¹ goene baito mbo mose eligele nde po dje oseloga ngolo, baito baho besongane nde gongale alona la bebegise nde ge gombo; emalaa , la tongelesu iongiaongia ogadjoenda go pelo djaiso. po dje mose ono, boto oganyenyesu go boi bo ejipito. ² alona ebegise nde bo gombo, totolei bioto bi batwi ba wolo mo batwi ba bogali baino la bana ba bolome baino, la bana baino ba bogali, la djoi lalo gongalemi. ³ lagalo baito batubu betotolende bioto bi batwi bi wolo byabo la bedjende lalo gongale alona. ⁴ ge eyambe nde wolo mo baago babo, la eyeme nde mo mo getongeli la etonge nde bona ga ngombe ogambe la baina. lagalo bebee nde gombo, mwe mongale ba toongiaongia twago, ee yisalaele, bee banyenye age moete gehuma ge ejipito. ⁵ goene alona mo geogo aapua gehumbelo gopelo dje mo la alona elaise nde gombo, apendu mongala nde gelambo gongale mungu. ⁶ beemale nde la nongonongo mo bokolo bo mbisa la behumbe nde boeba bo ohumba la bedjee nde la boeba moete gehoi. baito bengale nde se po djola laa omwa, la beemale nde po djosagela. ⁷ mungu ebegise nde mose gombo, sulugaa po dje mbo baito bago abanenese age moete gehuma ge ejipito baasidja gosegama bobangene. ⁸ baasidja gokokoga saga mondole odje lakesei bo. baasidja gotonga bona ga ngombe odja langonga la baasidja gosembogela po dje mo la gohumbela mo boeba la baabea gombo, ono eende mungu djaino, ee yisalaele, oganyenyenu go boi bo ejipito. ⁹ mungu ebegise nde mose, djaasidja goena baito bee, la letaa bengale baito ba botshwe bopia. ¹⁰ lagalo sidjeemi gombo ligege liami liongonge ambo djimbe gongale bo la isiedje bo. lagalo djetonga nde ago lisego lilene. ¹¹ mose esembogele nde mungu iongiaongia djande la ebee nde gombo, ee mugu, po dje gii ligege lyago liaongonga ambo djiimbe gongale baito bago, obanenese age go boi bo ejipito la opia bolene la djoogo djipia? ¹² po dje gii baito ba ejipito babee gombo, ge enyenyese nde bo la ko gombo alowe bo go gehuma ge ngolo la mbo asiidje bo gose? kokodjaa ligege lipia liago la kokodjaa botema molitina li obe bwe gongale baito bago. ¹³ gelegia abalayama la yisaka la yisalaele bekobe byago, bee obalapele ago molina lyago age angene, la bobegise nde bo gombo, djeelesia nde basego baino baidje ambo tosweswe to liolo, la gehuma getubu ogelakelei djeepaa nde mo moete basego baino la boudji ndi mo po dje loongo. ¹⁴ lagalo mungu ekokodje nde botema po dje litina li obe botubu obokanise ge gotongela baito bande. ¹⁵ mose ete nde igelo mbisa la geoho aaseloga ngolo la bisee biele bi geeniselo ge baago bande. bisee biaho bisiginyame mo bisee biele gombale ene emoa la gombale djasina gosiginyame. ¹⁶ bisee byaho bimbende ligwa li iongiaongia, la lisigi li iongiaongia, litinyame nde mo bisege. ¹⁷ goe yosua lolusa lo baito obambe moete ohamoga, ebegise nde mose gombo, lolusa lo bita longale mo bome. ¹⁸ ge oho aabea gombo, moti lolusa lo ota bima lo gelonga, moti ambwale lolusa lo geleli ge obunega. mongale lolusa lo bogele alongalei moowa. ¹⁹ goemale ge sagasaga mo bome la goene ge bona ga ngombe la obina owanga ligege li mose liongonge nde la geoho aata biselo bi baago gato la geoho aabuna mo gose ngolo. ²⁰ ge eose nde ambwale bona ga ngombe odjatonge bo la geoho aahetsha mo moete djiimbe la etshange nde mo la buta la geoho aapandola mo goliolo li lodje la geoho aamwesa baito ba yisalaele ²¹ mose ebegise nde alona gombo: baito bee betongele nde age loo inandi gombo boalesha obe bolene goliolo liabo? ²² alona ebee nde gombo, sidjaa ligege li ngene djai litoongonga ambo djimbe. age bolube baito bee gombo betee betema biabo bebe. ²³ po dje mbo bobegise ndemi gombo, tongelesu iongiaongia ogadjoenda gopelo djiso. po dje mbo mose ono, boto aganenesesu go boi bo ejipito totimoluba imbaimbo loo inandi lo kbela ge. ²⁴ djebegise nde bo go mbo, obabate wolo batotole mo, lagalo bepeendemi mo la emi oho aata mo gato go djiimbe la bona ga ngombe oganene lo. ²⁵ goene mose gombo baito betonge nde lopindi (po dje mbo alona etiende bo gotonga bobulu la beudje nde osaboga mo baiso ba obatia belemba bo), ²⁶ lagalo mose eemale nde mo gegwe ge likumbo la ebee nde gombo: imbai ndi angale boto ga mungu adje gongalemi. lagalo bana ba bolome ba lewi besangane nde gogande. ²⁷ ebegise nde bo gombo, mungu iongiaongia dji yisalaele aabea galo gombo; boto la boto abunde lihamba lyande mo gesegese la aetee bisee la bisee, la gegwe la gegwe goeta likumbo, la boto la boto alowe bogolo boli bwande bo golome la tomba djaande la bogali gaande, ²⁸ bana ba bolome ba lewi betonge nde gelenge gemoa ogalo abee mose, la baito bengbe nde mo bokolo bwaho bolome koto iseso. ²⁹ mose ebee nde gombo, bwaina bwasiidji gotonga lotomo lwino lotubu po dje mungu, po dje mbo djoogo dji boto la boto djaalona la bona golome gande geangene la bogolo la boli bwande pendja, molitina li gombo mungu apeenu gemengi bwaina. ³⁰ mo bokolo bo mbisa mose ebegise nde baito gombo: enu boatongi obe bolene, la ogiogi djengale molila gongale mungu. imbaimbo djeekoka nde goudja omesegidja goete obe bwino. ³¹ lagalo mose ebinoge nde gongale mungu la ebee nde gombo, ee, baito bee baatonga obe bolene. baatongela bo bangene iongiaongia dji wolo. ³² la ogiogi, engaambo boolemba gomesegidja obe bwabo; la mbo mongala mbo ati galo djaasembogela age gombo bototole lina liami goete bokanda bwago abosiginye age. ³³ mungu ebinogesele nde mose gombo, imbai mbo ndi atongelei lisumu, ge engale boto ogadjototolei goete loasi loami. ³⁴ la teaa ogiogi la endishaa baito bee go gesee ogebegishe djebegisha age. letaa,andjelu bwami edjande gopelo djaago. lagalomo bokolo bo nongo djeepaa nde bo nongo po dje lisumo lyabo. ³⁵ mungu etobe nde baito batubu po dje mbo betonge nde bona ga ngombe gi atonge alona.