¹ la Mose ebinogese nde gombo, letaa bapaimidjelemi, la bafoe liogi liami, po ye mbo bebea nde mombo, ngene atinenele age. ² ngene ebegisende ge mbo gea inandi gengae mo djogo djago? geogo abea mbo ikoko. ³ ge ebee nde gombo, tobaa djo ose mo nele, la galo ge otebe nde djo ose mo nele la galo djodjo dja kikoga ndjo, la Mose oho aakima go pelo ye mo. ⁴ ko ngene ebegisa mose mbo, lipolaa djogo djago , bundaa ge go bwali bwande (la geogo aalipola djoogo djande geoho abunda mo, moa kikoga ikoko mo djoogo djande). ⁵ gombo baimidje mbo ngene, iongiaongia yi abalayama, iongiaongia yi isaka, la iongiaongia yi yakobo aanenelage. ⁶ ngene ebegese nde ge mbala dja sina mbo, taa djogo djago mo gegwa gyago. ge ete nde djoogo djande mo gegwa geande, la gee ge totole ge djogo, letaa djogo djande djoo djanga homotoo la bwale bo singa. ⁷ la gombisa iongiaongia ebegise nde ge go mbo, binogisa djogo djago mo gegwa gyago. la galo ebinogese nde djogo djande mo gegwa gyande, o ago anenese ge, letaa, momo mwauha ambo bonugu bwasina. ⁸ iongiaongia ebee nde mbo; engaa mbo bati sagele age, la mongaa mbo bati imidje gelembo ge felo, ati beimiya nde gelembo age biele. ⁹ mongaa mbo batiimilie tosemo toe toele, la engaa mbo batiimiye liogi li bonywa bwago, ati boosa nde badje ba gebale oga fandolage mo nele, badje bo bangoosage go gebale bekokoga nde liila mo nele. ¹⁰ Mose oho aabea la ngene gombo; eeh age ngene djami, emi iti boto ga baogi ba loongene, dje mbende galo la gologolo, la gombiseoselenga ago, la bokobe bwago, djengae o galo. la galo baogi baami bengae babe laa logame lwai ambale. ¹¹ la galo ngene ebegisende ge mbo; indiatonge bonywa bo boto? indi asele boto fefe ngoselenga la ngoowase indai oleta, imbai la baiso boongba? motshemi ogangae ngene? V 12 La galo teaa, laa emi djeengaa nde mo bonywa bwago gesee gemoa la emi djeelaisa nde age mwangobeage. ¹³ ebee nde gombo; ah ! ngene; tomaa ogayotomage. ¹⁴ la galo ligege li ngene liongonge nde gongae mose la ko ebeya mbo: alona, ndeko djaago molewi, ati ho ? djelube mbo ge ekoke gobea lolo, la letaa, ge engae monena owa gougana ago, la goangoena enaage esepela nde goete liopi liyande. ¹⁵ age ambwale bobegisa nde ge la botaa nde baogi gobegesa ge, emi djeengaa nde goete bonywa bwago laa mo bonywa bwande gesee gemoa, la djee laisa nde age mwadjotonga age. ¹⁶ ge eselengela nde baito po djaago, la ge engaa nde bonywa bwago,age ambwale botonga nde ande ambo iongiaongia. ¹⁷ boosa nde ikoko djee mo djoogo djago la galo botonga nde tosemo. ¹⁸ mo eende mbisa gongae yetelo boilo bwande la ebegise nde ge mbo; djaasembogelage, sidjemi ibinoge gongale bagolo la baoli baami ilete imbai bengae go. yetelo ebegese nde mose mbo teaa la gehoi. ¹⁹ ngene ebegise nde mose la midiyani mombo: binigaa go ejipito po ye mbo baito batubu abalembe goloage baasila gongba. ²⁰ la galo mose eose nde bogali gaande la bana bande ba bolome la ete nde bo gotie punda geogo aabinoga go gehuma ge ejipito. mose eose nde ikoko dji iongiaongia mo djoogo djande. ²¹ ngene ebegise nde mose go mbo: aho adjobinogage go ejipito, letaa lolo mbo botonge tosemo totubu abiasilemi gota la opia bwago gopelo ye falo. emi nde adjosela botema bwande opia gombo atosidja baito baho mbo batoa. ²² bobegisa nde falo gombo: ngene aabeya galo gombo yisalaele engae bona golome gami ga ogolo, ²³ la emi djaabegisage mombo, sidjaa bona gai ga golome ae mbo atongelei ligwa. la boofeambo gosidja ge mbo aee dje loa nde bona gaago, bona gaago ga ogolo ²⁴ ngene eugane nde ande go gesee ge opta moete loendo la geoho aaota goloa ge. ²⁵ la galo sipola eose nde itale yi pwetu la geoho aatshinya djoombo dji bona gaande ga golome la geoho aatola go baolo ba mose lako ebeya mbo, loongene bongae bolome gai ga liila. ²⁶ la galo ngene esidje nde ge. mombee nde mo gee geaho agebee bogali gombo, bongae golome ga liila po dje litina li otinya limbute. ²⁷ ngene ebegise nde alona gombo, teaa go gesobe goosaana la mose. la galo ge eende la euganende laa nde go ngolo ye iongiaongia la ge oho aapepela ge. ²⁸ mose esololende la alona baogi bangene batubu abatome ge la mose, la galola tosemo totubu at lake ge gombo atonge ²⁹ gombisa mose laa alona beende goosonganesa liemba li bogolo ba yisalaele batubu. ³⁰ alona ambale esolole nde baogi batubu aba bee mungu la mose, la etonge nde tosemo mo baiso ba baito baaho. ³¹ baito baaho beimiye nde , la goe bo mbo mungu aiga gongale baito ba yisalaele la mbo ge aena looso lwabo, betumelende se po dje osembogela.