¹ liemba litubu li bana ba yisalaee bo abatotoga go elimi, la bo abaiga go lisobe li sini mongale moete elimi laa sinai mo bikolo liu la tano mo songe dje djele gombisa dje ototoga boabo go gehuma ge ejipito. ² lingomba litubu li baito ba yisalaele bembende moimima gongale mose la alona goete lisobe, ³ la bo ababea mombo, ati tongbele ata mo baago ba mungu go gehuma ge ejipito, agombesu gongonge feli dje benugu la go tombende mola isongu dji ouguto, po dje mbo enaa, boai laiso goni lisobe po dje oloa lisego litubu la isige. ⁴ la galo ngene agabea la mose mombo: letaa djetonesela nde enu isongu ototoga go liolo, la baito bekbega nde la bemama nde bokolo la bokolo, momo mokoke mombo iote bo indai mbo beenda nde gelenge gemoa la bobeko bwami too mombo bafaende galo. ⁶ mose laa alona bo ababea la bana batubu ba yisalaele mombo: mo lie liolo bolubi ndi mombo moende iongiaongia ndatotolenu go boi bo ejipito. ⁷ la nongo, boeni ndi lokuku lo mungu, po dje mbo aaoa osuma bwaino gongale ge iongiaongia; po dje mbo gei gengalesu, po dje mbo boimimei laiso? ⁸ mose agaabea mombo: mungu efee ndenu bonugu bo ola la lie liolo, la nongo isongu itubu, po dje mbo mungu aoa oimima boaino abombenu moselenga po djaande; po dje mbo gei gengalesu? moti po djaiso nde bongale oimima bwaino, moende po dje mungu. ⁹ mose agabea la alona mombo: beaa la liemba litubu li bana ba yisalaele; segei se gongale ngene, po dje mbo aoa oimima bwaino. ¹⁰ la galo alona agaabea la liemba litubu li bana ba yisalaele mombo, betimba nde gombale dje lisobe, la letaa, lokuku lo ngene loa kbegela moete lipata. ¹¹ iongiaongia agaabegesa mose mombo: ¹² djoende oimima bo bana ba yisalaele. beaa laabo mombo: moete baolo baele bolindi bonugu, la nongo bouguto nde isongu; la bolubindi mombo djengale ngene, mungu djaino. la liolo, mboso idje nde la djo adjaindja gesee agembe baito mongala se, la gee ageindje londundugo lose loindja gesee geaho. ¹⁴ gee gesile londundugo ototoga, gea ata gemoa ge mboso geti tiale ale mo se goete lisobe, oke ogi angala ligugumba go se. ¹⁵ gee ge ene baito ba yisalaele galo bo ababea mombo; gei gengale gai? po dje mbo bo batilube mo. mose agabea laabo mombo; moende isongu djo ife iongiaongia efeenu po dje mbo bolei. ¹⁶ mungu agaa faa bobeko mombo: boto la boto emoma nde mo moete djaino ogalo angokoka ambo ge ola.omele bomoa goete boto omoa, moete botudja bo boto omoa la omoa goete lifete liande. ¹⁷ baito ba yisalaele bo abatonga galo; la bo aba bina galo, basina bwidje la obamoi ababina oke. ¹⁸ gombisa bo aba pima go gemekelo ge omele, boto aga bine mingi atiudje bo oetela, la agaati mbo ebine mingi atidjange ambwale, boto la boto ebine nde ogalo akoke ge ola. ¹⁹ mose agaabea laabo mombo: boto ata omoa atoisa po dje ola la nongo. ²⁰ batshoe mose, la mombe la baito abatie lo tee la nongo; kasi mo amoakikoga behombwa, la la mo amoakoka ofaa baito bwale. mose agaa sundja la baito. ²¹ nongo tubu, boto la boto eose nde mokoke laande ola mo bo bokolo; la gee geige mo la loha, mo amoalangoga. ²² bwina abo liambe, bo aba bina mbala djele bia bi ola ogalo aenele boto la boto, la baito balene ba liemba bo abadjaa golubesa mose. ²³ la mose agabea laabo mombo: galo ndabee ngene, lafendu eende bwina bo oogoma. sabata eende bwina bo iongiaongia; lambei abingalenu motonga lambei, bo endjei, la isei tee la nongo abingotiala. ²⁴ betia nde mo tee la nongo ogalo abee mose; la mo mofafonde ale, la mofakalambe ale behombwa. ²⁵ mose agaabea mombo: lei mo laa bwina po dje mbo bwina bo sabato; laa bwina bofaudji bia bi ola go gato. ²⁶ moete bekolo liambe, boobini ndi ale; kasi bwina bo bosambale abongale bwina bo sabato, mofangale ale. ²⁷ bwina abo bosambale, ndambo dje lisego benena nde po dje oa goobina, la bafaudje ale gea. ²⁸ lagalo mungu agabea la mose mombo: tee gee inandi gefeenu otosa bebeko biami la bana baami? ²⁹ letei, ngene efeendenu bwina bo sabata: po dje mo nafee efenu bwina bo liambe bia bi ola po dje bekolo bele. mombo boto la boto angale gesee geande, la mombo boto ata omooatshonena mo gesee agengale ge bwina bo bosambale. ³⁰ la mbo baito baogome bwina bo bosambale. ³¹ mbele dje ysalaele agafaa bio bia lina li mana. ge engale ogalo angala tuma to kolianda, la tuma toaho tombende fufu, la djuma djaho imbende gelemo ge bokati abolambe bo la boge. ³² mose agabea mombo; letei ogalo abee ngene; sidjaa omele bomoa boise mo po dje basego baino; la litina li mombo baene isongu aife djeefenu mombo bolei go gesobe, gombise djami onenesenu go boi bo ejipito. ³³ la mose agaabea la alona mombo; osaa feli emoa, taa mana badjale mo omele bomoa, la selaa se gofelo dje ngene, po dje mbo moisame po dje bana ba bana baino. ³⁴ okokana la galo abee ngene la mose, alona agaasela mo gofelo ye bisee abibee mungu, po dje mbo mwisame. ³⁵ bana ba yisalaele belee nde mana moete bilanga betuu benei, tee ogalo aige bo go boi aboe bo goongala; bo abala mana tee ogalo ae bo goiga go bolelo bo boi bo kanana. ³⁶ omele bomoa ende gesege ge liu ge efa.