¹ lagalo botongela nde bo mbeo djee po djobulisa bo gombo batongelei ambo djakanga. osaa bona ga ngombe dje bolome la pate dji bolome baele abatia bengale babe, ² la tokuma atoti la djimbe la bekate obeti la djiimbe la mobwanyame la baina, la bekate beke obedjange djiimbe begilitshame la baina. botonga nde mo la fulo dje basangu obatshangame djeikee. ³ botande mo gotubu goete gekolo gemoa la boodjande la ngombe dje bolome la ba pate dji bolome baele. ⁴ boodja nde la alona la bana bande ba bolome go gegwe ge hema dje gesonganelo, la boopula nde bo la badje. ⁵ boosa nde tulu la bobatisa nde alona kasaka la tulu dje sa dje efode la efode la libenga la booanda nde mo gesegese geande la bolii bo efode obotongame la bweli. ⁶ bota nde tulu dje botshwe mo botshwe bwande la botande ikoti dji loongene goliolo li tulu dje botshwe. ⁷ boosa nde baina boetsha la boobela nde mo mobotshwe bwande la boetsha nde ge. ⁸ gombisa boodja nde la bana ba bolome bande la bobatisa nde bo kasaka, ⁹ la booanda nde bolii mo bisegese biabo, alona la bana babo ba bolome, la booanda nde bikoti byabo, la bokanga bwabo po dje bobeko bo loongo. lagalo boogotsha nde alona la bana bande ba bolome moete ligwa. ¹⁰ lagombisa boodja nde la ngombe dje bolome gopelo dje hema dje koyangana, alona la bana bande ba bolome belalisa nde baago babo go botshwe bo ngombe dje bolome; ¹² la boosa nde djei ndambo dje baila ba ngombe la botaa nde mo moete seba dji gehumbelo ge isangana djago la boobela nde baila obadjotiala gose gehumbelo. ¹³ boosa nde baina ba bioo batubu la gesege geke ge bindo bi golome la bipimelo biele bi baina baaho gesee gemoa, la bohetsha nde mo goliolo li gehumbelo. ¹⁴ la bonugu bo ngombe la logogo lo mo la tobi to mo bohetsha nde mo mo djimbe golusa bo molako. mongale boeba bobe bo lisumo. ¹⁵ gombisa boosa nde bolome bo pate bomoa, la alona la bana bande ba bolome belalisa nde baago babo gotie botshwe bo pate djaho, ¹⁶ la boloa nde bolome bo pate djaho la boosande baila ba pate djaho botaa nde mo mo gehumbelo golingia mo gotubu. ¹⁷ lagombisa bootinya nde bolome bo pate bisege la bosogola nde bioo la baolo, la botaa nde mo gesee gemoa la bisege la botshwe bo mo, ¹⁸ la bohetsha nde bolome bo pate bwaho botubu goliolo li gehumbelo. mongale boeba bo ohumba po dje mungu. mongale loongene olo, boeba bo djiimbe po dje mungu. ¹⁹ boosande pate dje bolome djasina, la alona la bana bande ba bolome belalisa nde baago babo go botshwe bo pate. ²⁰ la boloa nde pate djaho la boosande ndambo dje baila ba mo botaa nde mo songe dje litui mo djogo dji bolome dji alona, la go songe dje batui dje baago ba bolome ba bana ba bolome bande, la baganda balene ba baago babo ba bolome la baganda balene ba baolo babo ba bolome.ndambo dje baila obangotiala botaa nde mo go gehumbelo oge olingela mo. ²¹ la gombisa boosa nde ndambo dje baila obangale goliolo li gehumbelo la ndambo dje baina boetsha, la botaa nde mo gongale alona la tulu djaande la bana bande ba bolome la tulu djaabo gesee gemoa ande. ge engala nde mo loongene la tulu djaande, la bana bande la tulu djaabo gesee gemoa la ge. ²² boosa nde ambwale ndambo dje baina ba pate dji bolome la baina ba boali la baina obalupe bioo la bisege bike bi bindo bi bolome la betua bele be baina ba mo gesee gemoa. la gebelo ge golome po dje mbo mongale pate dje obulisa. ²³ boosa nde ambwale ikuma djimoa la bokate bomoa la baina la bokate boke bomoa ototoga go bolumba bo tokuma ototi la djiimbe gopelo dje mungu. ²⁴ botaa nde mo gotubu mo baago ba alona la mo baago ba bana bande ba bolome,la boomotsha nde mo ambo boeba bogulumesa gopelo mungu. ²⁵ la gombisa boosa nde mo moete baago babo la bohetsha nde mo goete gehumbelo ge goliolo li boeba bo bohumba, po dje liipu li lo gopelo mungu. mongale boeba bo djimbe po dje mungu. ²⁶ boosa nde gegwa ge pate po djobulisa alona la boogulumisa nde mo ambo boeba booguluma gopelo dje mungu. mo mongala nde ndambo po djino. ²⁷ bobuisa nde ambwale gegwa ge boeba booguluma la ebelo bo gesege po dje djakanga mo mogulumisa nde, la mopaama nde ogalo ototoga go pate djobulisa, po djembo mongale po dje alona la bana bande ba bolome. ²⁸ mo mongala nde po dje alona la bana bande ba bolome ambo nongo dje loongo dje baito ba yisalaele, po dje mbo mongalendambo po dje djakanga mopaama nde la baitoba yisalaeleototoga go boeba bwabo moete gehoi. mongale boeba bwabogongale mungu. ²⁹ tulu dji loongene dji alona djingala nde po dje bana bande gombisa djaande gombo bagilitshame goete dje mo la babulisame goete dje mo. ³⁰ bona ogadjongala kanga mo gesee geande ebata nde mo moete bekolo bosambale aho adjogota ge gohema dje koyangana po djotongela goete gesee ge loongene. ³¹ boosa nde pate ye bolome po djobulisama la bolamba nde bonugu bo mo mo gesee ge loongene. ³² la alona la bana bande belaa nde bonugu bo pate la tokuma moete gekolo gombale bome bo hema dje koyangana. ³³ belaa nde bia bi mbondi po dje ogotsha bo moete ligwa la obulisa bo, la boto gasina apakoke gola mo po dje mbo bingale bi loongene. ³⁴ engala mbo djei ndambo dje bonugu po djogotsha goete ligwa, too djei ligilima li tokuma litiale tee la nongo, andi bohetsha nde mo moadjotiala mo djiimbe. mopalame po dje mbo mongale gwelu. ³⁵ botonga nde galo gongale alona la gongale bana bande ba bolome, ogalo asilemi golakela bo. bekolo bosambale boogotsha nde bo goete ligwa, ³⁶ la bokolo la bokolo boohumba nde ngombe dje bolome ambo boeba bo lisumo po dje obe. boohumba nde ambwale boeba bo lisumu po dje gehumbelo aho adjopaa age mbondi po dje mo, la boogilitsha nde mo po djobulisa mo. ³⁷ boopande mbondi po dje gehumbelo la bobulisa nde mo bekolo bosambale, la gehumbelo gengala nde gelo. bia bitubu obiadjotolama go gehumbelo bingala nde bi loongene. ³⁸ momwe boohumba nde mo goliolo li gehumbelo gombo; bana ba pate baele ba gelanga gemoa, bokolo la bokolo bekolo betubu. ³⁹ boohumba nde bona ga pate omoa la nongo, la bona ga pate djasina boohumba nde la liolo. ⁴⁰ boopaa ndambo dje liu la efa la fulu odjatshangame lo djeikeike mobwanyame la ndambo dje inei la himi la baina obatshwame la ndambo dje inei dje himi dje vinyo ambo boeba bo omwa gesee gemoa la bona ga pate ga pelo. ⁴¹ boohumba nde bona ga pate djasina liolo, la bona ga pate mo bolongo boopa nde boeba bo ola la boeba bo omwa lalo, gelenge gemoa la nongo, po dje liipu li lo, la boeba bo djiimbe po dje mungu. ⁴² mongala nde boeba bo ohumba loongo moete basego baino batubu gombale bome bo hema dje koyangana gopelo mungu, go adjouganesu laago po dje obea laino. ⁴³ emi djuugana nde la baito ba yisalaele, la mobulisama nde la bwelu bwai. ⁴⁴ emi djeebulisa nde hema dje koyangana la gehumbelo, la djeebulisa nde alona la bana bande ba bolome gombo batongelei ligwa ambo djakanga. ⁴⁵ emi djeengala nde se moete baitoba yisalaele la emi djeengala nde iongiaongia djaabo. ⁴⁶ bo ambwale beluba nde mbo emi djende ngene iongiaongia djabo, oganyenye bo goete gehuma ge ejipito gombo ingalese moete djaabo. emi djende ngene iongiaongia djino.