¹ besalele la oholiaba la boto la boto ogapee mungu bweli la gopwanisa se po djoluba gotonga ligwa litubu li osola gesee geelu, bo betonga nde gelenge gemoa ogi alake mungu mo gotubu. ² mose ete nde besalele la oholiaba la baito batubu ba bweli, obapee mungu bweli; boto la boto la kamo djotonga ligwa liaho. ³ beuyende moete baago ba mose beeba betubu obepee baito ba yisalaele po djotongaligwa mo gesee geelu. bekolo betubu la nongo bedjee nde poo la beeba, ⁴ lagalo baito batubu ba bweli, obambe motonga bagwa bilenge bitubu mogesee geelu bedjende, boto la boto etotoge nde mo ligwa lyande, ⁵ la bebegise nde mose gombo: baito bengale modja la biya obiete lo po djotonga ligwa olipee mungu epesu gesemba. ⁶ lagalo, mose epende bonywa, la bonywa boaho bolaisame nde moete bisee bitubu la lilao gombo: sidjaa golome too gogali batotonga gea geasina po dje beeba mogesee geelu. lagalo baito bepeidjame nde po dje opaa, ⁷ po dje mbo biya obiudje bo bigelane nde gotonga ligwa litubu la moete nde. ⁸ baito ba bweli batubu goete batongi ba ligwa betonge nde ikumbo la tulu dji mo liu. bitongame nde la bolikani obotongame la busi boke la pili la bwelu bwilo la bwelu, la bakeluba betongame nde la bweli. ⁹ osa bo tulu la tulu beonde betuu bele la bonaani, la olene bo tulu bombende la beonde benei. tulu djitubu djigelane nde. ¹⁰ ge ebunde nde tulu djitano djasina ge eande nde gesee gemoa. ¹¹ ge etonge nde bolii bo bapoolo la pili go lio li tulu la golio li bitanu moandame nde gesee gemoa; lagalo ge etongele nde mo go lio li tulu la bitanu biasina biandame nde gesee gemoa. ¹² ge etonge nde bolii bo bapoolo betuku betano mo tulu emoa, la etonge nde bolii bo bapoolo betuu betano golio li tulu moete bitano biasina. bapoolo beletane nde. ¹³ ge etonge nde biandelo bi wolo betuu tano, la eande nde tulu djaaho gesee gemoa la biandeli, lagalo likumbo liembe nde litubu. ¹⁴ ge etonge nde ambwale tulu dji bepuu be taba po dje geindjelo ge goliolo li likumbo. ge etonge nde tulu liu la emoa. ¹⁵ osa bo tulu la tulu bombe nde la beonde betuu besaso, la olene bo tulu la tulu bombende la beonde benei. tulu djaho liu la emoa djekokane nde. ¹⁶ ge eande nde tulu djitano gesee gemoa, la tulu liambe gesee gemoa. ¹⁷ ge etonge nde bolii bo bapoolo golio li tulu djasina djoandana. ¹⁸ ge etonge nde bibundelo betuu tano bi bikeko po djoandela mbele gombo mongale gotubu. ¹⁹ ge etonge nde ambwale gelubo po dje mbele dje mboso dji ba pate ba bolome la mboso dji taba djilonganyame nde. ²⁰ la gombisa etonge nde kadele djoemaela po dje likumbo li tokoko to kasia. ²¹ osa bo kadele la kadele bombende la beonde liu la olene bo kadele la kadele bombe nde boonde bomoa la djei ndambo. ²² kadele emoa embe nde la bisigo biele biandame la twato babaya obaete goete dje mo. etonge nde galo mo kadele djitubu dji likumbo. ²³ ge etonge nde kadele la likumbo lagalo gombo, kande betuku bele po dje gombole; ²⁴ la etonge nde biemaelo bi palata betuu benei gose dje kadele betuu bele, biemaelo biele po dje kadele emoa po dje bisigo bi mo biele, la biemaelo biele gose kadele djasina po dje bisigo biaho biele. ²⁵ gombale dje djele dje likumbo, gombale dje goliolo ge etange nde ambwale kadele betuu bele, ²⁶ la biemaelo bi mo mo palata, biemaelo biele gose dje kadele emoa la biemaelo biele mo kadele djasina. ²⁷ la gombisa dje likumbo gombale dje gelimegelo ge bwina ge etonge nde kadele liambe. ²⁸ ge etonge nde ambwale kadele djele po dje lio li likumbo gombisa. ²⁹ mo mosegane nde gose la moandane nde go liolo gombale dje mopete bopelo. ge etonge nde mo mwele po dje baiyo baele; ³⁰ kadele dje mbe nde bonaani la biemaelo bi mo la palata liu la liambe biemaelo biele gose kadele emoa. ³¹ ge etonge nde tokoko tosa, mo ikoko dji kasia. etonge nde tano po dje kadele gombale emoa dje likumbo, ³² la tokoko totano po dje kadele gombale djasina dje likumbo, la tokoko totanu po dje kadele, la likumbo la gombisa gombale dje gelimegelo ge bwina. ³³ ge elonganye nde gombo ikoko dji moeta la eta djitotoge go lio limoa moige go lio aliia ambwale djingale moeta la eta dje kadele. ³⁴ ge elupe nde kadele la wolo la etonge nde mopete bo mo la wolo pe dje bibundelo bi tokoko la ge elupe nde tokoko la wolo. ³⁵ ge etonge nde tulu dje pili la bwelu bwilo la bwelu la bolikani obotongame la busi boke. ge etonge nde bakeluba balo ba mo. ³⁶ ge etonge nde bisigo binei po dje mo la tokoko to kasia la elupe nde mo la wolo, la lilango li mo limbe nde la wolo, la ge elangole nde palata la etonge nde biemaelo bi mo binei. ³⁷ ge etonge nde ambwale tulu po dje gegwe ge likumbo li pili la bwelu bwilo la bwelu bo bolikani obotongame la busi boke la botongi bo osola, ³⁸ la etonge nde bisigo bi mo bitano bi balango ba mo. ge elupe nde betshwe be mo, la belii be mo bimbe nde la wolo, la biemaelo bitano bi mo bimbe nde mo gekeko.