¹ mungu agaabea la mose ge mbo: ² beaa la bana ba yisalaele baage liolo bafwe litele go felo dje pi-hahiloto, moete migedolo la lodje lo yaladene, oletana la bala-sefona. boemalesi litale liaino gofelo ago ngonga dje badje ba bonana. ³ falo agabea la bana ba yisalaele mombo: baalimega moete boi; lisobe liaindja bo. ⁴ djeesela nde liofi li falo la ofia, la ge elingola nde bo; kasi falo la basola bande batubu betongama nde po dje olesa lokuku loami liolo, la baito ba ejipito beluba nde mombo emi djengale iongiaongia. la bana ba yisalaele bo abatonga galo. ⁵ bo abalubesa bokondi bo ejipito mombo; bana ba yisalaele baakima. lagalo liofi li falo la liofi li bekobe beande bo abakalamba gongale lisego. bo ababea mombo; gani angotongesu gosidjesu mombo bana ba yisalaele baee, la esu tofaudje ale baito boosaelesu besala? ⁶ la falo agaosa kaminyo djaande dje bimo la ge agaosa basola bande. ⁷ ge agaosa kaminyo dji bimo kama liambe, la kaminyo i bimo djitubu dji boi bo ejipito; laa baito batubu abalona bimo. ⁸ mungu agaalesa ale liofi li falo la ofia, bokondi bo ejipito, falo agaalingola bana ba yisalaele. bana ba yisalaele benene nde inde belese baago liolo. ⁹ baito ba ejipito bo abalingola bana ba yisalaele la punda djabo itubu la kaminyo yi bimo bi falo; la biloneli biande laa basola bande, bo abaa goongala go ngonga e badje balene, go ngonga e pi hahiloto, go felo dje bala sefona. ¹⁰ falo agasega se. bana ba yisalaele bo abalesa baiso liolo, la letei baito ba ejipito bembende molingola bo gombisa. la bana ba yisalaele bo abangala moete booha bolene, la bo abaata beende gongale mungu. ¹¹ bo ababea la mose mombo: kunda itimbe go ejipito mombo esu tdje goongbela goni lisobe? gei getongesu mombo esu totoge go ejipito? ¹² atigalo ndabegese tobegesage go ejipito; sidjesu tosaele baito ba ejipito, po dje mbo esu tolembe ata gosaela baito ba ejipito mo gesee ge mbo todje goongbela goni lisobe? ¹³ mose agabinogesela lisego mombo; ingo bangi, ngalei gesee gemoa. la letei ouha abongouhesa mungu euhesenu laa bwina; bofaeni ale bo baenenu laa bwina, bofaeni ali bo, ¹⁴ mungu elonele ndenu; la ngalei gehoi. ¹⁵ mungu agaabea la mose: po dje gi bee babile? beaa la bana ba yisalaele mombo baende. ¹⁶ age, lesaa ikoko djago go liolo, lesaa djogo djago liolo gotie badje balene bagasee; la bana ba yisalaele beeta nde moete badje inde begasee. ¹⁷ la emi djeesela nde liofi li baito ba ejipito la ofia, po dje mbo bagote gombisa djaabo; falo laa basola bande batubu laa kaminyo i bimo laa binaabia bitubu bi bimo bilesa nde lokuku loami liolo. ¹⁸ la baito ba ejipito beluba nde mombo djengale mungu, la falo, la bilineli byande bi bimo, molesa nde lokuku lwami liolo. ¹⁹ andjelu bo mungu boende go felo dje likofe li bana ba yisalaele, boende goongala gombisa djaabo; la ligugumba li ogenegu limbende go felo djaabo, la mo amoalimega gombise djaabo. ²⁰ mo amoangala moete likofe li baito ba ejipito la lifete li baito ba yisalaele. lio ligugumba liembe nde la liima gombale emoa,la gombale ene aloi mombee nde moenesase la lotigo. la bafete baaho baele bembende tina-ina moete lotigo. ²¹ mose agaananola baago bande gotie badje balene, la mungu agabitsha badje abalenela ifofela i gogenenelo ge bwina, la lotigo bobimba, la badje abaagasa moete lodje, la badje abaganyanya bisege biele. ²² bana ba yisalaele bo abagota moete lodje lolene inde begase, la badje abatonga bitutu biele, gemoa go djoogo i bolome djasina go djogo i bogali. ²³ baito ba ejipito boabalingola bana ba yisalaele; la punda djitubu dji falo, laa kaminyo djande yi bimo, la biloneli byande bitubu, bio abiagota gombisa djaabo moete lodje lolene. ²⁴ mo gee ge oumoga la nongo,mungu mo ligugumba li djimbe la ali loha, oleta go lifete li baito ba ejipito, la bo abagota moete lofindi, baito ba ejipito, la bo abakolokana go lifete li baito ba ejipito. ²⁵ ngene ge aga totola bagango ba kaminyo djabo la ge agaasela loendo loabo moete kbokoso. la baito ba ejipito bo abaabea mombo: tokime gofelo dje yisalaele po dje mbo mungu ende lonela ge gongale baito ba ejipito. ²⁶ ngene agabeaa la mose mombo: letshaa djogo djago goe go lodje lolene; la badje be binogelende baito ba ejipito, gotie kaminyo yabo i bimo la biloneli biabo bitubu. ²⁷ mose agaalesa djogo djande liolo gotie badje abalene, la gombale dje nongo badje abalene baabinoga ogalo ambe lo, la baito ba ejipito abakima goete badje; la mungu agailitsha baito ba ejipito goete badje abalene. ²⁸ badje abadjala bo abaindja kaminyo djabo la biloneli biabo la basola ba falo batubu abagote goete loye lolene gombise bana ba yisalaele okatesa; la boto ata omoo atshuhe. ²⁹ kasi bana ba yisalaele beende nde moete badje abalene inde begasee, la badje betongende bitutu mbale la mbale mobaago ba bolome la mobago babo ba bbogali. ³⁰ la mo bo bokolo mungu agaatotola bana ba yisalaele mo baago ba baito ba ejipito; la yisalaele agaena lingba li baito ba ejipito go libongo li badje abalene. ³¹ yisalaele agaena djogo ifia yi mungu aitonge ge gongale baito ba ejipito, la lisego ababanga iongiaongia, la bo aba imidjela mungu la bombo boande mose.