² bingolingola baito baidje po djotongela obe, la gee ge osamba loo bingobea ogalo alemba baito baiye engala mbo motimbe mbeo dji loongene. ³ bingolongisa boto ga bobola po djoela ge ngandi. ⁴ engala mbo bougana la ngombe too punda dje bonguna bwago odjaalimega, boesela nde ge mbisa. ⁵ engala mbo boena punda dje bonguna bwago engale molala se la olito bwande, bopatie ge galo, lambo boosunga nde ge goemalisa ge. ⁶ bopakokodje loongene po dje litina li bobola bwago goete loo lo bwela bwande. ⁷ ngalaa gola bo loo lo bwela, la bwingoloa boto ga gelonga la boto ga loongene, po dje mbo emi ipalongise baito babe. ⁸ bopaose ambwale kanyaka po dje mbo kanyaka eloa nde baiso ba batangeli, la mosega nde loo lo baito ba loongene. ⁹ bingoisa bogenda looso. enu bwendelubi betema be begenda po dje mbo enu bombindi begenda go boi bo ejipito. ¹⁰ boologa nde gelanga moete bilanga liambe la botshwa nde tuma to mo, ¹¹ la mbo mo gelanga ge bosambale boogomisa nde mo, lambo molala nde bwasi gombo obati la gea mwete baito balee, lambo nama dji gato balee mwadjotiala. botonga nde galo mo gelanga ge basangu la go gelanga ge bilaya. ¹² botonga nde ligwa liago moete bekolo liambe, lambo mo bokolo bo bosambale boogoma nde, mo po dje mbo ngombe djaago dje golome la punda djago baogome, lambo bona golome ga bokobe bwago bo ogali, la bogenda baudje opia. ¹³ imiliei mbeo djitubu odjibegisa djebegisenu. bingotangi baina ba mungu djasina, bingosidja gombo moanee go bonywa bwago. ¹⁴ mwete gelanga gemoa botonga nde biuganelo biseso gogaami. ¹⁵ boolonganya nde gelambo ge tokuma ototi la djiimbe moete bekolo bosambale moete gesemba ogeponame moete songe, po dje mbo mo songe djaho bonene nde go ejipito. boto laa omoo apadjee gofelo djai baago bwasi. ¹⁶ boolonganya nde gelambo ge otshwa tuma , aho angotshwage djuma dji felo dji ligwa liago, aliloge age gelanga. boolonganya nde gelambo ge omoma tuma to ligwa liago. ¹⁷ moete gelanga gemoa bolome bago batubu benena nde mbala djiseso gopelo dje mungu, iongiaongia. ¹⁸ bopapee liila lyami boeba gesee gemoa la tokuma to geambe, lambo bopamame boeba bo baina baami tee la nongo. ¹⁹ boodja nde la djuma dji pelo dji gelanga giaogo goete mbeledje mungu iongiaongia djaago. bopalambe bona ga taba odjangale moloma balomi ba inango ande. ²¹ owaa ge, la imidjaa bonywa bwande la bingoemaela ge, po dje mbo lina lyami lingae goete djaande. ²² engala mbo age booa bonywa bwande lolo la botonga nde mbeo djitubu odjaselengemi, andi djeengala nde bonguna bo banguna bago la boemaeli bo baemaeli bago. ²³ boenda bwai eande gopelo djaago la egotsha nde age gongale ba amola la bahiti la bapeliji la baito ba kanana la bahiwi la bayebusi, la emi dje buna nde bo. ²⁴ bopakumise mungu djabo, too gotongela bo, too ngotonga gelenge giabo ge ligwa, la boosegesa nde bo la bobuna nde bisigi byabo bisege. ²⁵ botongela nde mungu, iongiaongia djino, la emi djepambola nde ikuma djago laa badje bago la djeetotola nde bwale goete djaago. ²⁶ ogali laa omoa apabele lieme se, la ogatia ebota apangae goete gehuma giago. emi djeekokisa nde botudja bo bebeko biago. ²⁷ djetoma nde bogasa bwami gopelo djaago, la djeepindja nde baito batubu moete bisee obiangoiga age, la djekimisa nde obatia belemba age batubu gopelo djaago, la mobitsha nde bahimi la bakanana la bahiti gopelo djaago. ²⁸ djetoma nde toboo gopelo djaago, la mobitsha nde bahimi la bakanana la bahiti gopelo djaago. ²⁹ djebitshana nde laabo batubu moete mbula laa omoa te gombo gehuma getoenega pamba la mbo nama dji gato batongala baiye, goemaela age. ³⁰ djebitsha nde bo lopogu lopogu angoiga age la baito baidje la ogalo adjokoka age goosa gehuma. ³¹ djeekoka nde ambwale gota bolelo bwago ototoga go lodje loelu kino go lodje lo bafilisitia, la ototoga go gesobe kino go gebale ge pelata po dje mbo djetaa nde baito go gehuma moete baago bago la bobitshana nde laabo gopelo djaago. ³² bopatonge oimidjana bwabo, too la mungu djabo. ³³ bopangale goete gehuma giago gombo baite age gotongela obe gongalemi, po dje mbo botongela ambo mungu djabo obe mongala nde iyangi djago.