiti laa ba amola la bahiwi la bayebusi, bee abalapese ge gongale mombo efende laino, gehuma agengale la nele djilo la baina ba boge, botindi liofi po dje osebogela moene songe ene. ⁶ moete bwina bosambale, bolande isongu aiti la vinyo, la mo bwina abo bosambale mongala nde lipati po dje lokuku lo iongiaongia. ⁷ tolaa nde isongu aiti la vinyo moete bekolo bosambale; mofaenege ale gongale enu isongu aingale la vinyo, la bofaene ale gongale age vinyo, moete nele djitubu dji boi boago. ⁸ la bobea nde la bona gaago ga golome: moende po dje ogelegia mbeo aitonge mungu etonga po djami gee genenemi go boi bo ejipito. ⁹ mongala nde po djaago gellembo gemoa mo djoogo djago la ogi angala ndembe moete baiso bago, la litina li mbo bobeko bo iongiaongia bongale moete bonywa bwago, po dje mbo djoogo djande ifia djoonde inenese ngene enenesenu go boi bo ejipito. ¹⁰ boletela nde bobeko mo bwina abotongame lo kila gelanga la gelanga. ¹¹ gee gengogotsha mungu egotshenu goete boi bo kanana, ogalo abee ebea laago la baise bago, ¹² booseela nde mungu bona ga felo,agaanguudja age, la bana ba nama aba felo abanguudja age; aba bolome bengala nde ba mungu. ¹³ bosomba nde la bona ga kandolo, bana ba punda aba felo; la engala mbo boti sombe; bobunande ge ngingo. la bosomba ambwale bana ba felo ba bolome moete bana ba bolome bago. ¹⁴ la gee gengotundja bona gaago ga golome etundjage bwina bomoa: litina li mo ambo gani? la boobinogesela nde ge mombo; mwende la djoogo djande ifia, ngene enenese ndesu go boi bo ejipito, go mbele dje boombo; ¹⁵ lagalo asele falo liopi opia mombo esu totshoa, ngene agaloa bana ba felo moete boi botubu bo ejipito obanda la bana ba felo moete boi botubu bo ejipito, obanda la bana ba felo ba boto tee tee gongale bana ba felo ba nama. letaa litina li feemi libondja gongale mungu bana ba nama ba bolome. ¹⁶ mongala nde ndembe mo baago bago la mongala nde gekaniseli moete baiso bago po dje mbo moende la djoogo djande ifia nde bototole mungu etotolesu go boi bo ejipito. ¹⁷ gee gesidje falo esidja lisego mombo baee mungu ati etese ale bo go ndole dje bafilisitia ata galo embe mo ndole dje tinaina po dje mbo agaa bea mombo; lisego bekoka nde goa mbisa gwangoena bo gimo, la bea nde mbisa go ejipito. ¹⁸ kasi mungu agaetesa bo gefinole go ndole dje lisobe, gongale lodje lolene. bana ba yisalaele bo abaaga la biloneli gonena go boi bo ejipito. ¹⁹ mose agaosa bekba be yosefe; po dje mbo yosefe elubese nde bo bana ba yisalaele la obea mombo; mungu euhesendenu, la boagindi la bekba biami gola la ane. ²⁰ bo abatotoga go sukote la bo abaemalesa likofe lyabo go mbale dje bolelo bo lisobe. ²¹ iongiaongia agaa gofelo djaabo la loha la ligugumba li bwina po dje oendesa bo mondole djaabo, la lotigo la ligugumba li djiimbepo djoenesa bo, la litina li mbo baende bose laa lotigo. ²² ligugumba li bwina lititotoge go felo dje lisego la loha, laa ligugumba li djimbe la lotigo.