¹ liemba litubu li yisalaele bo abaeta golisobe li sini, mo loendo loabo ogalo abee ngene ebea laabo; la bo abaatonga lifete liabo gongale lefidimi. lagalo badje batimbe po dje mbo baito ba mwe. ² lagalo lisego abasila mose la loo bo ababea mombo: fee esu badje bomwa. mose aga binogesela bo mombo; gei gengalenu mosilemi la loo? po dje gi angalenu mo ota mungu? ³ lisego bembe nde la kamo dje badje langandu, la bo abaimima la mose, la bo aba bea mombo; po dje gi aagese boagesesu liolo ototoga go ejipito, po dje bo boloesu la kamo dje badje la bana baiso la bolongo bwaiso bo nama? ⁴ mose agataa bende gongale ngene, la ge agabea mombo; gei geangotongemi lie lisego? moatiala djei gee geke mombo batobemi babanga. ⁵ ngene agabea la mose mombo: etaa gofelo dje lisego, la osaa moete djaabo baise ba yisalaele; la age bundaa mo baago bago ikoko djago adjitobe age mo badje, la enu abaenda. ⁶ letaa, djengala nde go felo djaago gotie itale olebe, la botoba nde itale la ikoko djago la badje benena nde, la lisego bemwa nde. la mose agatonga galo abee mungu, go felo dje bekumi be yisalaele. ⁷ ge agaata gesee gyaho lina masa la meliba, po dje mbo bana ba yisalaele besilende mungu la loo la po dje mbo beotende mungu, la bebee nde mombo; ngene engale folo moete djaiso,too mombo ati ho? ⁸ gombisa amaleke agaiga la ge agaata gimo la yisalaele gongale lefidimi. ⁹ lagalo mose agabea la yosua mombo: binelesu bolome, kbegaa, lonaa la amaleke. lafendu djengala nde gotie ngolo, ikoko dji mungu ingala nde mo baago baami. ¹⁰ yosua agatonga ogalo abee mose, po dje olonga amaleke, la mose la alona la hulu bo abaaga gotie dje ngolo. ¹¹ gee geletshe mose baago liolo, yisalaele bo abangala la ofia; la gee gelese ge baago bande se, baito ba amaleke bo abangala la ofia langandu. ¹² baago ba mose gee gelembe bo, ge agaosa libanga limoo ge agata goliolo liande, la ge agabunda go se. alona la hulu bo aba bunda ge mo baago bande, omoa gombale emoa, ano agoi gombale aloi. la baago babo beandane nde tee la liolo gee ge loha goofonya. ¹³ la yosua agaalonga amaleke la lisego liande, mondole dje ilonde. ¹⁴ ngene agabea la mose mombo: komaa mo mo buku , po dje mbo motiale goete botema, la galo ndabee yosua mombo djetotola nde okanesa bo amaleke gose la go liolo. ¹⁵ mose aga fua gehumbelo la ge aga faa lina ngene-nisi, ¹⁶ ge agabea mombo; po dje mbo djoogo ilesame nde liolo gotie kiti dje bokondi bo iongiaongia, mongala nde la gimo ge mungu la amaleke, gengala nde ge bana ba bana.