¹ letaa baina ba bana ba bolome ba yisalaele, obadje go boi bo ejipito la yakobo mo lilongo la lisego li bot la boto; ² lubeni, la simeona la lewi, la yuda, ³ yisakala la yebuluna, la benyamina; ⁴ dani, la nafatali, la gadi laa asele. ⁵ obabotame monda ye yakobo bembe nde bo batubu baito betuu bosambale, yosefe embende gio gee go ejipito pelo. ⁶ yosefe ogo angba, laa lisego lyande litshubu laa losasa loande lotshubu. ⁷ bana ba yisalaele bebotende la bo bangaa la opia angandju , la boi bobo bwangala la baito, ⁸ bokondi bwasina bobo boanena go ete ejipito, la ge ati lube yosefe. ⁹ geoho alubesa lisego liande go mbo: letaa bana ba yisalaele obaatonga geage baito baidje la bengae la opia oetesu. ¹⁰ la galo : djoi totongelei bo bweli gombo batongaa baidje, la mbo gimo gedjele ambo esu, basongane la baito abati moembesu balone laiso la mbo batshokima bwe boi. ¹¹ la geoho aatelebo bekondi beosalisa bo besala; po djosela bo moete besala be looso. la po dje mo ndafwese bo iyula i pilotomi la lomasese, po yotongela fala ba masikini. v 12 lambo goaetelebo gonyokolama, la oena looso angandju: bobo baabotale baidje la bobo bangaa baiye angandju. ¹³ la galo bobo baagotsha bana ba yisalaele goete bekobe angandju, ¹⁴ la galo bobo baasela bekolo biyabo be ligwa moete looso la besala bepia beotoba biliki la otola mbiti la besala beasina bepia be bilanga, la bagwa baasina byio bya djaa liolo la opia. ¹⁵ bokondi bo ejipito geogo aabegisa o babotisa bogali ba baito ba baebele, omoo goete abo betange nde ge sifala, la ono gasina la lina li pua, ¹⁶ geoho aabea abo gombo "gee geangobotiseu bogali ba baebele, engaa mbo boeni gombisa obotesa ge, ebota bona golome, lowei ge, engaa bona ogali, sidjei ge auhee." ¹⁷ lambo ababotisa bogali bebangende mungu la bati tongele ogalo abee bokondi bo ejipito; bobo baasidja bana batubu bauhee. ¹⁸ bokondi bo ejipito oho aata obabotisa lo liogi, la ko ebeya laabo gombo: po dje gi atongenu gai la boasidji bana ba bolome bauhee? ¹⁹ bogali aba botisalo boo babinogesela falo gombo: bogali ba baebele bati ambo bogali ba ejipito; bogali ba baebele bengae bapia, la bengae mobota bo laene pelo dje mbo ababotisalo baige. ²⁰ mungu etonge nde olo gwangae bogali obabotisalo, la lisego lio liagologa laa bo bo bangaa baidje. ²¹ po dje mbo bogali ababotisalo bebange nde mungu, iongiaongia oho aapambola mbele djabo. ²² la galo falo oho apaa bobeko gongae lisego liande litubu: bana ba bolome batubu obangobotama boobasolindi bo goete badje, la boosidjindi bana ba bogali bauhee.