¹ mungu ebegise nde mose gombo: emalaa, age la baito obanyenyese age go boi bo ejipito, lilaa goboi obobundemi la olapa gongale abalayama la yisaka lakobo gombo: djeepaa nde mo go basego bago. ² djetoma nde ambwale andjelu gopelo djago, la djenenesa nde baito ba kanana la baito ba amola la baito ba bahiti la baito ba piliji la baito ba hiwi la bayebusi. ³ lilaa gongale gehuma ogeete la nele la baina ba boge. emi nde atia djadjolila goete djino, gombo itosiidjenu moete ndole, po dje mbo enu bongali baito ba botshwe bopia. ⁴ goe baito mboli djibe djee boende ngandi la boto la omoa atibate biima biya byande bilo. ⁵ po djembo mungu esilende gobegisa mose gombo, begisaa baito ba yisalaele gombo: enu bongali baito ba betshwe opia. engala mbo emi djelila moete djino laa po dje gee geke, andi djaasiidjenu. lagalo totolei biya bino obilo gombo djilube imbaimbo djetongele ndenu gii. ⁶ momo atotole baito ba yisalaele biya biabo bilo aho atotoge bo go ngolo dje holebe. ⁷ gee getubu mose eose nde likumbo la geoho aemalisa mo golusa mo geamba, la ge ete nde mo lina li likumbo li geuganelo. imbaimbo indi asile mungu ge enena nde gombale dje likumbo li geuganelo ge golusa bo geamba. ⁸ imbaimbo mose enene nde goete dje likumbo andi baito batubu beemalende la boto la boto eemale nde mo gegwe ge likumbo lyande la elete nde gombisa dje mose ogalo asiidje ge ogota goete likumbo. ⁹ gogote mose goete likumbo, gesigo ge lipata gesuluge nde se la geemale nde mo gegwe ge likumbo la mungu esolole nde la mose. ¹⁰ goene baito batubu gombo gesigo ge lipata geemale nde mo gegwe ge likumbo, baito batubu beemale nde la bobo baasembogela; boto la boto gombale gegwe ge likumbo lyande. ¹¹ mungu esolole nde la mose gai moete baiso bande, ogalo asola boto la tomba djaande. aho abinoge mose go geamba mbala djasina, boto gaande ga ligwa yosua, bona ga nuni, bona golome, atitotoge go likumbo. ¹² mose ebegise nde mungu gombo, letaa boabegisemi gombo lilisaa baito bee.la botibegisemi imbaimbo botomendei la ndi molilongo. la mbo boabea gombo, emi djelube age la lina la age bolongane moete baiso baami. ¹³ lagalo djaasembogela age, imbaimbo djelongane gopelo djaago, enisemi ndole djaago ogiogi gombo djilube age la djilongane mo baiso bago, enisemi ndole djaagoogiogi mbo ilube age la ilongane mo baiso bago. gelegia ambwale gombo lisego lie liende li baito bago. ¹⁴ ge ebee nde gombo: emi angene djea nde ago lilongo la djeepa nde age geogomelo. ¹⁵ mose ebegise nde go gombo: engala mbo bopae lai gesee gemoa, andi bopatotolesu moete gie gesee. ¹⁶ po dje mbo molubana nde gani gombo emi djelongane goete baiso bago, emi la baito bago, engala mbo bopae lami gesee gemoa, po djokabolesu, emi la baito bago, la baito baasina gose? ¹⁷ mungu ebegise nde mose gombo: loo lwe loabeage djetonga nde mo po dje mbo bolongane mo baiso baami la emi djelube age la lina. ¹⁸ mose ebee nde gombo: djaasembogela age, boenisemi ogenegu bwago. ¹⁹ ge ebee nde gombo, djeetisa nde olo bwami gopelo djago la djeelaisa nde gopelo djago lina liami mungu. djengala nde la botema bolo gongale age ogaadjongala lami la botema bolo la djeenisa nde ngandi gongale ogadjoelemi ngandi. ²⁰ ge ebee nde ambwale gombo: bopakoke goleta osio bwami, po dje mbo boto ogadjoletemi gosio apa uhe. ²¹ mungu ebee nde gombo: letaa, gesee ogengale gombale djai gwadjoemala age goliolo li libanga, ²² la aho adjoeta ogenegu boami djeeta nde age moete gesee ogendege libanga, la djeelupa nde age la djoogo djai ogalo adjo siidjei goeta. ²³ la gombisa djeetotola nde djoogo djaami la boleta nde boongo bwami la osio boami bopaletame.