¹ la galo mose la bana ba yisalaele bo aba kbela mungu bogele. la bo ababea mombo: djekbela nde mungu bogele po dje mbo eenese nde lokuku loande; ebelende goete badje balene punda la beendisi biabo ² mungu ndangale ofia bwami la mo ndangale litina li bogele bwami ; ga ndauhesemi. engale iongiaongia djaami ye bela nde ge; engale mungu dje ise gami djeoa nde ge. ³ iongiaongia engale bolonibolene, iongiaongia ndangale lina liande. ⁴ etende goete badje abalene kaminyo i bimo laa bima bia bitubu bi falo laa basola bande; basola bande ba bimo belinde nde goete badje abalene abaelu. ⁵ boela bo loende bo; bo abalinda goete olinda ogi angala itale. ⁶ djogo djag i bolome, o ngene! aalubesa ofia bwande, djogo djago i bolome, o ngene! djaabenda banguna. ⁷ la olene bo lokuku loago bookalambesa nde abati molemba age; bosilesa nde bo ogi angala bingi. ⁸ la lohe lo liolo liago badje baatobana,la boela bo aboadjaa se, la olundu bo badje bo aboaindjama moete botema bo badje abalene. ⁹ bonguna agabea mombo;emi djebitsha nde emi djudja nde, djee ganya nde bia abifinolemi yeeme yaami djesla nde gongale bo, djenenesa nde lisete la djoogo djami isega nde bo. ¹⁰ bofife nde lohe loago la badje abalene aba loa bo; bo abalinda ogi angala mondole moete badje abalene. ¹¹ e ngene, ndi ndangale ogi angale age moete mungu yi bokili ? indi nangale ambo age, la lokuku moete gehuma laa olongana la osembogela la okbela bogelela besala be ogemesa? ¹² bolese nde djoogo djago aibolome liolo, gehuma agaa moa bo. ¹³ la ngandi djaago boende nde, la bouhese nde lie lisego; la ofia bwagoage agaa laaboogengaelo ge boelu bongo. ¹⁴ la lisego boende bo aba bilima; la booha bo aboangala gongale baito ba filisitia. ¹⁵ bekondi be edona bembe nde moete booha la moete obilima gote baito beende go lisobe li moaba; baito batubu ba kanana bekbe nde se la obilima. ¹⁶ booha la beende boige nde gongale bo motina dje olene bo djoogo djago; bo abangala hoii ogi angala itale tee ogalo asile baito baito bago oeta, eh iongiaongia, tee ogangosila baito bago, bo besombe age, besila nde oeta, lisego alinyenye age. ¹⁷ booa nde laabo la boosela nde bo gotie ngolo dje lifeta liago. go gesee age longanye age po dje mbo bongongala, o! iogiaongiagesee ge bwelu, ngene! age tonge baago bago. ¹⁸ mungu engla nde po dje loongo la kila bwina. ¹⁹ po dje mbo punda dji falo, la kaminyo djande dji bimo laa baito bande begotende moete badje abalene,la mungu agatoma gongale bo badje abalene begase. ²⁰ meliama, bosaoli, boelo ga alona ge agaosa indundu mo baago bande, la bogali batubu bo abalingola ge,la baanga la babina. ²¹ meliama aga binogesela bana ba yisalaele mombo; kbeli mungu begele, po dje mbo aenesa lokuku loande; etende goete badje abalene punda laa agaendesa ge moete badje abalene. ²² mose ge agaa la bana ba yisalaele go badje abalene ba boelu, ge agaosa go ndole ye lisobe li sula. beende nde bekolo besaso goete lisobe la bati udje badje bomoa. ²³ gee geige bo go mola, batikoke gomwa badje ba mola po dje mbo bembe nde la libe,momo atangebo bo badje mala. ²⁴ baito beimime nde la mose la bo ababeaa mombo esu tomwande geni gea? ²⁵ ge ambwale agaa lela gongale mungu la mungu agaenesa ge isandu la ge ambwale agaata djo isandu moete badje, la badje baho aba longana. mombee nde ago ndafee iongiaongia efa lisego bebeko la biendelo, la ago ndaote mungu eota bo. ²⁶ ge agaabea mombo: engala mombo booa liogi li ngene, mungu djaago, la engala mombo botonga mbeo adjingale mo alima mo baiso bande, la engala mbo botaa litoi se mo bebeko biande, la bobatele bebeko betubu byande, ifa tobe ale age la bwale ata bomoa ogi angala biale abetobemi baito ba ejipito; po dje mbo emi djengale ngene, aga uhese age. ²⁷ la gombisa goige bo go elimi, goni ago itshe baito liu la baele ba badje la baito ba mbila betuu bosambale, bo aba fua lifete ho go ngonga dje badje