¹ iongiaongia ebegese nde mose gombo, lilaa gongale ngene, age laa alona la nedaba la abihu la bogolo ba yisalaele betuu bosambale, la bosembogeei go gola. ² mose geangene eemala nde go pelo ngene, la mbo baasina bapaemale la baito bapalile laande gesee gemoa. ³ mose eigende la ebegisende baito baogi ba mungu batubu la bebeko betubu, la baito batubu beesende la liogi limoa gombo totongela nde moabee mungu motubu. ⁴ mose esiginye nde baogi ba mungu batubu. ge ambwale etotoge nde nongo nongo la epwese nde gehumbelo gose ngolo, la bisigo liu la biele po dje basego liu la baele ba yisalaele. ⁵ ge etome nde bana ba bolome goete baito ba yisalaele gombo baganyele mungu boeba bo gehoi bo bangombe dji bolome. ⁶ mose eose nde ligilima li baila geogo aata mo saani, la geogo aata ndambo djasina goete gehumbelo. ⁷ gombisa ge eose nde bokanda bo gendimaneli la geogo aabaela baito baho, la bo bebee nde gombo, totonga nde moabea age motubu,la toimilia nde mo. ⁸ mose eose nde baila la geogo aabela mo goliolo li baito, la ebee nde gombo, letaa baila ba gendimaneli obotonge mungu djino gelenge gemoa la baogi bee batubu. ⁹ lagalo mose la alona la nadaba la abihu la bogolo ba yisalaele betuku bosambale belilende, ¹⁰ la beene nde iongiaongia dji yisalaele. la gose dje baolo bande bembende ambo getando ogembe go safili, ongenga bo mo ambo go lola. ¹¹ ge atite djoogo djande goete baito ba yisalaele ba pelo. beene nde iongiaongia la belende la be mwe nde. ¹² mungu ebegise nde mose gombo, lilaa goni engale emi goni goliolo li ngolo la lambelaa bia goni. emi ambwale djeepa nde age bisee bi otanda babanga ba bebeko la balao obasiginyei po dje lilao lyabo. ¹³ lagalo mose etotoge nde la boto gaande ga ligwa yosua gesee gemoa, la mose elilende go ngolo dje iongiaongia ¹⁴ ebegise nde bogolo gombo, lambele esu ane kino ogalo adjodjesu mbisa gongale enu mbala djasina, la letaa, alona la hulu bengale gesee gemoa laino. engala mbo boto engale la loo ae laabo. ¹⁵ la gombisa mose elile nde goliolo li ngolo, la lipata liindje nde ngolo. ¹⁶ ogenegu bo mungu bosulugende goliolo li ngolo dje sinai, la lipata liindjende mo moete bekolo bosambale la losigo lo bosambale la ge etende mose ototoga goete lipata. ¹⁷ ogenegu bo mungu bwenege nde ambo djiimbe djosiidja goliolo li ngolo mo baiso ba baito ba yisalaele. ¹⁸ mose egote nde goete lipata la elilende gotie ngolo. mose embende gotie ngolo bekolo betuku benei lotigo la loha.