¹ Geegeaho saolo,ogambe la ligendi liooisa looso la liooloa baetani ba ngene,aaa goangae kanga ye IONGIAONGIA oyendene. ² La oyo ho aamba be kanda po ye sinagogiye Damasiko,poye mbo,obalembe boboo abo sika bengaa go,balome too bagali,abundee bo la aee laabo go Yelusaleme. ³ Gee agombage mondole,la aangaa bagu liangangi la Damaseke la pwasa lingangi oyaa go lola ba nganga goti yande. ⁴ Yoho aakbase monele,oyoho aoa liogi limoo olimbe moselenga laande;saolo,saolo, po ye gi angaleago monyokolei? ⁵ ko ebinola;Indi angale age,ngene?ko ngene ebea laande;emi Yesu ogangale age monyokola.Mongaande looso la fine po yaago y'oemala ongaa moete boha,ko ebea;Ngene,gei gelembe aga mbo itongee?ko ngene ebea laande;emalaa,gotaa goete iyula ilene,la bebegisa ndae geiginandi agengo tonga age. ⁷ Bolome obambe laande ko batila moete ogema;bembaande mooa liogi,la batimbe moena boto. ⁸ Saolo ko emala mo nele.mbo ogi alipoge baiso bande,atimbe moena gea,boo babundage mo baago po yoa lande go Damaseke. ⁹ Engaande bekolo meseso atile gea la atiene la atile geea. ¹⁰ Indimbo, mombaande go Damaseke boetani bomoo ogatangame Anania! ko ebenola;Emiono,ngene! ¹¹ Ko ngene ebea laande;Emala, tea mondole oyetangamelo oyi golome,la silaa goete mbele ye Yuda,ogatangame lina mbo saolo boto ga Talase. ¹² Po ye mbo endesombola,la enende goete oenisama boto omoo ogatangabo Anania,ogambe mogota,la ogambe motelage bago,po ye auhisamee.Anania aabinola. ¹³ Ngene,yaoa gongale baito baiye mbeo yibe oyitonge ogo boto goangae bayengebene goketa ye Yelusaleme. ¹⁴ La engae ane la bokondi,gongale kanga ye IONGIAONGIA oindene,po y'obunda baito atubu obangae mosombola molina liago. ¹⁶ La yenisandege po ye lina liai. ¹⁷ Anania aanena;la gosilege oiga gombele, geoho aatela saolo baago la obea;saolo bwelo gai,ngene Yesu,oga kbegele age mondole oyembe age moya,aatomemi po ye mbo bwenase la boyalisamee la boenda bo IONGIAONGIA. ¹⁸ Ko la ho,komokbase,mobaiso bande oogi angala mboso la ko enase. ¹⁹ La,gombisa ye ola bia,oyoho auya ofia.Saolo aangaa yei bekolo la baetani obambe go Damaseke; ²⁰ Bogi ko esakola goete sinagoge mbo Yesu engae bona ga IONGIAONGIA. ²¹ Obambe mooage bembende moete ye ogema,la ko babeambo;ati agambe monyokola baito po yegee lina,la atiyee gini poye oya bunda baito poye oalaabo moete ndii gofelo kanga ye IONGIAONGIA oyindene? ²² Ko ho saolo oho aangaa mouya ofia langandu ko esela Bayuda obambe go Damaseke moete lofindi la oenisa mbo Yesu egae Kilisito ²³ Gombisa gee geke,bayuda baoana mbo la loage. ²⁴ la londo loabo poalubna la saolo.Bembande mokengela bome bose la lotigo po ye mbo bakoke mo loage. ²⁵ La moete lotigo lomoo,baetani baosage,la baa sulugase mogetutu,goete galimba. ²⁶ Goaag go Yelusaleme,saolo ogo aa laabo; ko galo bebangage,batienyele mbo embe baetani. ²⁷ La galo balanabase oho aaaosage,aa laande gangae ba posolo oyoho atelabomboli oogatobanege la ngene,ogabeege laande,la gelenge ginandi gesakolege lolo go Damaseke molina li Yesu. ²⁸ Embaande moa laobinoga laabo gokete Yelusaleme,la embande moselenga moete ye otobanga molina li Ngene. ²⁹ Embande mobea la otanabwega labahelanisa;la beebundande mosila oloage. ³⁰ Baelo,la gasilebo oluba bobo baesage gocesale la bobo baatomage go talasa ³¹ Ko lingomba liangaa gehoi goete Yudaya,galilaya laa samalia,moete olendisama moete y'obanga Ngene,ko bweya boteu la lisungi li boenda bo IONGIAONGIA. ³² Ogiambe Petelo moa gooleta bayengebene batubu,ooho aa ambwale goo leta obangae go Lide. ³³ Uyanande la boto omoo agatangamaa mbo Enee, embaande mo pota gotiye kengo emoa bilanga mwambe po yembo embende getutu. ³⁴ Petelo ogo abea laande;Ene,Yesu kilisito auhisae;emalaa,totolaa kengo yaago.la koho koemala. ³⁵ Baito batubu ba Lida la salo ko bonage,la bobo baa kikoga goangae Ngene. ³⁶ Mombaande go Yafo,moete baetani,gogali omoo ogatangebo tabita,omoabeama mbo Doloka;ogambe motonga besala biiye belo la ofa obati muuya. ³⁷ Koekba la bwale moete yo gee yo,ko engba.Gombisa ye ofulage,ko betage goete mbele ye liolo. ³⁸ Ogi angale Lida bagubagu la Yafo,baetani la goe bo mbo,Petelo embende go,ko botoma baito baelo goanaege,po ye osembogelage mbo ae sagasaga gongae bo. ³⁹ Petelo oho aemala la ea la baito baaho,la gosilege oiga bobo baa laande gombele ye liolo.Obangbele bolome ko beletshage moete abo. ⁴⁰ Petelo oho anenya baito batubu,afwa baloise,la ko esombola;la oyoho aakikoga goangae boligo ko ebea;Tabita,emala! ko elifola baiso la ko ena Petelo ko engalase. ⁴¹ KO efage yo go ko emalesage. la mbisa ko bogali abangbele balome,la ko enisage laabo buwe. ⁴² Lamomo lubanende goete boi botubu bo Yafo.la baiye bo baimilia Ngene. ⁴³ Petelo ko engala gee geke go yaf,goangae Simona ogalonganya mboso yi nama.