¹ mungu ebegise nde mose gombo: ² letaa djasiidja gota besalele bona bona golome ga uli, bona ga hulu, molisego li yuda, mo lina, ³ la djaasiidja godjalisa ge la boenda bo iongiaongia la bweli la ogolotanya la oluba la bweli bo bagwa batubu, ⁴ po djogelegia bagwa balo la po dje bagwa ba wolo la palata la gekeko ⁵ la po djotinya babanga boandana la po djotinya basigi mo ikoko, la po dje bagwa ba bilenge bitubu. ⁶ letaa djaasidja gopona oholiaba la ge molilongo, bona golome ga ahisamaka mo lisego li dani. djaasidja gopaa bweli mo baito ba bweli gombo batonge mo gotubu mwasilei golakela age mo gombo, ⁷ hema dje koyangana la liuta li geeniselo molongane la nganji goliolo li mo la biya bitubu goete hema, ⁸ la mesa la bisaleli bi mo la geseelo ge lotambe bwelu la bisaleli bi mo mo lilongo, la gehumbelo ge paka la malasi, ⁹ la gehumbelo ge boeba bohumba la bisaleli bi mo gotubu gesee gemoa, la gepuelo la geemaelo ge mo ¹⁰ la tulu odjitongame la bweli la tulu dji bwelu po dje kanga alona la tulu dji bana ba bolome bande po dje ligwa liabo li kanga, ¹¹ la baina boetsha la paka dje malasi dje liipu lilo po dje gesee ge loongene. botonga nde gelenge getubu ogalo alakele djeelakela age. ¹² mungu ebegise nde mose gombo: ¹³ begisaa baito ba yisalaele gombo, bobateli ndi losigo lwai lo oogoma po dje mbo mongale gelembo goete djai la enu basego baino batubu gombo bolubei gombo emi mungu dje peendenu luuma. ¹⁴ bobateli ndi sabata po dje mbo mo mongale gwelu po djino. imbaimbo ndi adjosega mo elowama nde.imbaimbo ndi adjotonga ligwa amo etotolama nde mwete baito bande. ¹⁵ ligwa litongama nde po dje bekolo liambe, la bokolo bo bosambale mongale sabata po dje oogoma, bwelu gongale mungu. imbai ndi adjotonga ligwa mo bokolo bo sabata elowama nde. ¹⁶ momo angale mbo baito ba yisalaele bebatela nde losigo lo sabata okengela Kosovosabata, okengela losigo lo oogoma moete basego babo batubu ogi angale oimiliama bo loongo. ¹⁷ mongale gelembo ge loongo goete djai la baito ba yisalaele gombo mungu etonge nde goliolo laa gehuma moete bekolo liambe, la mo bokolo bo bosambale eogome nde la ge oho audja opia. ¹⁸ aho asiidje ge gobegisha mose goliolo li ngolo dje sinai, epee nde ge bisee biele bi geeniselo ge obala, biogomelo bi babanga obasiginye bo la isangana dji iongiaongia.