¹ botonga nde gehumbelo po djohumba paka la malasi. botonga nde mo la ikoko dji kasia. ² osa bo mo bongala nde boonde bomoa la olene bo mo boonde bomoa. mogelana nde bisee binei, la mosanda bo mo mongala nde beonde bele. seba dji mo djingala nde gesege gemoa ge mo. ³ boolupa nde mo la wolo lolo, goliolo li mo la go ngonga dje mo bisee bitubu bi seba dji mo. botonga nde ambwale bolelo bo wolo bo olingia mo. ⁴ botonga nde mepete be wolo bele po dje mo, booanda nde mo gose bolelo bo mbale djele. moletana nde la mongala nde la bibundelo po dje tokoko twele la getoelo gemoa. ⁵ botonga nde ikoko djaaho la kasia la boolupa nde mo la wolo. ⁶ botaande mo gopelo tulu go ngonge sanduku dje geeniselo, gopelo dje mbo molongane la nganji goliolo li geeniselo; go adjouganesu laago. ⁷ alona ehumba nde pakala malasi dje liipu lilo goliolo li mo. ehumba nde mo bekolo betubu la nongo aho adjolonganya ge tambe, ⁸ la aho adjoongisa alona tambe dji liolo ehumba nde mo, paka la malasi dje loongo gopelo mungu dje basego batubu. ⁹ bopahumbe paka la malasi mo gelenge geasina goliolo li mo, la ati boeba boohumba, ati boeba bo ola, la bingobela boeba bo omwagoliolo li mo. ¹⁰ alona epaa nde mbondi goliolo li seba dji monemoa moete gelanga gemoa. epaa nde baila ba boeba bo lisumu po dje mbondi po dje mo mbala emoa moete gelanga gemoa moete basego baino batubu. moete la olo po dje mungu. ¹¹ mungu ebegise nde mose gombo, ¹² aho adjotonga age baito ba yisalaele, boto la boto efutela nde mungu gokakolama po djaande pendja gee geadjobala bo litina li gombo loo lo bogasa lotogwela bo aho aadjobala age bo. ¹³ boto la boto aeta moete obabale lo, epaa nde ndambo dje sekele, la gelenge ge sekele mo gesee gelo (sekele emoa egelane la gela betuku bele. epaa nde ndambo dje bioto bi sekele ambo beeba be mungu. ¹⁴ boto la boto etangame imbaimbo bilanga biande biasila ogelana betuu bele, epaa nde boeba gongale mungu. ¹⁵ baudji bapapee oeta ba sekele ndambo, la mbo obatia bengale baudji bapadjange gogelanya mo, aho adjopeenu boeba bo mungu ambo mbondi po djino pendja. ¹⁶ boosa nde bioto bi mbondi dje baito ba yisalaele la booganyela nde bo po dje ligwa li hema dje koyangana, mo litina li mbo mungu akanise baito ba yisalaele la po djopaa mbondi djino pendja. ¹⁷ mungu ebegise nde mose gombo, ¹⁸ botonga nde gepueloge gekeko ambwale la geemaelo ge mo ge gekekoambwale po dje opula. bwemalisa nde mo goete hema dje koyangana la gehumbelo, la botaa nde badje goeta dje mo, ¹⁹ gombo alona la bana bande ba bolome basogole baago laa baolo. ²⁰ gwadjogota bo go hema dje koyangana, la goadjoiga bo bagudje gehumbelopo djotongela, po dje ohumbaboeba bo djimbe gongale mungu, bepulande mo badje gombo batongba. ²¹ bepula nde baago la baolo gombobatosinga. mongala nde bobeko bwabo po dje loongo, laa ge laa bana bande la basego babo batubu. ²² mungu ebegise nde mose gombo; ²³ osaa bia bi malasi obiete la olo biye: bioto bi ba sekele bekama tano la mola oboalangoga, la djei ndambo dje olito la kinamomo, mongale la ba sekele bekama bele la betuu tano, la bekama bele la betuu tano dje bolii bo loongene; ²⁴ la kase dje bioto ba sekele bekama tano mo gelenge ge bioto bi sekele mo gesee ge geelu, himi bomoa bo baina ba bilanga. ²⁵ po dje mwe gotubu botonga nde baina baelu po djoetsha, mosongane la bweli bo botongi bo malase. mongala nde baina baelu boetsha. ²⁶ moete baina be boetsha nde hema dje koyangana la liuta li geeniselo. ²⁷ la mesa laa bitongelo bi mo gotubu la getelo ge mwinda la bitongelo bi mo la bihumbelo bi paka la malasi. ²⁸ la gehumbelo ge boeba bo ohumba la bitongelo bitubu bi mo la gepuelo la idjolo djimoa. ²⁹ boopa nde mo luuma gombo mo moete la bwelu, lambo imbai gea inandi getole mo gengala nde geelu. ³⁰ boetsha nde ambwale alona la bana bande ba bolome, la bobulisa nde bo gombo batongelei ambo djakanga. ³¹ bobegisa nde baito ba yisalaele gombo, mwe mongala nde baina baai baelu po djoetsha moete basego baino batubu. ³² mo mobelega nde mo bindo obitia bingale bi boto gasina, la botonga nde baina baasina obatia bengale gelenge gemoa la mo mongale gwelu la mongala nde gwelu po djaino. ³³ engala mbo indi adjotonga mwasina gelenge gemoa la mo imbaimbo indi adjota mo gongale boto gasina etotolama nde goete baito bande. ³⁴ mungu ebegise nde mose gombo, osaa bia bi malase la sekateke la olika la kalabone la biya bi malasi la paka dje malasi baelu gesee gemoa, bisege bi biya obiadjogelana. ³⁵ botongela nde mo paka la malasi odjibwanyame la bweli bo botongi bo malase, mobwanyame ambwale la bonana, bwelu la loongene. ³⁶ botshwanga nde djei ndambo dje mo boke la moguwe, la boosela nde ndambo dje mo gopelogeeniselo goete hema dje koyangana go adjouganelesu laago. mweta nde lolo po djaino. ³⁷ po dje malasi obadjotonga age, botongindi mo mo gelenge ogetia gengale gino pendja, mo mongala nde mo baiso baino ba bwelu gongale mungu. ³⁸ imbai mbo indi adjotonga mo mogelenge giye po dje malasi, etotolama nde goete baito bande.