¹ golome omoo molisego li lewi geogo aosa gogali omoa mo basea ba lewi ambo bogali gaande. ² ogo ogali geogo angaa la lieme geogo aabota bona golome omoa; la geogo aena gomgo embe nde bona golome bolo, la geogo aamama ge goete songe isaso. ³ atikoke ale goisa ge,geogo aosa gekologe bingi aagilitsha mbiti dji nele djiilo la keele, geogo aata bona goete gekolo, goete bingi bi ngonge ye lodje. ⁴ bwelo ga bona oga ogali geogo angaa go ngonga ye badje, po dje mbo alube loinandji loangigela bona. ⁵ bosea bo falo oho aasulugase go lodje po djoa goofula, bo la bainga bande bo baenda go ngongae lodje, geoho aena gekolo moete bingi moete lodje geoho aatoma bokobe bwande po djowa goosa gekolo giaho. ⁶ geoho aalipola, la geogo aena bona: moende bona golome ogambe molela. la geogo aowela ge ngandi, lako ebeya gembo: moende bona ga baebele ! ⁷ la galo boelo ga ogo bona ge agaabea la bosea bo falo mombo; bolembe mbo isiele age agangolomesa ogo bona moete bogali ba baebele, mombo alomese ono bona ? ⁸ keaa, bosea ga falo agabinogesela ge galo. la ogo bona gaogali aa goosa inango a ogo bona. ⁹ bosea bo falo agaabea laande mombo:tola ono bona, la lomeselemi ge; djefuta nde age salele djaago. ogo gogali ge agaosa bona la ge agaa lomesa ge. ¹⁰ gee age gologe ge, ge agaa laande gongale bosea bo falo, la ge angala po djaande ambo bona gaande ga golome, ge agafaa ge lina li MOSE, tina ye mo mbo: dje totole nde ge mo badje. ¹¹ la gio gee, mose, agaa gologa, ge agaa go ngale bagolo la baoli bande, la ge agaena ogi ambe bagolo la baoli bande moena looso la besala.ge agaena galo atoba boto omoo ga ejipito etoba boto ga baebele mosisi dje bagolo abaoli bande. ¹² aeteta atiene boto, goene ge nbo boto ati bagu ho, geagaa loa boto ga ejipito, la ge agaisa ge goete longongo. ¹³ gombise ho, ge agaa nena bwina bwasina; la letaa baito ba baebele baele bendengbana. ge aga bea la agatonge obe mombo: po dje gi atobage bogolo la boli bwago? ¹⁴ la ogo boto ge aga binogesela ge mombo: indi nasele age bokondji mbo bodje gosambesesu? boembande olwei ogalo aloe age boto ga ejipito? mose agaabanga, la ge agaa bea mombo: moende loongene loe loo loa lubana. ¹⁵ falo aaluba mbeo aietelo, ge agaa sila mose mbo aloe ge, la galo mose agakima ge agatotoga gongale falo, la ge agaa goongala go boi bo madiani; la ge agaa goemala go ngonge lishaa li badje. ¹⁶ kanga ye madiani embe nde la base bosambale. bo aba djaa gotoa badje, la bo abadjalesa bitoelo biabo bi badje po dje omoesa litonga li nama li ise abo. ¹⁷ bakengeli baiga, bo ababitsha bo. lagalo mose ge agaemala la ge agaselengana laabo; la ge aga mwesa litonga li nama badje. ¹⁸ gee gebinoge bo gongae luele, ise abo, ge aga bea laabo mombo: po ye gi abinogenu saga-saga laa bwina galo ? ¹⁹ bo aba eshela ge mbisa mombo: boto omoo ga ejipito ge ndauhesesu mo baago ba baito abakengela lo, la ge agatoelesu badje, aamwesa ambale litonga li nama lyaiso. ²⁰ la ge aga bea la bosea bwande mombo: goni angale ge? po ye gi asidjenu ogo boto? tei ge liogi, po dje mbo aose ndambo dje bia biola. ²¹ Mose ge agaangala gongale ogo boto, ge agaafaa ge bosea bwande sepola mombo angale bogali gaande. ²² ge agaa bota bona golome; la ge aga taa ge lina gelesome la ge aga bea mombo, emi djengale bogenda mo boi bwasina. ²³ gee gesa gombisa, bokondi bo ejipito ge agaangba, la bana ba yisalaele bo abasusuna goete bokobe, la bembe nde mota babile la olela. la beende byabo biaiga gongale iongiaongia. ²⁴ iongiaongia agaowa osuma bwabo, la ge aga semoga ngela djaabo la abalayama, isaka laa yakobo. ²⁵ mungu agaleta bana ba yisalaele, lage aga oela bo ngandi.