¹ Mombaande boto omoo go kaisalia lina liande koloneli, bokonji bo basola ba italia. ² boto gaho embe nde bosembogeli la obanga iongiaongia, laa mbele djande tubu; embe nde mofaa ba kabo mobaito, la osembogela iongiaongia biye bitubu. ³ Monga dje libwa moete bokolo, ge engaena goete sai andjelu bwiongiaongia ogota gongale ge, ge aga bea laande: KOLONELI ⁴ indi afwege baiso, laa bogasa, ge aga esha mbisa: gaui angale galo, Ngene? Andjelu agaa bea laande: osembogela bwago laa bakabo baiga go felo djiongiaongia, ge angaa alanganamo. ⁵ Esha baito go yafo sika gi, simona adje, agatanga bo petelo; ⁶ Engale go mbele dje simona, aga tshwa fuu dji nama, aga ngale la go ngonge. ⁷ Ago ate moandje abombe mobea laande, Koloneli agaata basali bande baele, la sola emoo bosembogeli mosis dje obambe bagubagu laande; ⁸ Go mbisa dje otela bo mboli, aatoma bo go yafo. ⁹ La giose, galo ambe bo mo ndole, la oiga bagu la djula djilene, petelo aga gotie losambo lombele, bagubagu la ngonga dje libwa, po dje osembogela. ¹⁰ Ge aga oa isige, la anaga la kamodjola. ago ambe bo molambela ge bia, ge aga gota moete sai. ¹¹ Aena lola baale, la gea ge moo ambo itoko djia ndametunga djinei, kosuluga olingola nele. ¹² Go mbe nama dji baolo banei la aba henda monele laa noli dji liolo. ¹³ Liogi limoo lia bea laande: emala, petelo, loa bolee. ¹⁴ Kasi petelo ge mbo: Ati galo, ngene, dje li te gea gesegame laa ge lilo. ¹⁵ Mbala dje djele liago liaho liadjela ale ge: moa tanga iongiaongia bogela ne, ingoena mogesegame. ¹⁶ Mwa iga galo mbala isaso, ago mbisa dje mo, gea geaho geaa mbisa go lola. ¹⁷ Ago ambe petelo moolangana tina djesai djiande, leta, baito aba tomame la Koloneli, golube bo mbele dje simona, baa iga mo bome bo mbele, ¹⁸ Baatundja la liogi li fia soki ago nangaele simona, aga tanga bo petelo. ¹⁹ Galo ambe petelo moalangana gotie sai, boenda boa bea lande: leta, baito basaso be motundja age; ²⁰ Emelaa, suluga, la keaa enu baabo ngomba la booha, po emi na tomebo. ²¹ Petelo aga suluga, ge aga bea laabo: letei emi ono aga ngale nu mosila, gei gedjelenu? ²² Bo abaesha mbisa: kolonele, bokondji ba sola, botoga loomene la obanga iongiaongia, la angae babota batubu ba yuda mofaa mboli djilo mpo djande, elubesame la gelenge giongiaongia la andjelu bodjengebene mbo buige go mbele djaande labo aoe baigi bago. ²³ Petelo ge aga godja bo go mbele, angaesa bo se, lagiose, aemala, bo abaa. Bandeko basina bayafo baa lande gese gemoo. ²⁴ Biiga nde go kaisalia bokolo bo mbisa. Kolonele e lombonde bo, la etee nde baise la bainango la mainga mande. ²⁵ Aho egote petelo, kolonele, aga e go felo djande, aga tulamase mo naolo baande ge aga mengia ge. ²⁶ Kasi petelo aga emalisa ge, la obuya mbo: emala; la emi ambwale, dje ngale boto. ²⁷ La gombe yama laande, e gote nde, ge aga itsha gea ge baito lidjodjo. ²⁸ Bolubi, abea laabo, mo fei djame la moyuda oandana la boto ga geanga too ogota gogande; kasi iongiaongia elubesei ngoena boto ao omo ambo boto besagame la boto ga lila. ²⁹ Momo atimbei la fege godja, botiindi djei liogi; dje ndetundjenu mbo boti djei liogi la loo inandi? ³⁰ Kolonele ge mbo: mwa eta bekolo benei, mo bei ambo bei, dje mbe nde mo sembogela go mbele djai la ngonga dje libwa; letei boto omoo aga bate tulu djilo a nenelei, ge mbo: ³¹ Koloneli, lisembogeli liago lia imidjama, la iongiaongia e semoge la ba kabo bago. ³² La galo esha boto go yafo, gota simona, agatanga bo petelo; engale go ete mbele dje simona, ogafala fuu dji nama, mongonge. ³³ Ogiogi dje se nde boto gogago, la boa ela olo go dja. sika gi tongae esu batubu go felo djiongiaongia, po dje oowa mbeo itshubu aibegese ngene mbo bobee laiso. ³⁴ Lagalo petelo, go lifole ge bonya, ge mb: aloo ngene, dje lube mbo iongiaongia ati la bondaa, ³⁵ Kasi mbo mobasego batubu aga ngale la bogasa bwande la ogatonga loongene ende moa ge olo. ³⁶ Etome nde liogi gongae bana ba isalaele, obegesa bo ge hoi mo ndole dje yesu kilisoto, aga ngale ngene aba baito ba tubu. ³⁷ Bolube moete go ete yuda tuba, go mbisa dje ofanga go galilaya, go tunga dje olufiama abo tedje yoani; ³⁸ Bolubi galo adjalesa iongiaongia boenda boelu la ofia go ngale yesu boto ga nasaleta, aga mbe moete bisee la bisee otonga olo la ouesha baito ba tubu aba mbe bekobe be djabulu, po dje mbo iongiaongia embe laande. ³⁹ Tongale obembe ho la motenge ge motubu go boi ba yuda la yelusaleme. bo aba loa ge, mokakya ge muikoko. ⁴⁰ Iongiaongia aga tesa ge liolo bokolo abo besaso la ge anga ndima mbo aenegele, ⁴¹ Ati go ngale baito batubu, kasi go ngale obambe ho abaponame felo la iongiongia, gongale esu ambale la omwa laande, go mbisa djota liolo bwa nde gosisi dje meligo. ⁴² La yesu efesu ndole djo okesa baito la olubesa mbo ge na selame la iongiaongia bo kati bo mbeo dji abangale la uha la abaso ngba. ⁴³ Basooli ba tubu bendimi djisa po djande mbo boto botubu o gaimidja ge endudja laa lina liande olimbesama bo ba sumu. ⁴⁴ Ago ambe petelo mo bea djo mbeo, boenda boelu boa belegela baito ba tubu aba mbe moa liogi. ⁴⁵ Baimidji batubu abatinyame limbute aba dje la petelo aba kamwa mbo likabo li boenda bwelu lia belegela ambale ba pakano. ⁴⁶ Po dje mbo boenda moselenga la baogi la ofaa iongiangia luuma. ⁴⁷ La galo petelo ge mbo mo koka nde ofeidja bandje badje boolufama gongae abaaudja boenda boelu ambo esu? ⁴⁸ Ge aga faa ndole mbo bolufiei bo la lina li ngene. gotie mo baasembogela ge mo angale laa bo ndambo dje sigo.