¹ botonga nde gekeko , la botonga nde tulu liu dji molikani odjitongame la busi boke la tulu djiilo la bwelu bwilo la ndelu. botonga nde ambwale bakeluba ba mo la bweli bolo. ² osa bo tulu djaho momoa momoa mongala nde beonde betuku bele la mwambe la olene bo mo beonde benei. tulu djaho djitubu djengala nde ogelana la la olene laa osa. ³ tulu djitano djeandama nde gesee gemoa, la djitanu djaasina djiandama nde gesee gemoa. ⁴ botonga nde bolii la bapoolo ba pili mo bonywa bo tulu odje lio li tano odjaandame gesee gemoa. botanga nde bolii la bapoolo lagalo mo bonywa bo tulu dje lio li bitano biasina biandane gesee gemoa. ⁵ botonga nde bolii la bapoolo betuu tano be tulu emoa la bolii bo bapoolo betuu tano goliolo li tulu dje djele. belii beaho beletana nde. ⁶ botonga nde bibundelo betuu tano be wolo, la booanda nde tulu djaho gesee gemoa mo bibundelo bi mo gombo gekeko gengae gea gemoa getubu. ⁷ botonga nde tulu dji bepuu be taba po dje luuma lo goliolo li gekeko. botonga nde tulu liu la emoa. ⁸ osa bo tulu emoa emoa bongala nde la beonde betuu besaso, la olene bo mo bongala nde beonde benei. tulu djaho liu la gemoa djigelane la olene laa osa. ⁹ boanda nde tulu itano gesee gemoa la tulu liambe gesee gemoa, la tulu dje liambe boobwanya nde gopelo luuma. ¹⁰ botonga nde bolii bo bapoolo betuu tano mo bonywa bo tulu go lio li tulu yitanu, la bolii bo bapoolo betuu tano mo bonywa bo tulu dje lio li tulu liambe. ¹¹ botonga nde bibundelo bi bikeko betuu tano la boogotsha nde bibundelo goete bapoolo la booanda nde likumbo gesee gemoa gombo mongale gea gemoa getubu. ¹² ndambo odjadjotiala go tulu dje likumbo moandama nde go lio li likumbo gombisa. ¹³ boonde bomoa gombale emoa la boonde bomoa gombale djasina, moetela nde la osa bo tulu dje bokondi, moandama nde gombale dje likumbo, la gombale ene la gombale djaho gombo molupe mo. botonga nde gea geolupa go liolo li bokondi, motongama nde la ngogo odjilongane la bapate dji bolome la taba dji bolome. ¹⁵ botonga nde kadele la ikoko dji kasia gombo moemale po dje likumbo. ¹⁶ osa bo kadele djaho bongala nde beonde liu la olene bo mo bongala nde ambo boonde bomoa la ndambo. ¹⁷ bisigo biele bingala ndegoete kadele emoa la emoa moandame la toato babadja abaete goeta dje mo. botonga nde galo po dje kadele djitubu dji likumbo. ¹⁸ botonga nde kadele betuu bele po dje likumboli gombale dje mbole. ¹⁹ botonga nde ambwale biemaelo bi palata betuu benei gose dje kadele djaho betuu bele , biemaelo biele gose kadele emoa po dje bisigo biele bi mo. ²⁰ botonga nde ambwale kadele betuu bele po dje gombale dje biele dje likumbo, gombale dje liolo, ²¹ la biemaelo bi mo la palata betuu benei biemaelo bielegose kadele emoa la biemaelo biele gose kadele djasina. ²² botonga nde kadele liambe gombisa dje likumbo gombale dje gelimegelo ge bwina. ²³ botonga nde kadele djele gombo djingale go lio li likumbo gombisa. ²⁴ mosegana nde gose la mbo moandama nde go liolo gombale lopete lo pelo. mongala nde galo moete mo gotubu mwele, mongala nde po dje baiyo ba mo baele. ²⁵ kadele bonaani djingala nde ambwale biemaelo bi mo la palata liu la liambe; biemaelo biele gose kadele emoa la biemaelo biele gose kadele djasina. ²⁶ botonga nde tokoko tosa to kasia. ²⁷ tokoko totanu tongala nde po dje kadele gombale emoa dje likumbo, la tokoko totanupo dje kadele gombisa dje likumbo gombale dje gelimegelo ge bwina. ²⁸ ikoko dji etalaeta dje kadele, djitotoga nde go lio djimoa ambwale dji ngala nde go lio li mwasina. ²⁹ boolupa nde kadele djaho la wolo la botonga nde mepete be mo la wolo ambo bibundelo bi tokoko, la boolupa nde ikoko djaho la wolo. ³⁰ boemalisa nde likumboliaho mo gelenge ogeenisame ago go liolo li ngolo. ³¹ botonga nde tulu djaho la pili la dje bwelu o bwilo la bwelu dje hembe odjatongame la busi boke. motongama nde la bweli bo bakeluba botongama nde la mo. ³² booandanisa nde mo la bisigo binei bi tokoko to kasia otoindjame la wolo la mongala nde la lilango li wolo la moemala nde mo biemaliselo bi palata. ³³ booanda nde tulu djaho mo bibundelo la boodja nde la liuta li geeniselo gombisa dje tulu. tulu djaho eseganya nde po djaino moete gesee ge loongene. ³⁴ botaa nde gengaelo ge nganji goliolo li liuta li geeniselo goete gesee ogeete la loongene. ³⁵ botaa nde ambwale mesa gopelo dje tulu, la getelo ge lotambe gombale dje mbole dje likumbo oletana la mesa, la botaa nde mesa gombale dje liolo. ³⁶ botonga nde ambwale tulu po dje bonywa bo bokondji. tongaa mo mopili la mogwelu bwilo la mogwelu bo hembe obotongame la busi boke, obodjeme bo la osola. ³⁷ botonga nde bisigo tano bi kasia po dje tulu la boolupa nde mo la wolo. lilango li mo litongama nde la wolo, la botonga nde biemaelo bi mo bitanu bi gekeko po dje mo.