¹ Mose embe nde la litonga li nama li boilo nbwande YETELO mokengela djo, kanga dje boi bo madiani; la ge agaa la litoga li nama gombisa ye lisobe,la ge agaa go ngolo dje mungu go holebe. ² andjelu bo mungu ge agakbegela ge moete ligeigei li djimbe moete isandu imoa. Mose aga leta; aaleta, isandu imbe nde moete djimbe, la isandu itimbe mofia. ³ Mose ge mbo djaalemba gombo ibinoge, po dje mbo djaena sema ndene, djeande mbisa goleta loo lolene lwe, po dje gi atshambo ikoko djaho djiti mofia. ⁴ gwene iongiaongia mbo mose ende segase go mbo aene ogalo aongana djiimbe, mungu oho aatage liogi mwete djimbe: Mose Mose!Mose! la geogo abinogesa mbo emi ono ! ⁶ la geogo akakia ale gombo djengale iongiaongia ise ago, mungu dje abalayama, la mungu dje yisaka, la mungu ye yakobo. lagalo Mose oho aamama osho bwandepo djobanga goleta mungu. ⁷ la galo mungu oho aabea mombo, djaena looso lo baito baami obengae go boi bo ejipito, la djaowa beende be lisego liamiobengale bo motaa gwangale baito obangae monyokola bo po dje mbo djelube looso lwabo. ⁸ djaasulugase po djo djaa gouhesa bo mo baago ba baito ba ejipito, la po djodjaa goigisa bo mo boi a bolo obongale boteu, boi abo belega balomi se laa boge, la po gesee age ngale baito ba kanana, la baito ba bahiti, la baito ba baamola, la baito ba bapeliji, la baito ba bahiwi la baito ba bayebusi. ⁹ letaa, geleli ge baito ba yisalaele geaiga goni angalemi, la djaena looso lwabo ,la ogalo angae bo moena looso gongale baito ba ejipito. ¹⁰ ogiogi, teaa, djeendetoma ge gongale falo mbo bonenese lisago liai go boi bo ejipito, bana ba bolome ba yisalaele. ¹¹ mose oho aabea aiongiaongia gombo: gei gengalei mboiyee gongale falo, la po dje mbo inenese bana ba yisalaele go boi bo ejipito ? ¹² mungu oho aabeya gombo djeengaa nde laago; la mwe mongaa nde ilembegidjo ge oenesa mombo emi nde atome age:gee geango nenesage lisego go boi bo ejipito; bosaleli ndi mungu go liolo li ngolo ene. ¹³ Mose oho aabeya la mungu mbo: djea nde gongale bana ba yisalaele, la dje beande laa bo mbo: iongiaongia yi baise baino geono atomei gongalenu.engaa mbo betundjemi mbo lina li mungu gaho ndi? gani ango eshelei bo mbisa? ¹⁴ iongiaongia ge mbo: EMI DJENGAE OGANGAE LO. la ge oho aakakyale mbo letaa galo ndangoeshelage bana ba yisalaele: ogatanga bo lina mbo engae geono atomemi gongalenu. ¹⁵ iongiaongia ebegise nde ge mbo begesaa baito ba yisalaele galo mbo; ngene, iongiaongia yi baise baino, mungu dje abalayama, iongiaongia yi isaka, la iongiaongia yi yakobo aatomemi gongalenu. mwe mongale lina liami li loongo a loongo, lisego la lisego ba gelegie mo galo. ¹⁶ keaa ka songanye baumu ba baito ba yisalaele begesa bo mbo, ngene, iongiaongia yi baise baino, iongiaongia yi abalayama, la isaka la yakobo aanenelemi la obea ami mbo, emi djaena mbeo odjatongamelenu go ejipito, ¹⁷ la djaata gesemba go mbo djeetotolendenu moete looso lo ejipito la dje lilesendenu go boi bo kanana, la bahiti, la baamola, la bapeliji, la bahiwi, la bayebusi, gehuma a geete la nele la baina ba boge. ¹⁸ boande liogi liyago,la enu obangae baumu babaito ba yisalaele bolingolindi goangale bokondji bo ejipito la bobegisi ndi ge go mbo, ngene,iongiaongia yi baebele augana la iso, ogiogi tongae mosembogela age, sidjaa tolingole loendo lo bekolo besaso goete gesobe po djohumbela ngene iongiaongia djiso boeba. ¹⁹ djelube galo mo mbo bokondi bo ejipito apasidjenu mbo booi, o mbo mongaa go mbo djoogo djipia djiondimesa ge. ²¹ djetonga nde po dje mbo baito baho balongane moete baiso ba baito ba ejipito, lagalo angoenu bofae bago bwasi, ²² la mbo ogali la ogali elengela nde bolome gaande, ogali ogangae go mbele yaande biya bi palata la biya bi wolo la tshulu, booselindi mo moete bana ba bogali baino la bana ba bolome baino.la boofandolindi baito ba ejipito