¹ besalele etonge nde liuta li tokoko to kasia. osa bo mo bombe nde beonde bele la ndambo, la olene bo mo bombe nde boonde bomoa la ndambo, la mosanda bo mo bombe nde boonde bomoa la ndambo. ² ge elupe nde mo la wolo lolo goeta laa golusa, la elingie nde mo mo bolelo bo wolo. ³ ge elangole nde wolo la etonge nde mepete benei po dje baiyo ba mo banei, mepete bele mbale emoa la mepete bele mbale djasina. ⁴ ge etonge nde ikoko dji kasia la elupe nde mo la wolo, ⁵ la ete nde ikoko djaho goete mopete go ngonge liuta po djotola liuta. ⁶ ge etonge nde gengaelo ge nganji ge wolo gelo. osa bo mo bombe nde beonde bele la ndambo la olene bo mo bombe nde boonde bomoa la ndambo. ⁷ ge etonge nde bakeluba baele ba wolo obatobame lo. etonge nde mo golio mwele la gengaelo ge nganji, ⁸ keluba emoa golio emoa, la keluba emoa golio djasina, ge etonge nde baeluba baele golio la gengaelo ge nganji gesege gemoa ge mo. ⁹ bakeluba beese nde bapapu babo liolo la bo bo baindja gengaelo la nganji dje bapapu babo la beletane nde. basio babakeluba bembe nde gongale gengaelo ge nganji. ¹⁰ ge etonge nde ambwale mesa be tokoko to kasia. osa bo mo bombe nde beonde bele, la olene bo mo bombe nde boonde bomoa, la mosanda bo mo boonde bomoa la ndambo. ¹¹ ge elupe nde mo la wolo lolo, la elingie nde mo mo bolelo bo wolo. ¹² ge elingie nde mo la djei lopango lolene ambo basangana banei la ge elingie nde lopango la bolelo bo wolo. ¹³ ge elangole nde wolo la etonge nde mepete be mo benei, la ge eandame nde mepete beaho gombale djitubu djinei, gombale dje baolo ba mo banei. ¹⁴ mepete beaho bembe nde bagubagu la djei lopango ambo bibundelo bi tokoko po djotola mesa. ¹⁵ ge etonge nde ikoko djaho la ikoko dji kasia po djotola mesa la elupe nde mo la wolo. ¹⁶ ge etonge nde bitongelo po dje mesa be wolo o belo, saani dje mo, la kopo dje paka dje mo, la saani djilene dji mo, la mbilika po djobela boeba bo omwa. ¹⁷ ge etonge nde ambwale getelo ge tambe la wolo dje ndo. idjolo la gesigo ge getelo ge lotambe getongame nde la wolo odjatobame lo. kopo dje mo la djuma la fulele dje mo mombende gesege gemoa ge mo. ¹⁸ beti liambe binene nde go ngonga dje mo, beti beseso mo getelo ge lotambe bnene nde gombale djasina dje mo. ¹⁹ boti bomoa bombe nde la kopo iseso djitongame nde ambo tuma to amanade, la kopo la kopo djimbende la tuma la fulele; boti bwasina bombe nde la kopo iseso itongame nde ambo tuma to amanade la kopo la kopo embende la tuma la fulele. mombe nde galo po dje beti liambe bienene nde moete getelo ge lotambe. ²⁰ kopo inei djetongame nde ambo tuma to amanade mombe nde mogetelo ge lotambe lwande la tuma to mo gesee gemoa la fulele dji mo, ²¹ la djuma djimoa djitongame nde gesege gemoa ge mo ogembe gose beti bele be mo, la djuma djimoa djitongame nde gesege gemoa ge mo ge mbe nde gose beti bele beasina be mo, la galo po dje beti liambe binene nde a mo. ²² tuma to mo la beti be mo bimbe nde gesege gemoa ge mo. mo gotubu mombe nde gea gemoa la wolo dje ndo motobame nde. ²³ ge etonge nde tambe dji mo bosambale la mangato ba mo la saani dji nele djitubu dji wolo djilo. ²⁴ ge etonge nde mo la bitongelo bi mo gesee gemoa mo gotubu la talata emoa la wolo dje ndo. ²⁵ ge etonge nde gehumbelo ge paka la malasi ba ikoko dji kasia. osa bo mo bombe nde la boonde bomoa la olene bo mo bombe nde boonde bomoa. mo mogelane nde mbale djinei, la mosanda bo mo bombe nde beonde bele. seba dji mo djimbe gesege gemoa. ²⁶ ge elupe nde mo la wolo lolo, goliolo la gombale dje mo gotubu la seba dji mo. ge elingie nde mo la bolelo bo wolo, ²⁷ la etonge nde mepete bele be wolo po dje mo gose dje bolelo gombale djo djele ambo bibundelo po dje tokoko to otola mo. ²⁸ ge etonge nde ambwale ikoko la ikoko dji kasia la elupe nde mo la wolo. ²⁹ ge etonge nde ambwale baina boetsha baelu la paka la malasi ba liipu lilo, mobwanyame nde la bweli bo botongi bo malasi.