¹ mungu ebegise nde mose gombo, ² begisaa baito ba yisalaele gombo, baose bakabo po djai. booyambindi bakabo po djai la boto la boto ogaadjopa la botema bolo. ³ boeba abonguudjage gongale bo mongale mwe gombo, wolo la palata la motako, ⁴ la tulu dji pili la mogwelu la odje ndilo la odje bolikani odjatongame la basea bake la bepuu be taba, la mboso dji pate dji bolome djilonganyamende la ngogo dji taba la tokoko to kasia. ⁶ la baina po dje lotambe la biya bi malasi po dje baina boetsha la po dje mpaka la lipu li lo, ⁷ la babanga ba sosana la babanga boanda la efode la litunga. ⁸ sidjaa batongelei gesee geelu gombo djingalese moete djaabo. ⁹ botongande likumbo la biya bitubu goete dje mo gelenge gemoa geadjoenisa djeenisa age. ¹⁰ betonga nde liuta li ikoko dji kasia. osa bo mo bongala nde ambo be onde bele la ndambo la olene bo mo ambo bonde bomoa la ndambo la ogwe bo mo ambo boonde bomoa la ndambo, ¹¹ boolupa nde mo la wolo lolo goeta la golusa, la botonga nde bolelo bo wolo la olingia mo. ¹² la bokulande mepete benei be wolo po dje mo la booandande mo mo baolobanai ba liuta, mepete bele gombale emoa la mepete bele gombale djasina. ¹³ botonga nde tokoko tosa twele la tokoko to kasia, la boolupa nde mo la wolo. ¹⁴ botaa nde tokoko tosa goete mepete gombale liuta po djotola liuta liaho. ¹⁵ tokoko tosa totialande goete mepete pe liuta, la mopatotoge goete dje mo. ¹⁶ botaa nde genelo ogi adjopaa djeepa age goete liuta. ¹⁷ botonga nde mbo molongane la nganji ye wolo lolo. osa bo mo bongala nde beonde bele la ndambo la olene bo mo bongala nde boonde bomoo la ndambo. ¹⁸ botonga nde bakeluba baele ba wolo. botonga nde mo la wolo odjaatobama, golio mwele la molongane la nganji. ¹⁹ tongaa keluba emoo go lio emoa ambwale keluba djasina go lio liasina. botonga nde mo molongane la nganji la bakeluba go lio li mo, mo gotubu mo gesege gemoa. ²⁰ bakeluba beesande bapapu liolo, gombo bapapu baisame balongane la nganji, la beletana nde osho la osho. basho ba bakeluba beleta nde gombale gwadjolongana la nganji. ²¹ botaa nde molongane la nganjigoliolo li liuta, la botaa nde geeniselo ogiapaa djeepa age goete liuta. ²² emi djeugana nde ago ho, la djeesolola nde laago ototoga go liolo la molongane la nganji goete bakeluba baele bengale go liolo li liuta li geeniselo. emi djeesolola nde laago loo lwaho lotubu oloadjopaa djeepa age bebeko po dje baito ba yisalaele. ²³ botonga nde mesa be oleela mo ikoko dji kasia. osa bo mo bongala nde ambo beonde bele la olene bo mo boonde bomoa la mosanda bo mo boonde bomoa la ndambo. ²⁴ boolupa nde mo la wolo lolo, la bolingia nde mo mo bolelo bo wolo. ²⁵ bolingia nde mo goete djei lopango, lolene ambo besangala benei, la boinegela nde mo djei lopango lwaho mo bolelo bo wolo. ²⁶ botonga nde mepete be wolo benei, po dje mo, la boanda nde mepete byiaho go lio yinei go baolo banei ba mo. ²⁷ mepete belala nde go ngonga e djei lopango po tokoko atosa tosa totola nde mesa be oleela. ²⁸ botonga nde tokoko tosatosa toaho la tokoko to kasia la boolupa nde mo la wolo, la botola nde mesabe tokokotosatosa toaho. ²⁹ botonga nde saani dje mo la kopo dje paa la mbilika la saani djilene djobela boeba bo obela. botonga nde mo la wolo lolo. ³⁰ botande ikuma odjitandje bo gotie mesa gopelo djai seko. ³¹ botonga nde getelo ge lotambe ge wolo gelo. iyolo dji mo la gesigo ge mo djitobama nde. kopo dje mo la djuma dji mo la fulele dje mo djingala nde mo gotubu gesee gemoa. ³² betii liambe binena nde go ngonga dje mo, beti besaso mo getelo ge lotambe benena nde gombale emoo la betii besaso mo getelo ge lotambe binena nde go mbale djasina la mo. ³³ kopo isaso itongame ambo djuma dji amanade gesee gemoa la djuma la fulele goliolo li boti bomoa, la kopo djiseso adjitongame ambo djuma dji amanade la djuma gesee gemoa la fulele goliolo li betii beasina ogalo ambo beti liambe obinene mo getelo ge lotambe. ³⁴ kopo djinei djaatongama ambo tuma to amanade la tuma gesee gemoa la fulele djingala nde goliolo li gesigo ge geseelo ge lotambe, ³⁵ la djuma djimoa djingala nde gose beti bele, la djuma djimoa djaasina gose beti bele beasina, ogelana la beti liambe bianena go getelo ge lotambe. ³⁶ tuma to mo la beti be mo bingala nde gesege gemoa. mo gotubu mongala nde gesege gemoa motobame la wolo lolo. ³⁷ botonga nde tambe bosambale po dje mo.tambe djetaama nde mo gelenge ge mbo moonge gombale dje pelo. ³⁸ mangato ba mo la saani dje gelongo motongama nde la wolo lolo. ³⁹ mo motongama nde la biima abia bi mo gesee gemoa, la talata emoa dje wolo. ⁴⁰ ngalaa la liange gombo botonge mo gelenge gemoa ambo geeniselo geenisame ago goliolo li ngolo.