¹ yetelo, kanga dje madiani, boilo bo mose, oende mbeo yitubu itonge mungu po dje mose la yisalaele, la lisego liande ge aga oa mombo ngene enenese nde yisalaele go boi bo ejipito. ² yetelo boilo bo mose ge agaosa sepola, bogali ga mose agabinodje bo. ³ ge agaosa ambwale bana ba bolome ba sepola; omoa betangende ge lina gelesome, po dje mbo mose ebende mombo: djendengala mo boi bwambogo; ⁴ gasina betange nde ge eliesele, po dje mbo ebeende mombo: mungu dje baise baami edjele ndemi la lisungi, la etotole ndemi mo baago ba ilonde i falo. ⁵ yetelo, ise ga bogali ga mose, la bona golome la bogali ga mose bo abaa go lisobe gombe bo mongala, go ngolo dje mungu. ⁶ ge agabea la mose mombo: emi ise ga bogali gago yetelo, djaadja gongale age la bogali gaago la bana bago ba bolome. ⁷ mose agaanena go felo dje boilo bwande ge agafwa baloi se, la ge agaumbulia ge pe bo abatundjana po dje bongaeli boabo gombisa bo abaagota gose lifete li mose. ⁸ mose agatela boilo bwande mboli djitubu adjitonge ngene etonga falo go boi bo ejipito po dje yisalaele, benyoko betubu abeigele bo moete ndole, la gani auhese ngene euhesa bo. ⁹ yetelo agaasagela mo olo botubu abotonge iongiaongia gongale bana ba yisalaele, la odjitonge ge mototola bo mo baago ba baito ba ejipito. ¹⁰ la yetelo agaabea mombo: ngene akumame, agatotolenu mo baago ba baito ba ejipito la mo baago ba falo; agatotole lisego mo baago ba baito ba ejipito! ¹¹ djaaluba taambo ogiogi mombo ngene engale bolene oeta mungu djitubu; po dje mbo oili bo baito ba ejipito boakbela bo bolamene. ¹² yetelo, boilo bo mose, ge agafaa mungu libondja li ohumba. alona la bakumu batubu ba yisalaele bo abaadja goola bia la boilo bo mose, gofelo dje iongiaongia. ¹³ gombise ho, mose agaangala se po dje osambisa lisego, la lisego abangala se gehoi obanda la nongo tee la liolo. ¹⁴ la boilo bo mose agaena mbeo djitubu aimbe ge motonga po dje lisego, la ge agabea mombo: gei getonga age la lie lisego? po dje gi boende songana laabo age laene, la lisego litubu bendeemala gofelo djaago, obanda la nongo tee la liolo? ¹⁵ mose agabinogesela boilo bwande mombo: lisego beendedja gongalemi po dje gotundja mungu. ¹⁶ po dje mbo bengale la mbeo djimoa, momo adja bo gongalemi; djendeselenga laabo, la djendelubesa bo bebeko be mungu la baano bande. ¹⁷ boilo bo mose agaabea laande mombo: moatonga age moti golo. ¹⁸ age boende lembesa bindo byago age lamene, la boendelembesa lisego alingale laago; po dje mbo mbeo djengale djifia, bofakoke olonga djo age laene. ¹⁹ ogiogi oei liogi liami; djaadjofaage baano, la mombo mungu angale laago! ngalaa boselengeli bo lisego gongale iongiaongia, la tolaa mbeo gongale mungu. ²⁰ laesa bo baano la bebeko; la lubesa bo ndole adjangolingola bo, la mbeo adjingotonga bo. ²¹ binaa moete lisego litubu bolome abakoke lo, ababanga iongiaongia, bolome ba loongene, abati ambo bende mo lola bioto. selaa bo moete djaabo langene ogi angala bekondi be koto, bekondi be bokama; bekondi be betuu tano, la bekondi be liu. ²² basambese lisego mo gee getubu; badjee lalo gofelo djaago mbeo adjiloongene, la balubese bo bangene mbeo djike la litina liaho. la bolese olito se, la badje lalo gongale age. ²³ engala mbobotonga galo, la mbo mungu efa age bebeko, bokoka nde oengana, la lio lisego litubu liengala nde la osagela mo geelelo giabo. ²⁴ mose agaoa liogi li boilo bwande abogolome, la ge agaatonga mbeo yitubu ayibee ge. ²⁵ mose agaa bina bolome abangale la bweli moete yisalaele botubu, la ge agasela bo bekondi be lisego, bekondi be koto, la bekondi be bokama, la bekondi be betuu tano, la bekondi be liu. ²⁶ bo abasambesa lisego mo gee getubu; bo abatola gofelo dje mose mbeo adjifia, la bo abalubesa moete abo langene mbeo itubu odjike. ²⁷ mose agaasidja mombo boilo bwande abo golome aee, la yetelo agaa go boi bwande.