¹ gombisa dje mbeo djaaho mose laa alona beende gongale falo, la bebee nde mbo: ngene, iongiaongia yi bana ba yisalaele aabeya gi gombo: sidjaa baito baami bae gootonga gelambo po djai go gesobe. ² falo abinogia gombo: ndi angale ngene po dje mbo itose baogi bande, mombo isidje bana ba yisalaele bae? iti moluba ata aga tanga bo ngene, la ifasidjele bana ba yisalaele mombo bae. ³ la ge agaabea gombo: mungu ye baebele aakbegelesu. feesu ndole toende bekolo besaso goete gesobe, poa dje ohumbela mungu libondja poa dje mbo atshotobesu la bwale la ilonde. ⁴ bokondji bo ejipito ge agaa bea laabo mbo : mose laa alona, gei gyatotolenu baito mo besala beabo? kei mo besala biaino. ⁵ falo agaa bea mombo: letei, bee baito baiga baidje moete boi, enu botinyei besala byabo la ndole? ⁶ la bwina bwaho, falo aga faa bebeko gongale bendelemboka yi lisego la ndombe: ⁷ ingofei ale baito bingi galo ambenu mofaa bo felo po dje otonga biliki. bae gootinya bingi biaho bo langene. ⁸ la mbo botelindi botudja bo biliki ogalo ambe bo motonga felo, ingolesi botuya bo biliki se, po dje mbo bo batsha ofia, momo angale bo molela mombo sidjei djesu toe goohumbela mungu djaiso libondja. ⁹ fei bo bosala bopia po dje mbo batonge batota liofi go baogi ba bwela. ¹⁰ bendelemboka la ndombe bo ababea la lisego mombo: letei galo ndabee falo ifafee alenu bingi. ¹¹ kei enu laene goosa bingi gesee ageanguudjenu, po dje mbo tofatotole gea ata gemoo mo bosala bwaino. ¹² lagalo baito abaafanda lase moete boi bo ejipito po djoa goosila bisege bi bingi mo gesee ge kasi. ¹³ bendelemboka bo abatoma bo sagasaga la obea laabo mombo: silesei bosala bwaino abo bwina la bwina, ogi angala mombo bembe nde la bingi. ¹⁴ be tobamende la bendelemboka bana ba yisalaele gongale ndombe yi falo: po dje gi, ogalo abee bo, atshambo bosilesi lafendu laa labwina, ogalo atengenu felo, botuya bo biliki abofee befenu mombo botongi? ¹⁵ bo baito bafelo gongale bana ba yisalaele bo abaa goolela gongale falo mombo : gei gengale age motonga bekobe beago gai? ¹⁶ ata bati fee baombo bago bingi , bende bea laiso mombo, tongei biliki la letaa bekobe byago beende tobama, la osingo bwaho boende gongale baito bago. ¹⁷ falo ge agaabinogesela bo mombo: botingali la ofia , boti la ofia! letei ogi angalenu mobea mombo: toe goohumbela mungu libondja! ¹⁸ la ogiogi, kei goosala bosala la boofiindi obobo botudja bo biliki. ¹⁹ lagalo bendelemboka abaemaela bana ba yisalaele boabaena mombo baasela bo moete ngandi, bo ababea mombo: bofa totoli ata gea gemoa moete biliki byaino, bekolo betubu gelenge gemoo. ²⁰ gee genene bo gongale falo, bo aba lubesa mose la alona abambe mogumba bo. ²¹ la bo ababea laabo mombo: sidjaa mombo mungu aletenu, la asambesenu! enu bwasidjeli djesu ogalo gongale falo la bekobe byande, enu boati ilonde ilonde mo baago babo po djoloesu. ²² mose agaabinoga gongale mungu, la ge agaabea mombo: ngene, po dje gi atongage obe gongale lie lisego? po dje gi atome botomemi? ²³ tee ogalo aemi gongale falo po dje goselenga la lina liago, eende tonga obe la lie lisego, la botiuhese lisego lyago.