¹ la mungu agabea la mose mombo: boenande ogiogi loo alongotongemi falo. djoogo dji opia djeletsha nde ge mombo asidje bo bae, djoogo dji opia djiilitsha nde ge la obitsha ge mo boi bwande. ² mungu agabea ale la mose mombo djengale ngene. ³ emi dje kbegele nde abalayama, la isaka, la yakobo ogi angala mungu adjaete opia; kasi emi itienese gongale bo la lina liami, ngene. ⁴ emi djetonge nde ngela djai laabo, po dje ofaa bo boi bo kanana, boi aboendele bo, la bo abangala ho. ⁵ djaoa otata bo bana ba yisalaele abongale baito ba ejipito monyokola bo, laa emi djaa alangana ngela djai. ⁶ la momo bea la bana ba yisalaele mombo: emi djengale ngene, djeetotolendenu goete bo olito bo besala abengale baito ba ejipito motongesenu, djetotolendenu moete oena looso gongale bo, la djeuhesendenu indi dje nanole baago baami la osambisama bolene. ⁷ djeosa ndenu bongalei lisego liami, la djeengala nde mungu djaino, la bolubindi mombo moendemi, ngene, mungu djaino agatotolenu mo besala abembe baito ba ejipito motongesenu. ⁸ djeegotsha ndenu go boi abolakemi mombo djeefaa nde abalayama, la isaka, la yakobo: djeefendenu mongale mogaino, emi ngene. ⁹ la galo ndabee mose gongale bana ba yisalaele kasi looso la otatabana bo bokobe po dje mo natimbe bo molemba goowa mose. ¹⁰ ngene aga bea la mose mombo; ¹¹ keaa, beaa la falo, bokondi bo ejipito, po dje mbo asidje bana ba yisalaele banene mo boe boi. ¹² mose agabinogesela mungu; letaa, bana ba yisalaele batshoemi;geni gelenge geangoa falo eoelemi, emi agatimoluba oselenga? ¹³ mungu agabea la mose la alona, la ge agabea laabo po dje bana ba yisalaele la po dje falo, bokondi bo ejipito, po dje onenesa bo go boi bo ejipito, bana ba yisalaele ¹⁴ letaa bekondi be basegobabo. bona golomega lubene. bona ga felo ga yisalaele: henoki la palu la heselone la kalami; bee abambe lisego li lubene. ¹⁵ bana ba bolome ba simona; yemuele la yamini la saulo bona ga ogali ga baito ba kanana; bee abangale mo lisego li simeona. ¹⁶ letei baina ba bana ba bolome ba lewi, la bolongo bwabo bo obotama, gelesone la keata la melali. bilanga biobotama bi lewi bimbee nde bokama la betuu besaso la bosambale. ¹⁷ bana ba bolome ba gelesona; libini la simei olingola olingola la basego babo. ¹⁸ la bana bolome ba keata: amalama la yisihala la hebeloni la ujiele. bilanga bi ouha bi keata bimbee nde bilanga bokama la betuu besaso la besaso. ¹⁹ letei bana bolome ba melali, maheli la mosi. bee abangale basego ba balewi ogi angale bolongo boobotama bwabo. ²⁰ amalama agaosa bogali yokebede, ndeko dje bogali ga iseande, la ge agabotela ge alona la mose. bilanga biobotama bi amalama bimbende bilanga bokama la betuu besaso la bosambale. ²¹ bana ba bolome ba yisihala, kola la nefege la jikili. ²² bana ba bolome ba ujiele; misaele, la elisafana la sitili. ²³ alona agaosa eliseba, bona gaogali ga aminadaba la ndeko dje nasona ogiangala bogali gaande, la ge agaabota nadaba la abihu la eleajala la itamala. ²⁴ bana ba bolome ba kola, asile la elekana la abiasafa; bee abambe basego ba bakola. ²⁵ eleajala, bona golome ga alona, ge agaosa bonaogali ga putiele ogi angala bogali gaande, la ge agabota pinehase. bee abambe gofelo ye basego ba balewi mo belongo be toula toabo. ²⁶ bee bende oogo, alona la mose, bani aba bee mungu ebea laabo mombo: nenesei go boi bo ejipito bana ba yisalaele la gelenge ge basolo babo. ²⁷ bo nde baselengane la falo, bokondi bo ejipito po dje onenesa bana ba yisalaele go boi bo ejipito. mombende mose la alona ²⁸ galo abea mungu ebea la mose go boi bo ejipito. ²⁹ iongiaongia agaabea la mose mombo: emi djengale ngene.beaa la falo, bokondi bo ejipito, mbeo djitubu adjibea dje bea laago. ³⁰ la mose agaabinogesela mungu mombo: letaa, itimoluba goselenga lolo, geni gelenge ge ngoowa falo oemi ?