¹ ge etonge nde gehumbelo po dje boeba bo ohumba la ikoko dji kasia, osa bo mo bombe nde la beonde tano la olene bo mo beonde tano la mosanda bo mo beonde besaso. ² etonge nde seba po dje mo, golio li mo monei. seba dji mo djimbe nde gesege gemoa ge mo, la elupe nde mo la gekeko. ³ etonge nde bitongelo bitubu bi gehumbelo, liuta po dje nele la pao la saani la kanya la liuta li djimbe. etonge nde bitongelo bi mo bitubu la bikeko. ⁴ etonge nde gea ambo oti odjalangame la gekeko po dje gehumbelo, gose dje bolelo bo mo, gosuluga goiga moeta la eta bo gehumbelo. ⁵ etonge nde mepete benei odjilangoge go baiyo ba mo banei goete oti bo gekeko ambo bibundelo bi tokoko. ⁶ etonge nde ikoko djaho la ikoko dji kasia la elupe nde mo la gekeko. ⁷ ete nde ikoko djaho goete mepete la gombale djele dji gehumbelo po djotola mo. etonge nde mo la babaya la esidje nde mo bwasi goeta. ⁸ ge etonge nde gesogwelo ge gekeko la geemaelo ge mo ge gekeko ogetotoge go bosengo bo bagali obotonga ligwa go gegotelo ge likumbo li koyangana. ⁹ ge etonge nde geamba. gombale dje mbole tulu dje geamba embe nde bolikani obotongame la busi boke la osa bo mo bombe nde la beonde bokama. ¹⁰ bisigo bi mo bimbe nde betuu bele la biemaelo bimbe nde betuu bele la bitongame nde la bikeko, la mbo lilango li mo la ikoko dji mo djitongame nde la palata. ¹¹ po dje gombale dje liolo, osa bo mo bombe nde beonde bokama la bisigo bi mo betuu bele la biemaelo bi mo betuu bele bitongame nde la bikeko, la mbo lilango la bisigo la tokoko to mo djimbe nde la palata. ¹² la gombale dje gelimegelo ge bwina tulu djembe nde beonde betuu tano la osa la bisigo bi mo liu la biemaelo bi mo liu. balango ba bisigo la tokoko to mo djitongame nde la palata. ¹³ po dje mbale dje gopelo, go mbale dje genenelo ge loha, beonde betuu tano. ¹⁴ tulu dje gombale emoa dje gegwe bimbe nde la beonde liu la tano, la bisigo biseso la biemaelo biseso. ¹⁵ lagalo po dje gombale djasina, mo djogo la mo djogo djaho gombale dje gegwe ge lopango tulu djembe nde go beonde liu la tano, la bisigo biseso la biemaelo biseso. ¹⁶ tulu djitubu adjilingame mo lopango bimbe nde la molikani obotongame la busi boke. ¹⁷ biemaelo bi bisigo biembende la bikeko, la mbo balango la bisigo la tokoko to mo tombe nde la palata. bilingie nde betshwe be bisigo bi palata la bisigo bitubu bi lopango biandame nde la palata. ¹⁸ tulu dje bome bo lopango boyemame nde la osola la pili la bwelu o bwilo la bwelu la bolikani obotongame la busi boke. osa bo mo bombe nde beonde betuu bele la mosanda bo mo bombe nde la beonde tano, mo laa olene bo mo, lagalo mogelane nde la tulu dje lopango. ¹⁹ bisigo bi mo biembe nde binei. biemaelo bi mo binei biembe nde la bikeko, la balango ba mo bembe nde la palata la betshwe be mo beindjame nde la palata la tokoko to mo tombe nde la palata. ²⁰ belelo betubu po dje likumbo la po dje lopango ololingie mo djimbe nde la bikeko. ²¹ ane goobala bia bi likumbo, likumbo li geeniselo, ambo ogi abalame mo po dje bonywa bo mose. balewi betonge nde ligwa liaho la itamala, bona ga alona oga kanga, ebatele nde ligwa liaho. ²² besalele bona ga uli, bona ga hulu mo lisego li yuda, etonge nde mo gotubu moalakele mungu mose. ²³ oholiaba, bona ga ahisamaki mo lisego li dani, embende laande gesee gemoa. gge boto ga bweli bo ligwa la bogelegi bo bagwabalo la bologi bo osola pili la bwelu bwilo la bwelu bo bolikani obotongame la busi boke. ²⁴ wolo botubu bogote nde goete ligwa li opwesa mbele djitubu mo gesee geelu. wolo la beeba, bimbe nde bioto bi talata betuu bele la libwa la bioto bi ba sekele bekama bosambale la betuu besaso, mo la bioto bi sekele mogesee geelu. ²⁵ palata odjitotoge goete baito ba linginda djitangame nde, mombe nde bioto bi talata bekama la ba sekele koto la bekama bosambale la betuu bosambale la tano, mombe nde sekele dje gesee geelu. ²⁶ boto la boto ogae po djobalama efute nde beka emoa, mo mombende ndambo dje bioto bi sekele la gelenge ge sekele dje gesee geelu. baito batubu bebalame nde ototoga bilanga betuu bele, bembe nde bolome koto bekama liambe la iseso, la bekama tano la betuu tano. ²⁷ bioto bi talata bokama la palata bimbe nde po dje olangola la po djotonga biemaelo bi gesee geelu la po dje biemaelo bitulu. biemaelo bokama po dje talata bokama, talata emoa po dje geemaelo gemoa. ²⁸ lagalo etonge nde balango po dje bisigo la elupe nde betshwe be mo la etonge nde tokoko to mo la palata dji ba sekele koto la bekama bosambale la betuu bosambale la tano. ²⁹ bikeko obipaame lo biembe nde talata betuu bosambale la bioto bi ba sekele koto djele la bekama benei. ³⁰ ge etonge nde biemaelo po dje gegwe ge likumbo li koyangana djaho, la gehumbelo ge gekeko la oti bo mo la bitongelo bitubu bi gehumbelo, ³¹ la biemaelo bi lopango la biemaelo bi gegwe ge lopango la baiyo batubu ba likumbo la baiyo batubu ba lopango.