¹ bwina abo besaso gombisa djaabo ototoga go boi bo ejipito, bana ba yisalaele biigende bo bwina go lisobe li sinai. ² gee getotoge bo go lefidimi la goige bo go lisobe li sinai, bo abafua lifete liabo go lisobe; yisalaele abangala ho, oletana la ngolo. ³ mose aga aga gongale mungu, la ngene agaata ge gotie ngolo, lage agabea laande mombo: bobea nde gai goete mbele ye yakobo, la bobeande la bana ba yisalaele mombo: ⁴ boenindi mbeo adjitonge emi go boi bo ejipito, la geni gelenge gekumbe djekumbenu gotie bafalafala ba thou la oa laino gongalemi. ⁵ lagalo ogiogi, engalambo bobateli ngela djami andi boongalindi baito baami pendja moete baito batubu, po dje mbo nele djitubu djende djaami; ⁶ la boongalindi bokondi bo kanga la amboale lisego li boelu. letaa baogi abangobea age gongale bana ba yisalaele. ⁷ mose agaata baise ba lisego, la ge agaabea bo baogi gofelo djaabo, ogalo abee ngene ebea laande. ⁸ lisego litubu abaimilia mombo: totonga nde ogalo abee mungu. mose agaalubesa baogi ba lisego gongale ngene. ⁹ la ngene agaabea la mose mombo: letaa djeedja nde gongale age moete londende lo fuii po dje mbo lisego bowe ogalo angobea dje bea laago la bangale la liofi lilo gongale age. mose agaalubesa mungu ogalo abee lisego. ¹⁰ la mungu agaabea la mose mombo: keaa gongale lisego; lubesa bo laa bwina, la lafendu, bafule tulu djabo. ¹¹ bangale tayali mo bwina abo besaso; po djembo bwina abo besaso mungu esuluga nde se mo baiso lisego litubu gotie ngolo dje sinai. ¹² bootinyela nde lisego bolelo mongonga dje ngolo, la bobea nde mombo: oleti, ingoagi mo ngolo , la ingobundi mongonge ngolo. agaangobunda ngolo engba nde. ¹³ bafate djoogo gotie djaande, kasi betoba nde ge babanga, la betuba nde lionga; nama too mbo boto, bafauhe ale. gee geangouma lilonge, besega nde se gongonge ngolo. ¹⁴ mose agaasuluga se go ngolo la ge agaa gongale lisego; la ge agaa bulesa lisego, la bo abafula tulu djaabo. ¹⁵ la ge agaa bea gongale lisego mombo: ngalei tayali moete bekolo besaso; ingosegi se gongale bogali ata omoo. ¹⁶ bwina abo besaso la nongo, logulumo aloangala, la basendeli, la londundugo lo fui gotie ngolo; la liogi li kelelo lio alia oana langandu; la lisego litubu alimbe goete geo gesee bo ababilima. ¹⁷ mose agaa nenesa lisego goete lifete, po dje godjaa gootobana la mungu; la ge agaasela bo gose ngolo. ¹⁸ ngolo dje sinai edjale nde la bogi, po dje mbo ngene esuluge nde se moete djiimbe; bo bogi boee nde liolo ogi angala bogi bo lisia li djiimbe, la ngolo tubu adjaabilima langandu. ²⁰ lagalo ngene agaasuluga se gotie ngolo dje sinai, goliolo li ngolo; mungu agaata mose gotie ngolo. la mose ge agaaga. ²¹ mungu agaabea la mose mombo: sulugaa se , lubesaa baito mombo basege se tinaina gofelo po dje oiga bo mungu mombo batsholeta, po dje mbo batshongba baidje. ²² sidjaa ambwale mombo kanga yi mungu yisege se gongale ngene, batongele ge libondja li bwasi ambwale, po dje mbo iongiaongia atoloa bo. ²³ mose agaabea la mungu mombo: lisego bafakoke oaga gotie ngolo dje sinai, po dje mbo age bolakendesu mombo totee ngolo moeta bolelo la tobulese lo. ²⁴ mungu agaabea laande mombo, sulugaa se, bo aga nde liolo laa alona gesee gemoa, sidjaa kanga dji mungu la lisego batshoaga liolo po dje mbo beande goongba. ²⁵ mose agaasuluga se gongale lisego, la ge agaabea laabo djee mbeo.