¹ ngene ebegesende mose gombo, letaa, djeselende age ambo iongiaongia mo baiso ba falo la alona bogolo la boli bwago engaande bopalesi bwago. ² botaande mboli dji mbeo djitubu odjadjobegesei laago, la alona ndeko djaago esololande la falo gombo asidje baito ba yisalaele gonena goete bwe boi. ³ la djeeselande botema bo falo bopia, la goulogesa tosemo toami, la bagwa bogemisa bwai goete boi bo ejipito, ⁴ falo afowe age. lagalo djetaa nde djoogo djai go liolo li ejipito la bitumbo bilene djenyenya nde bolongo bwai la baito bai, bana ba bolome ba yisalaele mo boi bo ejipito. ⁵ baito ba ejipito beluba nde gombo emi djende ngene, ago angolifolemi djoogo djaai goliolo li ejipito, la goadjonyenyei baito ba yisalaele goete abo. ⁶ mose laa alona betongende galo; betongende ogalo alake ngene elaka bo. ⁷ mose embe nde la bilanga betuku bonaani la alona embende la bilanga betuku bonaani la beseso ago asolole bo la falo ⁸ ngene ebegisende mose laa alona gombo: ⁹ ago angobegesa falo ebegesenu gombo botongei ligwa liogemisa po ye mbo enubangene bolongisei,begesaa alona gombo osaa ikoko djago tobaa mo nele go felo dje falo gombo mokokoge ndjo. ¹⁰ lagalo mose laa alona belingolende gongale falo la betongende ogalo alake ngene elaka bo. alona etende ikoko djande se gefelo dje falo la bekobe byande; la djo djakokoga ndjo. ¹¹ lagalo falo etende baito ba bweli la kanga dji besandu, la bo kanga dji ejipito betongende galo la bweli bwabo booisama. ¹² boto la boto etende ikoko djande se, djo djakokoga ndjo. la ikoko i alona limelende tokoko twabo. ¹³ iindje botema bo falo botialende bopia, lage atshowe bo, ogalo asile ngene gobea. ¹⁴ lagalo mungu ebegese nde mose mbo botema bo falo bongale bopia, ge afea mombo baito batshoa. ¹⁵ teaa gongale falo la nongo, ago angale ge moa go lodje. gumbaa ge go libongo li gebale, la osaa mo djoogo djago ikoko aimokokoga ndjo. ¹⁶ la bobegesa nde ge mombo: ngene, iongiaongia yi baebele, aatomei gongale age, aabea mbo: sidjaa baito baami bae gotongelemi ligwa go gesobe, la letaa boti motosa. ¹⁷ mungu aabea gi mombo, po dje mo bolubande mbo emi djengale mungu; letaa, djetobande badje obangale goete gebale la ikoko adjingale mo baago baami, la mokokoga nde liila, ¹⁸ la swe goete gebale djingbande, la gebale gesegama nde, la baito ba ejipito bowande obe angandu po djomwa badje ba gebale. ¹⁹ mungu ebegese nde mose gombo, begesa alona gombo, osaa ikoko djago la lifolaa djogo djago gotie badje ba ejipito, gotie bibale byabo la tosaala toabo la betshwe be ndodje djabo la badje babo batubu bakokoge liila. baila bengaa nde bisee bitubu bi gehuma ge ejipito, goete kole laa feli. ²⁰ mose laa alona betongende ogalo alake mungu bo. mo baiso ba falo, la mo baiso ba bekobe biande, ge eese nde ikoko djande liolo, la geogo aatoba mo badje obambe ho goete gebale, la badje batubu ba gebale baakokoga baila. ²¹ swe goete gebale bengbe nde, la gebale gesegame nde, lagalo baito ba ejipito batikoke gomwabadje ba gebale. baila bembee nde bisee bitubu bi gehuma ge ejipito. ²² kanga dji ejipito betongende ambwale galo la bweli bwabo booisama, lagalo botema bo falo botialende bopia, la ge atshoe bo ogi asile mungu gobea ²³ goe falo mbisa go mbele djaande ati kebe la loo lwaho. ²⁴ baito ba ejipito batubu bebushende bashaa gongonga dje gebale po djosila badje bomwa po dje mbo batikoke gomwa badje ba gebale. ²⁵ bekolo bosambale beetende gombisa dje bokolo abotobe mungu gebale.