¹ botonga nde gehumbelo ge ikoko dji kasia. osa bo mo bongala nde beonde betanu la olene bo beonde betano. gehumbelo gegelana nde bisee binei, la mosanda bongala nde la beonde beseso. ² botonga nde seba po dje mo golio li mo monei. seba djengala nde go gehumbelo gesege gemoa, la boolupa nde mo la gekeko. ³ botanga nde liuta po dje buta la pao la saani la kanya la liuta li djimbe. botonga nde mo gotubu la gekeko. ⁴ botonga nde gea ge olingya gehumbelo ambo bonama obologame la gekeko. botonga nde mepete be bikeko binei po dje baiyo banei ba bonama boaho. ⁵ botaa nde mo gose bolelo bo gehumbelo ge gelenge gembo bonama bosuluge se goiga moeta laeta bo gehumbelo. ⁶ botonga nde ikoko dji kasia po dje gehumbelo la boindja nde mo la gekeko. ⁷ ikoko djaho djetisama nde moete mopete bo gelenge gembo ikoko djingale la mbale djele dje gehumbelo aho adjotola bo mo. ⁸ botonga nde mo la babadja la boosidja nde mo bwasi moeta la eta ambo ogalo aenisame age goliolo li ngolo. motongama nde galo. ⁹ botonga nde geamba ge likumbo. la gombale dje mbole likumbo lietongama nde la tulu dje hembe odjatongame la busi dje ke. osa bo mo bongala nde la beonde bokama gombale emoa. ¹⁰ bisigo bingala nde betuu bele la biemaelo betuu bele abitongame la gekeko, la mbo lilango li bisigo la tokoko goete dje mo bitongama nde la palata. ¹¹ lagalo po dje osa bo geamba gombale dje liolo tulu djengala nde beonde bokama la osa la bisigo bi mo betuu bele la biemaelibi mo betuu bele bitongame la bikeko, la mbo lilango li bisigo la tokoko goete dje mo motongama nde la palata. ¹² tulu djingala nde djisa beonde betuu tano po dje olene bo geamba gombale dje gelimegelo ge bwina, la bisigo bingala nde liu la biemaelo liu. ¹³ olene bo geamba gopelo go genenelo ge bwina mongala nde beonde betuu tano. ¹⁴ tulu dji mbale emoa dje bome djingala nde beonde liu la tano, la bisigo biseso la biemaelo biseso. ¹⁵ gombale djasina dje bome tulu djiindja nde la beonde liu la tano, la bisigo biseso la biemaelo bisaso. ¹⁶ tulu dji beonde betuu bele la osa, la motongame la pili dje bwelu la bwilo la dje ndelu la bolikani odjatongame la busi dje ke, motongame la osola mongala nde po dje bome bo geamba. mo la bisigo binei la biemaelo binei. ¹⁷ bisigo bitubu bi lopango biandama nde la palata. lilango limo lingala nde la palata la biemaelo bi mo biengala nde la bikeko. ¹⁸ osa bo lopango bongala nde la beonde bokama la olene bo mo beonde betuu tano la mosanda bo mo beonde tano, la motongama nde mo tulu dje bolikani obotongame la busi boke, la mongala nde la biemaelo bi gekeko. ¹⁹ bitongelo bitubu bi likumbo, imbai mbo ligwa limo gii, la bolelo bo mo gotubu la bolelo bo lopango botubu botongama nde la gekeko. ²⁰ boolakela nde baito ba yisalaele gombo badje la baina balo ba bilaya obatshangame po dje lotambe, mo litina li mbo lotambe lokoke gotaama po dje oonga loongo. ²¹ alona la bana bande ba bolome bebatela nde hema dje geuganelo ge golusa odje tulu dje pelo geemelo, ototoga lotigo kino la nongo gopelo dje mungu.mo mongala nde bobeko po dje loongo gombo baito ba yisalaele baimilie mo moete basego babo batubu.